പരാതികള്‍ക്ക് അധിക ഫീസ് വാങ്ങിയാല്‍ കര്‍ശന നടപടി -വിവരാവകാശ കമീഷണർ

കൊ​ല്ലം: വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ക്കു​ന്ന അ​പേ​ക്ഷ​ക​ള്‍ക്ക് മ​റു​പ​ടി ന​ല്‍കാ​ന്‍ അ​ധി​ക ഫീ​സ്​ ഈ​ടാ​ക്കു​ന്ന ഉ​ദ്യോ​ഗ​സ്ഥ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്ന് സം​സ്ഥാ​ന വി​വ​രാ​വ​കാ​ശ ക​മീ​ഷ​ണ​ര്‍ എ.​എ. ഹ​ക്കീം. വി​വ​രാ​വ​കാ​ശ നി​യ​മ​ത്തി​ല്‍ നി​ഷ്‌​ക​ര്‍ഷി​ക്കു​ന്ന ഫീ​സി​ന് പു​റ​മെ മ​റ്റേ​തെ​ങ്കി​ലും പ്ര​ത്യേ​ക നി​യ​മ​പ്ര​കാ​രം ന​ല്‍കേ​ണ്ട​തി​ല്ല. ഏ​തെ​ങ്കി​ലും ഉ​ദ്യോ​ഗ​സ്ഥ​ര്‍ അ​ത്ത​ര​ത്തി​ല്‍ അ​ധി​ക ഫീ​സ് ഈ​ടാ​ക്കു​ന്ന​താ​യി ക​മീ​ഷ​ന്റെ ശ്ര​ദ്ധ​യി​ൽ​പെ​ട്ടാ​ല്‍ അ​വ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കും. വി​വ​രാ​വ​കാ​ശ ക​മീ​ഷ​ണ​റി​ന്റെ അ​ധ്യ​ക്ഷ​ത​യി​ല്‍ ക​ല​ക്ട​റേ​റ്റ് കോ​ണ്‍ഫ​റ​ന്‍സ് ഹാ​ളി​ല്‍ ന​ട​ന്ന ഹി​യ​റി​ങ്ങി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്.

പൊ​തു​ബോ​ധ​ന ഓ​ഫി​സ​റോ ഒ​ന്നാം അ​പ്പീ​ല്‍ അ​ധി​കാ​രി​യോ അ​പേ​ക്ഷ​ക​രെ ഹി​യ​റി​ങ്ങി​ന് വി​ളി​ക്കാ​ന്‍ പാ​ടു​ള്ള​ത​ല്ല. അ​പേ​ക്ഷ​ക​രെ വി​ളി​ച്ച് വി​ചാ​ര​ണ ന​ട​ത്തു​ന്ന ഓ​ഫി​സ​ര്‍മാ​ര്‍ക്കെ​തി​രെ ക​മീ​ഷ​ന്‍ ന​ട​പ​ടി സ്വീ​ക​രി​ക്കും. അ​പ്പീ​ല്‍ അ​ധി​കാ​രി​ക്ക് അ​പേ​ക്ഷ​യി​ലു​ള്ള കാ​ര്യ​ങ്ങ​ള്‍ അ​റി​യാ​ന്‍ കീ​ഴ് ഉ​ദ്യോ​ഗ​സ്ഥ​രെ സ​മീ​പി​ക്കാ​നു​ള്ള അ​നു​മ​തി മാ​ത്ര​മേ​യു​ള്ളൂ. വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ക്കു​ന്ന അ​പേ​ക്ഷ​ക​ള്‍ക്ക് 30 ദി​വ​സം ക​ഴി​ഞ്ഞ് മ​റു​പ​ടി ന​ല്‍കി​യാ​ല്‍ മ​തി​യെ​ന്ന ഉ​ദ്യോ​ഗ​സ്ഥ​രു​ടെ ധാ​ര​ണ തെ​റ്റാ​ണ്. അ​പേ​ക്ഷ ല​ഭി​ച്ചാ​ല്‍ അ​ടി​യ​ന്ത​ര​മാ​യി മ​റു​പ​ടി ന​ല്‍ക​ണം. എ​ന്തെ​ങ്കി​ലും ത​ട​സ്സം നേ​രി​ടു​ന്ന സാ​ഹ​ച​ര്യ​ത്തി​ല്‍ മാ​ത്ര​മേ മ​റു​പ​ടി 30 ദി​വ​സം​വ​രെ വൈ​കാ​ന്‍ പാ​ടു​ള്ളൂ. അ​പേ​ക്ഷ​ക​ന്റെ ജീ​വ​നും സ്വാ​ത​ന്ത്ര്യ​ത്തി​നും ത​ട​സ്സ​മു​ണ്ടെ​ന്ന രീ​തി​യി​ലു​ള്ള അ​പേ​ക്ഷ​ക​ള്‍ക്ക് 48 മ​ണി​ക്കൂ​റി​ന​കം മ​റു​പ​ടി ന​ല്‍കേ​ണ്ട​താ​ണെ​ന്നും വി​വ​രാ​വ​കാ​ശ ക​മീ​ഷ​ന്‍ വ്യ​ക്ത​മാ​ക്കി.

മ​ല​പ്പു​റം താ​നൂ​ര്‍ ബോ​ട്ട​പ​ക​ട​ത്തി​ല്‍ ജീ​വ​ന്‍ ന​ഷ്ട​പ്പെ​ട്ട​വ​ര്‍ക്ക് അ​നു​ശോ​ച​നം അ​ര്‍പ്പി​ച്ച​തി​നു​ശേ​ഷ​മാ​ണ് ഹി​യ​റി​ങ് ആ​രം​ഭി​ച്ച​ത്. ഹി​യ​റി​ങ്ങി​ന് ഹാ​ജ​രാ​കാ​ത്ത കൊ​ട്ടാ​ര​ക്ക​ര ജി​ല്ല വി​ദ്യാ​ഭ്യാ​സ ഓ​ഫി​സ​ര്‍, ച​വ​റ കെ.​എം.​എം.​എ​ല്‍ ജ​ന​റ​ല്‍ മാ​നേ​ജ​ര്‍ എ​ന്നി​വ​ര്‍ മേ​യ് 11ന് ​വി​വ​രാ​വ​കാ​ശ ക​മീ​ഷ​ന്‍ ആ​സ്ഥാ​ന​ത്ത് നേ​രി​ട്ട് ഹാ​ജ​രാ​കാ​ന്‍ നി​ര്‍ദേ​ശി​ച്ചു. അ​നു​മ​തി​യി​ല്ലാ​തെ ഹാ​ജ​രാ​കാ​തി​രു​ന്ന ഇ​ട​മു​ള​യ്ക്ക​ല്‍ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്ക് ക​മീ​ഷ​ന്‍ സ​മ​ന്‍സ് അ​യ​ക്കും. കൊ​ട്ടി​യം സ്വ​ദേ​ശി​നി റെ​ജു​ല​ബീ​ഗ​ത്തി​ന്റെ വ​സ്തു സം​ബ​ന്ധി​ച്ച അ​പേ​ക്ഷ​യി​ന്മേ​ൽ ത​ഴു​ത്ത​ല വി​ല്ലേ​ജ് ഓ​ഫി​സി​ലെ ബേ​സി​ക് ടാ​ക്‌​സ് ര​ജി​സ്റ്റ​റും ത​ണ്ട​പ്പേ​ര് ര​ജി​സ്റ്റ​റും 1997ന് ​മു​മ്പു​ള്ള അ​ടി​സ്ഥാ​ന രേ​ഖ​ക​ളും പ​രി​ശോ​ധി​ച്ച് തെ​ളി​വെ​ടു​പ്പ് ന​ട​ത്തി റി​പ്പോ​ര്‍ട്ട് സ​മ​ര്‍പ്പി​ക്കാ​ന്‍ ജി​ല്ല സ​ര്‍വേ സൂ​പ്ര​ണ്ടി​നെ ചു​മ​ത​ല​പ്പെ​ടു​ത്തി.

വെ​ളി​യം ടി.​വി.​ടി.​എം ഹൈ​സ്‌​കൂ​ളി​ലെ ഹെ​ഡ്മാ​സ്റ്റ​ര്‍ നി​യ​മ​ന​ത്തി​ല്‍ കൊ​ട്ടാ​ര​ക്ക​ര ജി​ല്ല വി​ദ്യാ​ഭ്യാ​സ ഓ​ഫി​സി​ന് വീ​ഴ്ച​പ​റ്റി​യി​ട്ടു​ള്ള​താ​യി ക​മീ​ഷ​ന്‍ ക​ണ്ടെ​ത്തി. ഇ​തു​സം​ബ​ന്ധി​ച്ച് സീ​നി​യ​ര്‍ അ​ധ്യാ​പ​ക​രു​ടെ പ​രാ​തി​ക​ളും ഹൈ​കോ​ട​തി നി​ര്‍ദേ​ശ​വും പാ​ലി​ച്ച് ആ​വ​ശ്യ​മാ​യ തി​രു​ത്ത​ലു​ക​ള്‍ ന​ട​ത്തി ക​മീ​ഷ​ന് റി​പ്പോ​ര്‍ട്ട് ന​ല്‍കാ​നും കൊ​ട്ടാ​ര​ക്ക​ര കി​ഴ​ക്കേ​ക്ക​ര​യി​ല്‍ ഒ​രു സ്‌​കൂ​ളി​ലെ വി​ദ്യാ​ര്‍ഥി​ക​ളു​ടെ ശൗ​ചാ​ല​യ​വും ശു​ചീ​ക​ര​ണ​വും സം​ബ​ന്ധി​ച്ച പ​രാ​തി​യി​ല്‍ 15 ദി​വ​സ​ത്തി​ന​കം കൃ​ത്യ​മാ​യ വി​വ​രം ല​ഭ്യ​മാ​ക്കാ​നും ക​മീ​ഷ​ന്‍ നി​ര്‍ദേ​ശി​ച്ചു.

തി​രു​വ​ന​ന്ത​പു​രം, കൊ​ല്ലം, കോ​ട്ട​യം, ആ​ല​പ്പു​ഴ ജി​ല്ല​ക​ളി​ലെ തെ​ര​ഞ്ഞെ​ടു​ക്ക​പ്പെ​ട്ട 17 പ​രാ​തി​ക​ളാ​ണ് പ​രി​ഗ​ണി​ച്ച​ത്. 13 പ​രാ​തി​ക​ള്‍ തീ​ര്‍പ്പാ​ക്കി.