കേരള ഗെയിംസ്‌: ഹോക്കി ഫൈനലുകള്‍ ഇന്ന്

കൊല്ലം: പ്രഥമ കേരള ഗെയിംസിനോട് അനുബന്ധിച്ചുള്ള സംസ്ഥാന ഹോക്കി മത്സരങ്ങൾ കൊല്ലം ന്യൂഹോക്കി സ്റ്റേഡിയത്തിൽ വെള്ളിയാഴ്ച സമാപിക്കും. വനിതകളുടെ ഫൈനലിൽ വൈകീട്ട് മൂന്നിന് എറണാകുളവും പത്തനംതിട്ടയും ഏറ്റുമുട്ടും. പുരുഷന്മാരുടെ സെമിഫൈനലിൽ രാവിലെ ഏഴിനുള്ള ആദ്യ മത്സരത്തിൽ കണ്ണൂരും കോഴിക്കോടും തമ്മിൽ ഏറ്റുമുട്ടും. എട്ടിന് രണ്ടാം മത്സരത്തിൽ കോട്ടയവും കൊല്ലവും തമ്മിലാണ് പോരാട്ടം. ഫൈനൽ വൈകീട്ട് നടക്കും. വ്യാഴാഴ്ച വനിതകളുടെ സെമി ഫൈനലിൽ എറണാകുളം കണ്ണൂരിനെയും പത്തനംതിട്ട തൃശൂരിനെയുമാണ് തോൽപിച്ചത്. വൈകീട്ട് അഞ്ചിന് സമാപന സമ്മേളനത്തിൽ മേയര്‍ പ്രസന്ന ഏണസ്റ്റും എം. നൗഷാദ് എം.എൽ.എയും ട്രോഫികളും മെഡലുകളും വിതരണം ചെയ്യും. ..................... സീനിയർ കബഡി ചാമ്പ്യൻഷിപ്പിന് ഇന്ന് തുടക്കം കൊല്ലം: കേരള ​ഗെയിംസ് സീനിയർ കബഡി ചാമ്പ്യൻഷിപ്പിന് കടപ്പാക്കട സ്‌പോർട്സ് ക്ലബിൽ വെള്ളിയാഴ്‌ച തുടക്കം. വൈകീട്ട് അഞ്ചിന് മന്ത്രി വി. അബ്ദുറഹ്മാൻ ഉദ്ഘാടനം ചെയ്യും. വൈകീട്ട്‌ മാർച്ച് പാസ്റ്റും ഘോഷയാത്രയും ശങ്കേഴ്സ് ജങ്ഷനിൽ മേയർ പ്രസന്ന ഏണസ്റ്റ് ഫ്ലാ​ഗ് ഓഫ് ചെയ്യും. മത്സരങ്ങൾ ഞായറാഴ്ച സമാപിക്കും.