കുളത്തൂപ്പുഴയിൽ ആംബുലന്‍സ് സര്‍വിസിന്​ തുടക്കമായി

കുളത്തൂപ്പുഴ: അത്യാവശ്യഘട്ടങ്ങളില്‍ കിലോമീറ്ററുകള്‍ അകലെനിന്ന്​ സ്വകാര്യ ആംബുലന്‍സുകളെ ആശ്രയിക്കേണ്ട കുളത്തൂപ്പുഴ നിവാസികളുടെ ദുസ്ഥിതിക്ക് പരിഹാരമായി സര്‍വിസ് സഹകരണ ബാങ്ക് ഭരണസമിതി പ്രഖ്യാപിച്ചിരുന്ന ആംബുലന്‍സ് സര്‍വിസിന്​ കഴിഞ്ഞദിവസം തുടക്കമായി. ഇടതുമുന്നണി നേതൃത്വത്തില്‍ കാലാവധി പൂര്‍ത്തിയാക്കിയ മുന്‍ ഭരണ സമിതിയുടെ ശ്രമഫലമായാണ് ആംബുലന്‍സ് സേവനം ആരംഭിച്ചത്. കഴിഞ്ഞദിവസം കുളത്തൂപ്പുഴയിലെത്തിച്ച വാഹനം ബാങ്ക് പ്രസിഡന്‍റ് കെ. ജെ. അലോഷ്യസ് ഫ്ലാഗ്ഓഫ് ചെയ്ത്​ സേവന പ്രവര്‍ത്തനത്തിന്​ തുടക്കം കുറിച്ചു. ഭരണസമിതി അംഗങ്ങളായ ഷൈജു ഷാഹുല്‍ ഹമീദ്, അപര്‍ണ, ബാങ്ക് സെക്രട്ടറി ജയകുമാര്‍, ജീവനക്കാര്‍ തുടങ്ങിയവര്‍ സംബന്ധിച്ചു. ............. ഫോട്ടോ: KE KULP1: കുളത്തൂപ്പുഴ സര്‍വിസ് സഹകരണ ബാങ്ക് നേതൃത്വത്തിലാരംഭിച്ച ആംബുലന്‍സ് സര്‍വിസ് ബാങ്ക് പ്രസിഡന്‍റ് കെ.ജെ. അലോഷ്യസ് ഫ്ലാഗ്ഓഫ് ചെയ്യുന്നു (മെയിലില്‍)