പോക്സോ കേസ് പ്രതി 13 വർഷങ്ങൾക്ക് ശേഷം പിടിയിൽ

അഞ്ചൽ: പോക്സോ കേസിൽ പിടികിട്ടാപ്പുള്ളിയായി പ്രഖ്യാപിച്ച പ്രതിയെ 13 വർഷങ്ങൾക്ക് ശേഷം അഞ്ചൽ പൊലീസ് അറസ്റ്റ് ചെയ്തു. പുനലൂർ സ്വദേശി ഷാജി (42-സാജൻ)യെയാണ് പുനലൂരിൽനിന്ന് അറസ്റ്റ് ചെയ്തത്. 2010ൽ ഏരൂർ സ്വദേശിനിയായ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിലെ പ്രതിയാണ്​. കേസിൽ ജാമ്യത്തിലിറങ്ങിയ ശേഷം വിചാരണ വേളയിൽ മുങ്ങുകയായിരുന്നു. കൊല്ലം അഡീഷനൽ സെഷൻസ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.