സ്വകാര്യ മേഖലയില്‍ തൊഴില്‍ അവസര​മൊരുക്കി നിയുക്തി

(ചിത്രം) കൊല്ലം: ഉദ്യോഗാര്‍ഥികള്‍ക്ക് സ്വകാര്യമേഖലയില്‍ തൊഴില്‍ അവസരമൊരുക്കി ജില്ല എംപ്ലോയ്‌മൻെറ്​ എക്‌സ്‌ചേഞ്ചുകളുടെയും എംപ്ലോയബിലിറ്റി സൻെററുകളുടെയും സഹകരണത്തോടെ 'നിയുക്തി' തൊഴില്‍മേള സംഘടിപ്പിച്ചു. ഫാത്തിമ മാതാ നാഷനല്‍ കോളജില്‍ എം. നൗഷാദ് എം.എല്‍.എ ഉദ്ഘാടനം ചെയ്തു. എംപ്ലോയ്‌മൻെറ്​ എക്‌സ്‌ചേഞ്ചുകളെ തൊഴില്‍നൈപുണ്യ കേന്ദ്രങ്ങളാക്കി മാറ്റുകയെന്ന ലക്ഷ്യത്തോടെ വിവിധ പദ്ധതികളാണ് സര്‍ക്കാര്‍ നടപ്പാക്കുന്നത്. സ്വകാര്യമേഖലയില്‍ തൊഴിലവസരങ്ങളും ഒരുക്കുന്നു. എംപ്ലോയബിലിറ്റി സൻെററുകള്‍ മുഖേന തൊഴില്‍മേളകള്‍ സംഘടിപ്പിച്ച് പരമാവധി പേര്‍ക്ക് അവസരം ഒരുക്കുകയാണെന്നും അദ്ദേഹം പറഞ്ഞു. ടൂറിസം, ടെക്‌നോളജി, എൻജിനീയറിങ്, ആരോഗ്യം, മീഡിയ ആന്‍ഡ് അഡ്വര്‍ടൈസിങ്​, ഐ.ടി, കോമേഴ്സ് ആന്‍ഡ് ബിസിനസ്, ഓട്ടോമൊബൈല്‍ ടെക്‌നിക്കല്‍, ഐ.ടി രംഗത്തെ 55 സ്വകാര്യ സ്ഥാപനങ്ങളാണ് തൊഴില്‍ മേളയില്‍ പങ്കെടുത്തത്. 12,000 ഉദ്യോഗാർഥികളാണ് രജിസ്​റ്റര്‍ ചെയ്തത്. തിരുവനന്തപുരം മേഖല എംപ്ലോയ്‌മൻെറ്​ ഡെപ്യൂട്ടി ഡയറക്ടര്‍ സി.ജി. സാബു അധ്യക്ഷതവഹിച്ചു. സബ് റീജനല്‍ എംപ്ലോയ്‌മൻെറ്​ ഓഫിസര്‍ ആര്‍. ബൈജു ചന്ദ്രന്‍, വാര്‍ഡ് കൗണ്‍സിലര്‍ എ.കെ. സവാദ്, കോളജ് പ്രിന്‍സിപ്പല്‍ പി.ജെ ജോജോ, ജില്ല എംപ്ലോയ്‌മൻെറ്​ ഓഫിസര്‍ എം. ശിവദാസന്‍, എംപ്ലോയ്‌മൻെറ് ഓഫിസര്‍ ആര്‍. അശോകന്‍ എന്നിവര്‍ പങ്കെടുത്തു.