യുവാവിനെ ആക്രമിച്ച പ്രതികൾ പിടിയിൽ

ശാസ്താംകോട്ട: യുവാവിനെ ആക്രമിച്ച കേസിൽ മൈനാഗപ്പള്ളി തെക്ക് വലിയവിള പുത്തൻവീട്ടിൽ ഹരിലാൽ (24), ശ്രീലാൽ (25) എന്നിവരെ ശാസ്താംകോട്ട ​െപാലീസ് അറസ്റ്റ് ചെയ്തു​. മൈനാഗപ്പള്ളി ചിത്തിര വിലാസം സ്കൂളിന് സമീപം വലിയവിള പടിഞ്ഞാറ്റതിൽ സുബിനെ(24) തടിക്കഷണം കൊണ്ട് ആക്രമിച്ച കേസിലാണ്​ അറസ്റ്റ്​. പ്രതികൾക്ക് കഞ്ചാവ് കച്ചവടമുണ്ടെന്ന്​​ എക്‌സൈസ് ഓഫിസിൽ സുബിൻ വിളിച്ചുപറഞ്ഞതിലുള്ള വിരോധമാണ് അക്രമത്തിന് കാരണം. ശാസ്താംകോട്ട എസ്.എച്ച്.ഒ അനൂപിന്റെ നേതൃത്വത്തിൽ എസ്.ഐ മാരായ രാജൻ ബാബു, തുളസീധരൻ പിള്ള, എ.എസ്.ഐ ബിജു, സി.പി.ഒമാരായ രാഗേഷ്, സുരാജ്‌ എന്നിവരുൾപ്പെട്ട സംഘമാണ് പ്രതികളെ അറസ്റ്റ്​ ചെയ്തത്. പ്രതികളെ കോടതി റിമാൻഡ് ചെയ്തു.