പോക്സോ കേസ് പ്രതിക്ക് കഠിനതടവും പിഴയും

അഞ്ചൽ: പത്ത് വയസ്സുകാരിയെ ലൈംഗികമായി പീഡിപ്പിക്കാൻ ശ്രമിച്ച കേസിലെ പ്രതിക്ക് അഞ്ച് വർഷം കഠിനതടവും 30000 രൂപ പിഴയും. പിഴ ഒടുക്കാത്തപക്ഷം ആറ് മാസം കൂടി ജയിൽ ശിക്ഷ അനുഭവിക്കണം. ഏരൂർ വിളക്കുപാറ ദർഭപ്പണ സ്വദേശി സുഭാഷിനെയാണ് (40) പുനലൂർ ഫാസ്റ്റ്ട്രാക്ക് സ്പെഷൽ കോടതി ശിക്ഷിച്ചത്.

2017 ലാണ് കേസിനാസ്പദമായ സംഭവം നടന്നത്. കുളിമുറിയിൽ കുളിച്ചുകൊണ്ടിരുന്ന പെൺകുട്ടിയെ ബലാത്സംഗത്തിന് ശ്രമിക്കുകയായിരുന്നു. മാതാപിതാക്കളുടെ പരാതിയിൽ ഏരൂർ പൊലീസാണ് പ്രതിയെ അറസ്റ്റ് ചെയ്‌തത്. പ്രതിയെ തിരുവനന്തപുരം സെൻട്രൽ ജയിലിലേക്ക് മാറ്റി.