സ്‌കൂട്ടര്‍ ചെളി തെറിച്ചതിന് വീട്ടമ്മക്ക് മര്‍ദനം: പ്രതി അറസ്​റ്റില്‍

ചിത്രം - പുനലൂര്‍: സ്‌കൂട്ടര്‍ ചെളി തെറിപ്പിച്ചതിനെ ചൊല്ലിയുള്ള സംഘര്‍ഷത്തില്‍ വീട്ടമ്മയെ മര്‍ദിച്ചയാളെ പൊലീസ് അറസ്​റ്റ്​ ചെയ്തു. കരവാളൂര്‍ ചൂട്ടയില്‍ കുന്നുംപുറം നാല് സൻെറ്​ കോളനിയില്‍ ദേവി ഹൗസില്‍ കണ്ണന്‍ എന്ന അജയകുമാറിനെയാണ് പുനലൂര്‍ പൊലീസ് അറസ്​റ്റ് ചെയ്തത്. വെള്ളിയാഴ്ച വൈകീട്ട് ആറരയോടെയായിരുന്നു സംഭവം. വീട്ടമ്മയുടെ മകന്‍ ഓടിച്ച സ്‌കൂട്ടറില്‍ വീട്ടിലേക്ക് വരുംവഴി നടന്നുപോകുകയായിരുന്ന അജയകുമാറി​ൻെറ ദേഹത്തേക്ക് വെള്ളം തെറിക്കുകയായിരുന്നു. ഇതില്‍ ക്ഷുഭിതനായ ഇയാള്‍ വണ്ടിയോടിച്ചിരുന്ന പരാതിക്കാരിയുടെ മകനെ അസഭ്യം പറയുകയും മര്‍ദിക്കുകയുമായിരുന്നു. വീടിനുമുന്നില്‍ തര്‍ക്കം നടക്കുന്നത്​ കണ്ട വീട്ടമ്മ മകനെ രക്ഷിക്കാനായി തടസ്സം പിടിക്കാന്‍ ചെന്നപ്പോഴായിരുന്നു അജയകുമാര്‍ ഇവരെ മര്‍ദിച്ചത്. നാട്ടുകാരും പൊതുപ്രവര്‍ത്തകരും ചേര്‍ന്ന് വീട്ടമ്മയെ പുനലൂര്‍ താലൂക്ക് ആശുപത്രിയിലെത്തിച്ചു. വീട്ടമ്മയുടെ പരാതിയില്‍ പുനലൂര്‍ എസ്.ഐ ശരലാലും സംഘവും കരവാളൂര്‍ ഭാഗത്തുനിന്നാണ് പിടികൂടിയത്.