വിവാഹ വാഗ്ദാനം നൽകി പീഡനം: യുവാവ്​ പിടിയിൽ

കിളികൊല്ലൂർ: യുവതിയെ വിവാഹ വാഗ്ദാനം നൽകി ബലാത്സംഗം ചെയ്​തെന്ന പരാതിയിൽ രജിസ്റ്റർ ചെയ്ത കേസിൽ യുവാവിനെ പൊലീസ്​ അറസ്റ്റ് ചെയ്തു. പനയം ചാറുകാട് ചെമ്മക്കാട് പോസ്റ്റ് ഓഫിസ്​ പരിധിയിൽ വിലവൂർ വീട്ടിൽ ഹരികൃഷ്ണൻ (30-കണ്ണൻ) ആണ് പിടിയിലായത്. കിളികൊല്ലൂർ ഇൻസ്​പെക്ടർ കെ. വിനോദിന്‍റെ നേതൃത്വത്തിൽ എസ്​.ഐ മാരായ എ.പി. അനീഷ്, വി. സ്വാതി, ജയൻ കെ. സക്കറിയ, അൻസറുദ്ദീൻ, എ.എസ്.ഐമാരായ ഡെൽഫിൻ ബോണിഭസ്​, ജിജു, സി.പി.ഒ സാജ്, പ്രശാന്ത്​ എന്നിവരടങ്ങിയ സംഘമാണ് പ്രതിയെ പിടികൂടിയത്. യുവാവിനെ കൊലപ്പെടുത്താൻ ശ്രമിച്ചവർ പിടിയിൽ പരവൂർ: യുവാവിനെ തലക്കടിച്ച് കൊലപ്പെടുത്താൻ ശ്രമിച്ച സംഘത്തിലെ രണ്ടു​ പേർ പൊലീസ്​ പിടിയിലായി. പരവൂർ കലയ്ക്കോട് മേക്കുന്നത് വീട്ടിൽ അശോകൻ (50), അയിരൂർ ഹരിഹരപുരം തോണിപ്പാറ പാറയിൽ വീട്ടിൽ അനിൽകുമാർ (31) എന്നിവരാണ് പൊലീസ്​ പിടിയിലായത്. കലയ്ക്കോട് സ്വദേശിയായ ബിജുവിനെയാണ് ഇവർ ആക്രമിച്ചത്. പരവൂർ ഇൻസ്​പെക്ടർ എ. നിസാറിന്‍റെ നേതൃത്വത്തിൽ സബ്​ ഇൻസ്​പെക്ടർമാരായ നിതിൻ നളൻ, എ. ഗോപകുമാർ, വി. വിനയൻ എ.എസ്​.ഐ രമേശൻ, എസ്​.സി.പി.ഒ റിലേഷ്ബാബു, സി.പി.ഒ മാരായ രാജേഷ്, സായിറാം എന്നിവരടങ്ങിയ സംഘമാണ് ഇവരെ പിടികൂടിയത്.