സംസ്ഥാന സീനിയർ ബാഡ്മിൻറൺ ചാമ്പ്യൻഷിപ് കൊല്ലത്ത്

കൊല്ലം: സംസ്ഥാന സീനിയർ ബാഡ്മിൻറൺ ചാമ്പ്യൻഷിപ് ശനിയാഴ്​ചമുതൽ 29 വരെ കൊല്ലത്ത് നടക്കും. കൊല്ലം മുഖത്തല സ്‌പോർട്സ്​ സിറ്റി ഇൻഡോർ സ്‌റ്റേഡിയത്തിൽ നടക്കുന്ന ചാമ്പ്യൻഷിപ്പിൽ 14 ജില്ലകളിൽനിന്ന്​ മത്സരങ്ങളിലൂടെ തെരഞ്ഞെടുക്കപ്പെട്ടവർ പങ്കെടുക്കും. മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. കേരള ബാഡ്മിൻറൺ അസോസിയേഷൻ സംസ്ഥാന പ്രസിഡൻറ്​ കെ. അനിൽകുമാർ അമ്പലക്കര അധ്യക്ഷത വഹിക്കും. വാർത്തസമ്മേളനത്തിൽ കെ. അനിൽകുമാർ അമ്പലക്കര, രാജീവ് ദേവലോകം, അഡ്വ. ധീരജ് രവി, എ.കെ. അൽത്താഫ്, ഷാഹുൽ ഹമീദ് എന്നിവർ പങ്കെടുത്തു.