ചാരായവും വിദേശമദ്യവും പിടികൂടി

attn crime കരുനാഗപ്പള്ളി: കരുനാഗപ്പള്ളി എക്സൈസ് സംഘം നടത്തിയ പരിശോധനയിൽ രണ്ട് കേസുകളിലായി 350 ലിറ്റർ കോടയും ഏഴര ലിറ്റർ മദ്യവും പിടികൂടി. തഴവ തെക്കുംമുറി മേക്ക് പ്രസാദ് ഭവനിൽ പ്രസാദിന്‍റെ വീട്ടിൽ നിന്ന്​ 350 ലിറ്റർ കോടയും അഞ്ച് ലിറ്റർ ചാരായവും വാറ്റുപകരണങ്ങളും തഴവ തെക്കുംമുറി കിഴക്ക് പ്രിയ ഭവനിൽ മോഹനൻ ബൈക്കിൽ കടത്തിക്കൊണ്ടുവരികയായിരുന്ന ഏഴര ലിറ്റർ മദ്യവുമാണ് പിടികൂടിയത്. പ്രസാദിനെ റിമാൻഡ് ചെയ്യുകയും മോഹന‍ന്‍റെ പേരിൽ കേസെടുക്കുകയും ചെയ്തു. എക്സൈസ് സർക്കിൾ ഇൻസ്​പെക്ടർ പി. ശിവപ്രസാദിന്‍റെ നേതൃത്വത്തിൽ പ്രിവന്‍റിവ് ഓഫിസർമാരായ പി.എ. അജയകുമാർ, എ. അജിത്കുമാർ, ഗ്രേഡ് പ്രിവന്‍റിവ് ഓഫിസർ ടി. സജുകുമാർ, സി.ഇ.ഒ മാരായ എസ്. സന്തോഷ്, ബി. ശ്രീകുമാർ, എസ്. അനിൽകുമാർ എന്നിവരാണ് റെയ്​ഡിന് നേതൃത്വം നൽകിയത്.