കഞ്ചാവുമായി യുവാവ് പിടിയിൽ

കൊട്ടിയം: കൊല്ലം സിറ്റി ​െപാലീസ്​ പരിധിയിൽ മയക്കുമരുന്ന് സംഘങ്ങൾക്കെതിരെ നടത്തിവരുന്ന സ്​പെഷൽ ഡ്രൈവിന്‍റെ ഭാഗമായ പരിശോധനയിൽ കൊട്ടിയം പുല്ലിച്ചിറ ഷൈജു ഭവനിൽ അഖിൽ (21) 200 ഗ്രാം കഞ്ചാവുമായി പിടിയിലായി. ഞായറാഴ്ച പുല്ലിച്ചിറ പള്ളിക്ക് സമീപത്ത്​ വിൽപനക്കായി നിൽക്ക​െവ, പട്രോളിങ് നടത്തിക്കൊണ്ടിരുന്ന പൊലീസ്​ സംഘം സംശയാസ്​പദമായി കാണുകയും ചോദ്യം ചെയ്യുകയുമായിരുന്നു. കൊട്ടിയം ഇൻസ്​പെക്ടർ ജിംസ്റ്റലിന്‍റെ നേതൃത്വത്തിൽ എസ്.ഐ മാരായ സുജിത്ത് ജി. നായർ, ഷിഹാസ്​, എ.എസ്.ഐ സുനിൽകുമാർ, സി.പി.ഒ പ്രവീൺരാജ്, അനൂപ് എന്നിവരടങ്ങിയ സംഘമാണ് കഞ്ചാവ് പിടികൂടിയത്. ഇയാളെ കോടതിയിൽ ഹാജരാക്കി റിമാൻഡ്​​ ചെയ്തു.