കൊ​ല്ലം-​തേ​നി ദേ​ശീ​യ​പാ​ത വി​ക​സ​ന​ത്തി​ന് 200 കോ​ടി​യു​ടെ പ​ദ്ധ​തി

കൊ​ല്ലം: കൊ​ല്ലം- തേ​നി ദേ​ശീ​യ​പാ​ത183​െൻറ സ​മ്പൂ​ര്‍ണ വി​ക​സ​ന​ത്തി​നാ​യി ദേ​ശീ​യ​പാ​ത അ​തോ​റി​റ്റി നി​യോ​ഗി​ച്ച ക​ണ്‍സ​ല്‍ട്ട​ന്‍സി 200 കോ​ടി രൂ​പ​യു​ടെ വി​ശ​ദ​മാ​യ പ​ദ്ധ​തി റി​പ്പോ​ര്‍ട്ട് ത​യാ​റാ​ക്കി സ​മ​ര്‍പ്പി​ച്ചു. കൊ​ല്ലം ഹൈ​സ്കൂ​ള്‍ ജ​ങ്​​ഷ​നി​ല്‍ ആ​രം​ഭി​ച്ച് ചെ​ങ്ങ​ന്നൂ​ര്‍ ആ​ഞ്ഞി​ലി​മൂ​ട് വ​രെ​യു​ള്ള 61 കി​ലോ​മീ​റ്റ​ര്‍ പാ​ത​യു​ടെ വി​ശ​ദ​മാ​യ പ്രോ​ജ​ക്ട് റി​പ്പോ​ര്‍ട്ടാ​ണ് ന​ല്‍കി​യി​ട്ടു​ള്ള​തെ​ന്ന്​ കൊ​ടി​ക്കു​ന്നി​ല്‍ സു​രേ​ഷ് എം.​പി അ​റി​യി​ച്ചു. ക​ട​പു​ഴ​മു​ത​ല്‍ ആ​ഞ്ഞി​ലി​മൂ​ട് വ​രെ​യു​ള്ള പാ​ത​യി​ല്‍ 53 കോ​ടി രൂ​പ​യു​ടെ പു​ന​രു​ദ്ധാ​ര​ണ പ​ണി​ക​ള്‍ അ​ടു​ത്ത​കാ​ല​ത്താ​ണ് ന​ട​പ്പാ​ക്കി​യ​ത്.

ഹൈ​സ്കൂ​ള്‍ ജ​ങ്​​ഷ​ന്‍മു​ത​ല്‍ ആ​ഞ്ഞി​ലി​മൂ​ട് വ​രെ ദേ​ശീ​യ​പാ​ത അ​തോ​റി​റ്റി​യു​ടെ കീ​ഴി​ലാ​ണെ​ങ്കി​ലും ചെ​ങ്ങ​ന്നൂ​ര്‍മു​ത​ൽ കോ​ട്ട​യം ഐ​ഡ ഹോ​ട്ട​ല്‍ വ​രെ​യു​ള്ള ഭാ​ഗം കെ.​എ​സ്.​ടി.​പി​യു​ടെ കീ​ഴി​ലാ​ണ്. ഇ​വി​ടം ദേ​ശീ​യ​പാ​ത നി​ല​വാ​ര​ത്തി​ല്‍ നി​ര്‍മാ​ണം പൂ​ര്‍ത്തി​യാ​ക്കി​യ​തു​മൂ​ലം ഈ ​ഭാ​ഗ​ത്തി​നു​ള്ള വി​ശ​ദ​മാ​യ പ്രോ​ജ​ക്ട് റി​പ്പോ​ര്‍ട്ട് ത​യാ​റാ​ക്കി​യി​ട്ടി​ല്ല.

സ്ഥ​ലം ഏ​റ്റെ​ടു​ക്കു​ന്ന​തി​ന് മാ​ത്ര​മാ​യി 100 കോ​ടി രൂ​പ​യെ​ങ്കി​ലും വേ​ണ്ടി​വ​രു​മെ​ന്നാ​ണ് പ്രാ​ഥ​മി​ക നി​ഗ​മ​നം. ഭ​ര​ണി​ക്കാ​വ്, ച​ക്കു​വ​ള്ളി, ചാ​രും​മൂ​ട്, കൊ​ല്ല​ക​ട​വ് എ​ന്നീ പ്ര​ധാ​ന ജ​ങ്​​ഷ​നു​ക​ളി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കു​ന്ന​തി​ന്​ ടൗ​ണ്‍ ന​വീ​ക​ര​ണ പ​ദ്ധ​തി ഇ​തി​നോ​ടൊ​പ്പം ഉ​ണ്ടാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഭ​ര​ണി​ക്കാ​വ്- വ​ണ്ടി​പ്പെ​രി​യാ​ര്‍ ദേ​ശീ​യ​പാ​ത ഭ​ര​ണി​ക്കാ​വ് ജ​ങ്​​ഷ​നി​ല്‍നി​ന്ന്​ ച​വ​റ ടൈ​റ്റാ​നി​യം ജ​ങ്​​ഷ​ന്‍വ​രെ നീ​ട്ടു​ന്ന​തി​ന് ദേ​ശീ​യ​പാ​ത അ​തോ​റി​റ്റി​ക്ക് കേ​ന്ദ്ര ഗ​വ​ണ്‍മെൻറ്​ അ​നു​മ​തി ന​ല്‍കി​യി​ട്ടു​ണ്ട്.

കാ​യം​കു​ളം ദേ​ശീ​യ​പാ​ത​യി​ൽ​നി​ന്ന്​ മാ​വേ​ലി​ക്ക​ര, തി​രു​വ​ല്ല, കോ​ട്ട​യം, പാ​ല, തൊ​ടു​പു​ഴ, അ​ടി​മാ​ലി വ​ഴി മൂ​ന്നാ​റി​ലേ​ക്കു​ള്ള പാ​ത ദേ​ശീ​യ​പാ​ത​യാ​യി പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ല്‍കി​യ നി​വേ​ദ​ന​ത്തി​െൻറ അ​ടി​സ്ഥാ​ന​ത്തി​ലാ​ണ് കാ​യം​കു​ളം- തി​രു​വ​ല്ല പാ​ത ദേ​ശീ​യ​പാ​ത അ​തോ​റി​റ്റി ഏ​റ്റെ​റ​ടു​ത്ത​ത്.

ആ​ല​പ്പു​ഴ​യി​ല്‍നി​ന്ന്​ ച​ങ്ങ​നാ​ശ്ശേ​രി വ​ഴി കൊ​ടൈ​ക്ക​നാ​ലി​ലേ​ക്ക് പു​തി​യ ദേ​ശീ​യ​പാ​ത അ​നു​വ​ദി​ക്ക​ണ​മെ​ന്ന ആ​വ​ശ്യ​വും കേ​ന്ദ്ര ഉ​പ​രി​ത​ല മ​ന്ത്രാ​ല​യം അം​ഗീ​ക​രി​ച്ച​താ​യും ആ​ല​പ്പു​ഴ-​ച​ങ്ങ​നാ​ശ്ശേ​രി വ​ഴി​യു​ള്ള ഈ ​പാ​ത​യെ മാ​റ്റി ദേ​ശീ​യ​പാ​ത​യാ​യി ഉ​യ​ര്‍ത്ത​ണ​മെ​ന്ന ആ​വ​ശ്യ​വും കേ​ന്ദ്ര സ​ര്‍ക്കാ​ര്‍ അം​ഗീ​ക​രി​ച്ച​താ​യി എം.​പി പ​റ​ഞ്ഞു.