പാസില്ലാതെ കടത്തിയ എം. സാൻഡും പാറയും പിടികൂടി

പടം) ഓയൂർ: പാസില്ലാതെ ലോറിയിൽ കടത്തുകയായിരുന്ന എം. സാൻഡും പാറയും പൂയപ്പള്ളി പൊലീസ് പിടികൂടി. അമ്പലംകുന്ന് ഭാഗത്തുനിന്നാണ് ടിപ്പറുകൾ പിടികൂടിയത്. ചടയമംഗലം ക്രഷറിൽനിന്ന് പാറ കയറ്റിവന്ന ടിപ്പറും ഓട്ടുമല ക്രഷറിൽ നിന്ന്​ എം. സാൻഡ്​ കയറ്റിവന്ന ടിപ്പറുമാണ് പിടികൂടിയത്. നിരന്തരം പാസില്ലാതെ പാറയും പാറ അനുബന്ധ ഉൽപന്നങ്ങളും കടത്തിക്കൊണ്ടുപോകുന്നതായുള്ള പരാതിയുടെ അടിസ്ഥാനത്തിലാണ് പരിശോധന നടത്തിയത്. പൂയപ്പള്ളി വെളിയം മേഖലയിലെ വിവിധ ക്വാറി കളിൽ നിന്ന്​ രാവിലെ പാസില്ലാതെ നൂറുകണക്കിന് ലോഡ് പാറയാണ് കടത്തിക്കൊണ്ടു പോകുന്നതെന്ന് ആരോപണമുണ്ട്. ഇത്തരത്തിലുള്ള വാഹനങ്ങൾ പരിശോധിക്കണമെന്നും ലോറികളുടെ അമിത വേഗം നിയന്ത്രിക്കണമെന്നും നാട്ടുകാർ നിരന്തരം ആവശ്യമുയർത്തുന്നു​. വരും ദിവസങ്ങളിൽ പരിശോധന കർശനമാക്കുമെന്ന് പൂയപ്പള്ളി സി.ഐ രാജേഷ് കുമാർ അറിയിച്ചു. പടം : പാസില്ലാതെ എം. സാൻഡും പാറയും കടത്തിയതിന്​ പൊലീസ്​ പിടികൂടിയ ലോറി