കരുനാഗപ്പള്ളിയിൽ 19 പേർക്ക് പട്ടയം നൽകി

കരുനാഗപ്പള്ളി: എല്ലാവർക്കും ഭൂമി പദ്ധതിയിൽ താലൂക്കിലെ ഭൂരഹിതരായ 19 പേർക്ക്​ പട്ടയം നൽകി. റവന്യൂ വകുപ്പിന്‍റെ 'എല്ലാവർക്കും ഭൂമി' പദ്ധതിയിൽ കരുനാപ്പള്ളി താലൂക്കിൽ 19 പട്ടയങ്ങൾ വിതരണം ചെയ്തു. എംഎൽ.എമാരായ സി.ആർ. മഹേഷും ഡോ. സുജിത്ത് വിജയൻപിള്ളയും ചേർന്നാണ് പട്ടയം നൽകിയത്. മുനിസിപ്പൽ ചെയർമാൻ കോട്ടയിൽ രാജു, ബ്ലോക്ക് പ്രസിഡന്‍റ്​ ദീപ്തി രവീന്ദ്രൻ, സന്തോഷ് തുപ്പാശ്ശേരിൽ, തഹസിൽദാർ പി. ഷിബു തുടങ്ങിയവർ പങ്കെടുത്തു. കാപ്​ഷൻ: കരുനാഗപ്പള്ളിയിൽ നടന്ന പട്ടയവിതരണം എം.എൽ.എമാരായ സി.ആർ. മഹേഷ്, ഡോ. സുജിത് വിജയൻപിള്ള എന്നിവർ ചേർന്ന് നിർവഹിക്കുന്നു