വിദ്യാർഥിനിയെ ഉപദ്രവിക്കാൻ ശ്രമിച്ച വ്യാപാരി അറസ്റ്റിൽ

അഞ്ചൽ: സ്കൂൾ വിദ്യാർഥിനിയെ ഉപദ്രവിക്കാൻ ശ്രമിച്ച സ്റ്റേഷനറി കടയുടമയെ ഏരൂർ പൊലീസ് അറസ്റ്റ് ചെയ്തു. നെട്ടയം സ്കൂളിനു സമീപം സ്റ്റേഷനറി കട നടത്തുന്ന നെട്ടയം പ്രസാദം വീട്ടിൽ ശുചീന്ദ്ര(69) നാണ് അറസ്റ്റിലായത്. കടയിൽ മിഠായി വാങ്ങാൻ ചെന്ന വിദ്യാർഥിനിയോടാണ് മോശമായി പെരുമാറിയത്.

ഏരൂർ ഇൻസ്പെക്ടർ വിനോദിന്‍റെ നിർദേശാനുസരണം എസ്. ഐ ശരലാൽ, സീനിയർ സിവിൽ പൊലീസ് ഓഫിസർ അനിൽകുമാർ, ലത, സിവിൽ പൊലീസ് ഓഫിസർ മുഹമ്മദ് അസർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.