ജനജാഗ്രത പദയാത്ര കെ. സുധാകരന്‍ നയിക്കും

കൊല്ലം: വിലക്കയറ്റത്തിനും പണപ്പെരുപ്പത്തിനും എതിരെ കോണ്‍ഗ്രസ് ദേശവ്യാപകമായി സംഘടിപ്പിക്കുന്ന 'ജന്‍ ജാഗരന്‍ അഭിയാന്‍' കാമ്പയി​ൻെറ ഭാഗമായി കെ.പി.സി.സി പ്രസിഡൻറ്​ കെ. സുധാകരന്‍ എം.പി നയിക്കുന്ന ജനജാഗ്രത പദയാത്ര ശനി, ഞായര്‍ ദിവസങ്ങളില്‍ നടക്കും. ഡി.സി.സിയുടെ നേതൃത്വത്തില്‍ നടക്കുന്ന പദയാത്ര ശനിയാഴ്ച വൈകീട്ട് മൂന്നിന് കരുനാഗപ്പള്ളി കോണ്‍ഗ്രസ് ഭവന് മുന്നില്‍നിന്ന്​ ആരംഭിച്ച് പന്മന ആശ്രമത്തില്‍ സമാപിക്കും. ആശ്രമത്തില്‍ തങ്ങുന്ന കെ.പി.സി.സി പ്രസിഡൻറ്​ ഞായറാഴ്ച രാവിലെ പൗരപ്രമുഖരുമായി കൂടിക്കാഴ്ച നടത്തും. രാവിലെ 10.30ന് ആശ്രമത്തില്‍ നിന്നാരംഭിക്കുന്ന പദയാത്ര ബാരിസ്​റ്റര്‍ എ.കെ. പിള്ളയുടെ ജന്മസ്ഥലമായ കൂഴംകുളത്ത് സമാപിക്കും. പദയാത്രയില്‍ രണ്ടായിരത്തോളം കോണ്‍ഗ്രസ് പ്രവര്‍ത്തകര്‍ പ​െങ്കടുക്കുമെന്ന് ഡി.സി.സി പ്രസിഡൻറ്​ പി. രാജേന്ദ്രപ്രസാദ്, സ്വാഗതസംഘം ചെയര്‍മാന്‍ കെ.സി. രാജന്‍ എന്നിവർ വാര്‍ത്തസമ്മേളനത്തില്‍ അറിയിച്ചു. ജനറല്‍ കണ്‍വീനര്‍ കോലത്ത് വേണു, വിപിനചന്ദ്രന്‍, ജയപ്രകാശ്, സി. ഉണ്ണികൃഷ്ണന്‍ എന്നിവരും സംബന്ധിച്ചു.