യുവാക്കളെ ആക്രമിച്ച സംഘത്തിലെ മുഖ്യ പ്രതി പിടിയിൽ

ചിത്രം- ചവറ: യുവാവിനെ ആക്രമിച്ച സംഘത്തിലെ മുഖ്യ പ്രതിയെ പൊലീസ്​ പിടികൂടി. തേവലക്കര അരിനല്ലൂർ പാരയിൽ വീട്ടിൽ താമസിക്കുന്ന ചവറ തോട്ടിന് വടക്ക് മംഗല്യം വീട്ടിൽ എം. പ്രവീൺകുമാർ (21-അയ്യപ്പൻ) ആണ് പിടിയിലായത്. കഴിഞ്ഞ തിങ്കളാഴ്ച രാത്രി തേവലക്കര ചേനങ്കര മുക്കിന് കിഴക്ക് ബൈക്കിൽ വന്ന അരിനല്ലൂർ സ്വദേശികളായ ജോയി, സനൂപ് എന്നിവരെ തടഞ്ഞുനിർത്തി ആക്രമിക്കുകയായിരുന്നു. കേസിലെ മറ്റ് മൂന്ന് പ്രതികളെ കഴിഞ്ഞ ദിവസം പൊലീസ്​ പിടികൂടി റിമാൻഡ് ചെയ്തിരുന്നു. തെക്കുംഭാഗം ഇൻസ്​പെക്ടർ ദിനേഷ് കുമാർ, എസ്​.ഐ സുജാതൻപിള്ള, ചവറ എസ്​.ഐ സുകേശ്, കരുനാഗപ്പള്ളി എ.എസ്​.ഐ ഷാജിമോൻ, എ.എസ്​.ഐമാരായ ക്രിസ്​റ്റി, ഹരികൃഷ്ണൻ, ജയചന്ദ്രൻപിള്ള, സി.പി.ഒ മാരായ സെബിൻ, രതീഷ്, രിപു എന്നിവരടങ്ങിയ സംഘമാണ് പ്രതിയെ പിടികൂടിയത്.