തീരദേശ സംരക്ഷണ സൈക്കിൾ റാലി

കരുനാഗപ്പള്ളി: കോഴിക്കോട് സൈക്കിൾ ഗ്രാമത്തി​ൻെറയും ചാച്ചാജി പബ്ലിക് സ്കൂളി​ൻെറയും ആഭിമുഖ്യത്തിൽ ആലപ്പാട് അഴീക്കൽ ബീച്ച് മുതൽ പണിക്കർ കടവ് പാലം വരെ 16 കിലോമീറ്റർ തീരസംരക്ഷണ സൈക്കിൾ റാലി നടത്തുന്നു. കടലാക്രമണവും പ്രകൃതിക്ഷോഭവും മൂലം നഷ്​ടപ്പെടുന്ന തീരങ്ങൾ സംരക്ഷിക്കണമെന്ന സന്ദേശവുമായാണ്​ റാലി. ഞായാറാഴ്ച രാവിലെ 7.30ന് ആരംഭിക്കുന്ന സൈക്കിൾ റാലിയുടെയും എക്കോ സൈക്കിൾ ക്ലബി​ൻെറയും ഉദ്​ഘാടനം സി.ആർ. മഹേഷ് എം.എൽ.എ നിർവഹിക്കും. സൈക്കിൾ ഗ്രാമം സ്ഥാപകൻ മുനമ്പത്ത് ഷിഹാബ് അധ്യക്ഷത വഹിക്കും. ആലപ്പാട് ഗ്രാമപഞ്ചായത്ത് പ്രസിഡൻറ്​ യു. ഉല്ലാസ് മുഖ്യപ്രഭാഷണം നടത്തും.