വരവേൽപ് നൽകി

മയ്യനാട്: കൊല്ലം വരെ നീട്ടിയ നാഗർകോവിൽ തിരുവനന്തപുരം അൺ റിസർവഡ് എക്സ്​പ്രസ് ട്രെയിനിന് മയ്യനാട് റെയിൽവേ സ്റ്റേഷനിൽ വിവിധ സംഘടനകളുടെ നേതൃത്വത്തിൽ സ്വീകരണം നൽകി. യു.ഡി.എഫിന്‍റെ നേതൃത്വത്തിലും പാസഞ്ചേർസ് അസോസിയേഷന്‍റെ നേതൃത്വത്തിലുമായിരുന്നു സ്വീകരണം. കെ.പി.സി.സി നിർവാഹക സമിതി അംഗം എ. ഷാനവാസ്ഖാൻ ഉദ്ഘാടനം ചെയ്തു. കെ.പി.സി.സി സെക്രട്ടറി കെ. ബേബിസൻ അധ്യക്ഷത വഹിച്ചു. ഇരവിപുരം കോൺഗ്രസ് ബ്ലോക്ക് പ്രസിഡന്‍റ് എം. നാസർ, മണ്ഡലം കോൺഗ്രസ് പ്രസിഡന്‍റ് പി. ലിസ്റ്റൻ, റെയിൽവേ പാസഞ്ചേർസ് അസോസിയേഷൻ പ്രസിഡന്‍റ് നസീർഖാൻ, സജി ഡി. ആനന്ദ്, ചിതാനന്ദൻ, ഡെൻസിൽ ജോസഫ്, സുഭാഷ്മയ്യനാട്, റാഫേൽ കുര്യൻ, ബോബൻ പുല്ലിച്ചിറ, ലീന ലോറൻസ് എന്നിവർ സംസാരിച്ചു.