അംഗൻവാടി ജീവനക്കാരിയെ ആക്രമിക്കാന്‍ ശ്രമിച്ചു

ശാസ്താംകോട്ട: അംഗൻവാടി ജീവനക്കാരിയെ ആക്രമിക്കാന്‍ ശ്രമിച്ചയാള്‍ക്കെതിരേ പൊലീസ് കേസെടുത്തു. ശൂരനാട് തെക്ക് തൃക്കുന്നപ്പുഴ വടക്ക് പെരുമന വടക്കതില്‍ ശശിധരന്​ (57) എതിരെയാണ് അംഗൻവാടി ജീവനക്കാരിയുടെ പരാതിയില്‍ ശൂരനാട് പൊലീസ് കേസെടുത്തത്. കഴിഞ്ഞ ദിവസം ഉച്ചക്കാണ് സംഭവം. സംഭവസമയത്ത് അംഗൻവാടിയില്‍ ജീവനക്കാരി മാത്രമേ ഉണ്ടായിരുന്നുള്ളൂ. പ്രതി ഒളിവിലാണെന്നും ഉടന്‍ പിടിയിലാകുമെന്നും പൊലീസ് പറഞ്ഞു.