ഖുര്‍ആന്‍ മത്സരങ്ങൾ

ചടയമംഗലം: 'ഖുർആനെ അറിയുക'എന്ന തലക്കെട്ടില്‍ ജമാഅത്തെ ഇസ്‌ലാമി ജില്ല സമിതി നടത്തുന്ന കാമ്പയിന്റെ ഭാഗമായി ജമാഅത്തെ ഇസ്‌ലാമി ആക്കൽ യൂനിറ്റ് ഖുർആൻ പാരായണം, ഖുര്‍ആന്‍ ക്വിസ് മത്സരങ്ങള്‍ സംഘടിപ്പിച്ചു. അഞ്ച് കാറ്റഗറികളിലായി നടന്ന മത്സരങ്ങളിലെ വിജയികൾക്ക് കേരള യൂനിവേഴ്‌സിറ്റി അസിസ്റ്റന്റ് പ്രഫസർ ഐ. മുഹമ്മദ് ഇർഷാദ് സമ്മാനങ്ങള്‍ വിതരണം ചെയ്തു. ജമാഅത്തെ ഇസ്‌ലാമി ആക്കൽ യൂനിറ്റ് പ്രസിഡന്റ് കബീർ ജമാൽ അധ്യക്ഷതവഹിച്ചു. ചടയമംഗലം ഏരിയ പ്രസിഡന്റ് അബ്ദുല്‍ വാഹിദ് നദ്‌വി സമാപനവും പ്രാർഥനയും നിർവഹിച്ചു. എസ്.ഐ.ഒ ജില്ല സെക്രട്ടറി അനീസ് റഹ്മാൻ, ആക്കൽ യൂനിറ്റ് പ്രസിഡന്റ് നിയാസ് നാസർ, ഷാഹിദ്, അബീദ് റഹ്മാൻ, വനിത വിഭാഗം പ്രസിഡന്റ് സബീന കബീർ എന്നിവർ നേതൃത്വം നൽകി.