മോഷണക്കേസിൽ പ്രതിചേർത്ത യുവാവിനെ കാണാനി​െല്ലന്ന് പരാതി

കുളത്തൂപ്പുഴ: പശുവിനെ മോഷ്​ടിച്ചു കടത്തിയ സംഭവത്തിൽ കുളത്തൂപ്പുഴ പൊലീസ് പ്രതിചേർത്ത യുവാവിനെ കാണാനി​െല്ലന്ന് പരാതി. കുളത്തൂപ്പുഴ സാംനഗർ അൻസാരി മൻസിലിൽ അനസിനെ കഴിഞ്ഞ അഞ്ചു ദിവസമായി കാണാനില്ലെന്ന് മാതാപിതാക്കൾ പുനലൂർ ഡിവൈ.എസ്.പിക്ക് പരാതി നൽകി. കഴിഞ്ഞ ആഗസ്​റ്റിൽ അനസി​ൻെറ പിക്-അപ് വാഹനം അയൽവാസി വാടകക്ക് വിളിച്ച് പശുവിനെ വാഹനത്തിൽ കയറ്റി കടയ്​ക്കലിൽ എത്തിച്ചു നൽകുന്നതിന് രണ്ടു ജോലിക്കാരെയും കൂട്ടി അയച്ചിരുന്നു. തുടർന്ന്,​ പശുവിനെ മോഷ്​ടിച്ച്​ കടത്തിയെന്നാരോപിച്ചുള്ള കേസിൽ അനസിനെയും കുടുക്കുകയായിരുന്നു. എന്നാൽ, മോഷണത്തിനു പിന്നിൽ പ്രവർത്തിച്ചവർക്കെതിരെ അന്വേഷണം നടത്താൻ പൊലീസ് തയാറായില്ലെന്ന്​ ബന്ധുക്കൾ ആരോപിച്ചു. ജാമ്യത്തിലിറങ്ങിയ ശേഷം ഇതു സംബന്ധിച്ച് തെളിവുകൾ സഹിതം പരാതി നൽകിയിട്ടും കേസ് പുനരന്വേഷിക്കാൻ പൊലീസ് തയാറായില്ലെന്നാണ്​ പരാതി. ഇതും പച്ചക്കറി വ്യാപാരം തകർന്നതിലുള്ള മാനസിക വിഷമം മൂലവും വീടുവിട്ടതാണെന്നും തങ്ങളുടെ മകനെ കണ്ടെത്തി തിരികെ എത്തിക്കണമെന്നും രക്ഷാകർത്താക്കൾ പുനലൂർ ഡിവൈ.എസ്.പിക്ക് നൽകിയ പരാതിയിൽ ആവശ്യപ്പെട്ടു.