സി.പി.എം കുന്നത്തൂര്‍ ഏരിയ സമ്മേളനത്തിന് തുടക്കമായി

ചിത്രം- ശാസ്താംകോട്ട: സി.പി.എം കുന്നത്തൂര്‍ ഏരിയ സമ്മേളനത്തിന് മണ്‍റോതുരുത്തില്‍ തുടക്കമായി. കാസിം നഗറില്‍ ആരംഭിച്ച സമ്മേളനം സി.പി.എം സംസ്ഥാന സെക്ര​േട്ടറിയറ്റ് അംഗം ആനത്തലവട്ടം ആനന്ദന്‍ ഉദ്​ഘാടനം ചെയ്തു. മുതിര്‍ന്ന അംഗം പി. ആൻറണി പതാക ഉയര്‍ത്തിയാണ് സമ്മേളനം ആരംഭിച്ചത്. ജില്ല സെക്രട്ടറി എസ്. സുദേവന്‍, സംസ്ഥാന കമ്മിറ്റി അംഗങ്ങളായ ജെ. മേഴ്‌സികുട്ടിയമ്മ, കെ. സോമപ്രസാദ്​ എം.പി, സൂസന്‍ കോടി, ജില്ല സെക്രട്ടേറിയറ്റ് അംഗം എം. ശിവശങ്കരപ്പിള്ള, ഏരിയ സെക്രട്ടറി ടി.ആര്‍. ശങ്കരപ്പിള്ള, കെ. ശോഭന, കെ. തമ്പാന്‍, ബിനു കരുണാകരന്‍ എന്നിവര്‍ സമ്മേളനത്തില്‍ പങ്കെടുത്തു.