സ്വലാത്ത് വാർഷികം

ഇളംപള്ളിയൂർ: ഫാത്തിമ ജുമാ മസ്ജിദിൽ ആണ്ട് നേർച്ചയും സ്വലാത്ത് വാർഷികവും ശനിയാഴ്ച നടക്കും. രാവിലെ 6.30ന് പതാക ഉയർത്തൽ, ഏഴിന്​ ഖത്ത്മുൽ ഖുർആൻ, എട്ടിന്​ നാരിയ്യത്ത് സ്വലാത്ത്, 10ന് മുഹിയുദ്ദീൻ റാത്തീബ് എന്നിവ കോവിഡ് -19 മാനദണ്ഡം പാലിച്ച് മസ്ജിദിൽ നടത്തും. സമാപന ദുആക്ക് ദക്ഷിണ കേരള ജം ഇയ്യതുൽ ഉലമ പ്രസിഡന്റ് കെ.പി. അബൂബക്കർ ഹസ്രത്ത് നേതൃത്വം നൽകും. മജ്​ലിസിൽ ജമാഅത്ത് ഫെഡറേഷൻ പ്രസിഡന്റ് കടക്കൽ അബ്ദുൽ അസീസ് മൗലവി, ഫാത്തിമ ജുമാ മസ്ജിദ് ചീഫ്‌ ഇമാം പാങ്ങോട് ഖമറുദീൻ മൗലവി തുടങ്ങിയവർ പ്രസംഗിക്കും. ചന്ദനത്തോപ്പ് ചുഴുവൻചിറ മുസ്​ലിം ജമാഅത്ത് ആണ്ടുനേർച്ച തിങ്കളാഴ്ച സമാപിക്കും. ഖുർആൻ, മൗലിദ്, റാത്തീബ്, ദുആ എന്നിവ നടക്കും. തിങ്കളാഴ്ച രാത്രി 8.30 ന് അസൈയ്യിദ് ആറ്റക്കോയ തങ്ങൾ മണ്ണാർക്കാട് ദുആക്ക് നേതൃത്വം നൽകും.