വാഹനം അപകടത്തിൽപെട്ടു

ശാസ്താംകോട്ട: തമിഴ്നാട്ടിൽനിന്ന് ഇറച്ചിക്കോഴിയുമായി വന്ന മിനിലോറി അപകടത്തിൽപെട്ടു. നിയന്ത്രണം വിട്ട് ഇലക്ട്രിക് പോസ്റ്റിൽ ഇടിച്ച് പാതയോരത്തെ ഓടയിലേക്ക് ചാടി സമീപത്തെ മതിലിൽ ഇടിച്ചു നിൽക്കുകയായിരുന്നു. കൊട്ടാരക്കര -ഭരണിക്കാവ് റോഡിൽ തൊളിയ്ക്കൽ വളവിന് സമീപം ബുധനാഴ്ച പുലർച്ച രണ്ടോടെയായിരുന്നു അപകടം. ഡ്രൈവറുടെ കൈക്ക്​ സാരമായി പരിക്കേറ്റു. നാട്ടുകാർ ഡ്രൈവറെയും സഹായിയെയും ശാസ്താംകോട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഡ്രൈവർ ഉറങ്ങിപ്പോയതാകാം അപകടത്തിന് കാരണമെന്ന് സംശയിക്കുന്നു.