യുക്രെയ്​നിലുള്ള വിദ്യാർഥിനിയുടെ വീട്​ എം.എൽ.എ സന്ദർശിച്ചു

എം.എൽ.എ ഓഫിസുമായി ബന്ധപ്പെടാം ഓച്ചിറ: യുദ്ധത്തിന്‍റെ പശ്ചാത്തലത്തിൽ യു​െക്രയ്​നിൽ ആശങ്കയിൽ കഴിയുന്ന വിദ്യാർഥിനിയുടെ രക്ഷാകർത്താക്കളെ സി.ആർ. മഹേഷ് എം.എൽ.എ സന്ദർശിച്ചു. കൊറ്റമ്പള്ളി ഓർത്തഡോക്സ്‌ പള്ളിക്ക് സമീപം സൈമൺ-എലിസബത്ത് ദമ്പതികളുടെ മകൾ ദീനു സൈമൺ ആണ്​ യു​െക്രയ്​നിലുള്ളത്​. ദീനുവിനോടും ഒപ്പമുള്ള മറ്റ് മലയാളി വിദ്യാർഥികളുമായും എം.എൽ.എ ഫോണിൽ സംസാരിച്ചു. വിദ്യാർഥികൾ ഇപ്പോൾ സുരക്ഷിതരാണെന്നും എത്രയും വേഗം നാട്ടിൽ എത്തിക്കുന്നതിന് എല്ലാ ഇടപെടലുകളും നടത്തുമെന്നും അദ്ദേഹം രക്ഷിതാക്കൾക്ക് ഉറപ്പുനൽകി. മലയാളികളെ എത്രയും വേഗം നാട്ടിലെത്തിക്കണമെന്ന് ചൂണ്ടിക്കാട്ടി മുഖ്യമന്ത്രിക്കും വിദേശകാര്യ മന്ത്രിക്കും എം.എൽ.എ ഇ-മെയിൽ സന്ദേശം അയച്ചു. യു​െക്രയ്​നിൽ കുടുങ്ങിക്കിടക്കുന്ന നിയോജകമണ്ഡലത്തിലെ മറ്റ് വിദ്യാർഥികളോ മലയാളികളോ ഉണ്ടെങ്കിൽ എം.എൽ.എ ഓഫിസുമായി ബന്ധപ്പെടാം. ഫോൺ: 04762910700,7510767778.