കുടിവെള്ള പൈപ്പുകളില്‍ എല്ലാ ദിവസവും ജലമെത്തുന്നില്ലെന്ന്​

കുളത്തൂപ്പുഴ: പഞ്ചായത്ത് പ്രദേശത്തെ കുടിവെള്ളക്ഷാമത്തിന്​ പരിഹാരമായി നടപ്പാക്കിയ ജല്‍ ജീവന്‍ മിഷന്‍ പദ്ധതി കുടിവെള്ള പൈപ്പുകളില്‍ എല്ലാ ദിവസവും കുടിവെള്ളമെത്തുന്നില്ലെന്ന്​ ആക്ഷേപം. വേനല്‍ കടുത്തതോടെ പഞ്ചായത്തിലെ ഉയര്‍ന്ന പ്രദേശങ്ങളിലാണ് കുടിവെള്ള ക്ഷാമം രൂക്ഷമായത്. ഇവിടങ്ങളിലെ കിണറുകളും കുളങ്ങളും പലതും വറ്റിയ നിലയിലാണുള്ളത്. പൈപ്പ് കണക്​ഷന്‍ ഉണ്ടായിട്ടും അത്യാവശ്യത്തിന്​ ഉപയോഗിക്കാന്‍ അകലെ നിന്ന്​ കുടിവെള്ളം എത്തിക്കേണ്ട ഗതികേടിലാണ് തങ്ങളെന്നും പുലര്‍ച്ച പൈപ്പുകളില്‍ വെള്ളമെത്തിക്കാന്‍ വാട്ടര്‍ അതോറിറ്റി തയാറാകണമെന്നതുമാണ് നാട്ടുകാരുടെ ആവശ്യം.