ജില്ല തല സെലക്​ഷൻ മത്സരം

കരുനാഗപ്പള്ളി: മേയ് എട്ടിന് എറണാകുളത്ത് നടക്കുന്ന ഇന്‍റർസ്കൂൾ സ്റ്റേറ്റ് ചെസ്​ ചാമ്പ്യൻഷിപ്പിന് ജില്ലയിൽ നിന്ന് യോഗ്യരായവരെ കണ്ടെത്തുന്നതിനുള്ള കൊല്ലം ജില്ല തല സെലക്​ഷൻ മത്സരങ്ങൾ കരുനാഗപ്പള്ളിയിൽ നടന്നു. ടൗൺ ക്ലബ്​ ഹാളിൽ നടന്ന മത്സരങ്ങൾ നഗരസഭാ ചെയർമാൻ കോട്ടയിൽ രാജു ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ മുഖ്യ പ്രഭാഷണം നടത്തി. ടി.എസ്. സമീർ അധ്യക്ഷതവഹിച്ചു. പി.ജി. ഉണ്ണികൃഷ്ണൻ, രാജേന്ദ്രൻ എന്നിവർ സംസാരിച്ചു. എൽ .പി വിഭാഗത്തിൽ ശ്രീനന്ദിനി. എൻ, അധിരധ്. ടി എന്നിവരും യു.പി വിഭാഗത്തിൽ നിരഞ്ജന എൻ, ഷിയാസ്. എൻ എന്നിവരും എച്ച്. എസ് വിഭാഗത്തിൽ രോഹിത് ജെ. പിള്ള, നഫീന സമീർ എന്നിവരും വിജയികളായി.