പോത്ത് വിരണ്ടോടിയത് പരിഭ്രാന്തി പടർത്തി

ഇരവിപുരം: പോത്ത് വിരണ്ടോടിയത് പരിഭ്രാന്തിക്കിടയാക്കി. വെള്ളിയാഴ്ച ഉച്ചക്ക്​ രണ്ടരയോടെയായിരുന്നു സംഭവം. ആന്ധ്രയിൽനിന്ന് വാളത്തുംഗൽ വയനക്കുളത്ത് കൊണ്ടുവന്ന പോത്താണ് വിരണ്ടോടിയത്. ചകിരിക്കടയിൽ നിന്ന്​ പഴയാറ്റിൻകുഴിയിലെത്തിയ പോത്ത് അവിടെ നിന്ന് കൊല്ലം ഭാഗത്തേക്ക് നാലു കിലോമീറ്ററിലധികം ഓടി എസ്.എൻ. കോളജിന് സമീപമെത്തി നിൽക്കുകയായിരുന്നു. ആന്ധ്രയിൽ നിന്ന് കൊണ്ടു വന്നവരും ഉടമയും ചേർന്ന് പോത്തിെനെ പിടികൂടി മിനിലോറിയിൽ കയറ്റി ചകിരിക്കടയിലേക്ക്​ കൊണ്ടുപോയി.