കോവിഡ് 662, രോഗമുക്തി 526

കൊല്ലം: ജില്ലയില്‍ തിങ്കളാഴ്ച 662 പേര്‍ക്ക് കോവിഡ് സ്ഥിരീകരിച്ചു. 526 പേര്‍ രോഗമുക്തി നേടി. സമ്പര്‍ക്കം വഴി 657 പേര്‍ക്കും ഇതര സംസ്ഥാനത്തു നിന്നുമെത്തിയ രണ്ടുപേർക്കും മൂന്ന് ആരോഗ്യ പ്രവര്‍ത്തകർക്കുമാണ് രോഗം. സമം പദ്ധതി ആലോചനയോഗം കൊല്ലം: സ്ത്രീകള്‍ക്കും പെണ്‍കുട്ടികള്‍ക്കും നേരെയുള്ള അതിക്രമങ്ങള്‍ക്കെതിരെ സാംസ്‌കാരിക വകുപ്പ് ഒരുക്കുന്ന സാംസ്‌കാരിക-ബോധവത്കരണ-വിദ്യാഭ്യാസ പരിപാടിയായ 'സമം' നടപ്പാക്കുന്നത് സംബന്ധിച്ച് ജില്ലതല ആലോചനയോഗം ചേര്‍ന്നു. ജില്ലതല സംഘാടക സമിതി 17 നകം രൂപവത്​കരിക്കും. ജില്ല പഞ്ചായത്ത് പ്രസിഡൻറ് സാം കെ.ഡാനിയേൽ അധ്യക്ഷതവഹിച്ചു. എ.ഡി.എം എന്‍. സാജിതാബീഗം, യുവജനക്ഷേമ ബോര്‍ഡ് അംഗം സന്തോഷ് കാല, ജില്ല യൂത്ത് പ്രോഗ്രാം ഓഫിസര്‍ ബി. ഷീജ, ജില്ല കോഓഡിനേറ്റര്‍ എസ്. ഷബീര്‍, ഷൈലജ പി. അംബു എന്നിവര്‍ പങ്കെടുത്തു.