ആശുപത്രി വികസനം തുടർനടപടിയുണ്ടായില്ല; ഭൂമി കാടുകയറി

അ​ഞ്ച​ൽ: ക​മ്യൂ​ണി​റ്റി ഹെ​ൽ​ത്ത് സെൻറ​റി​ന്‍റെ നി​യ​ന്ത്ര​ണ​ത്തി​ലു​ള്ള പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളു​ടെ ഫാ​മി​ലി വെ​ൽ​ഫ​യ​ർ സെൻറ​റു​ക​ളു​ടെ വി​ക​സ​ന​ത്തി​നാ​യി വി​വി​ധ പ്ര​ദേ​ശ​ങ്ങ​ളി​ൽ ഭൂ​മി ന​ൽ​കി​യ​വ​ർ നി​രാ​ശ​യി​ൽ. നാ​ട്ടു​കാ​ർ പൊ​തു​ജ​ന​ങ്ങ​ളി​ൽ​നി​ന്നും പി​രി​വെ​ടു​ത്ത് വാ​ങ്ങി​യ വ​സ്തു കാ​ടു​ക​യ​റി അ​നാ​ഥ​മാ​യി കി​ട​ക്കു​ക​യാ​ണി​പ്പോ​ൾ.

2021 ഡി​സം​ബ​റി​ൽ വി​വി​ധ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളു​ടെ വി​ക​സ​ന​ത്തി​ന് ഒ​രു കോ​ടി രൂ​പ വീ​തം അ​നു​വ​ദി​ച്ചു​വെ​ന്നും ആ​വ​ശ്യ​മാ​യ ഭൂ​മി സൗ​ജ​ന്യ​മാ​യി സം​ഘ​ടി​പ്പി​ച്ച് ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു​കൊ​ണ്ട് റ​സൂ​ൽ പൂ​ക്കു​ട്ടി ഫൗ​ണ്ടേ​ഷ​ന്‍റെ പേ​രി​ലു​ള്ള അ​റി​യി​പ്പ് പ​ഞ്ചാ​യ​ത്തു​ക​ൾ​ക്ക് ല​ഭി​ച്ചി​രു​ന്നു. തു​ട​ർ​ന്ന് പ​ഞ്ചാ​യ​ത്ത് ഭ​ര​ണ​സ​മി​തി ച​ർ​ച്ച ന​ട​ത്തു​ക​യും നാ​ട്ടു​കാ​രു​ടെ സ​ഹ​ക​ര​ണ​ത്തി​ൽ വി​വി​ധ കു​ടും​ബാ​രോ​ഗ്യ കേ​ന്ദ്ര​ങ്ങ​ളോ​ട് ചേ​ർ​ന്ന് വ​ഴി​യോ​ടു​കൂ​ടി 30 സെൻറ് വീ​തം ഭൂ​മി വാ​ങ്ങി അ​ത​ത് പ​ഞ്ചാ​യ​ത്തു​ക​ൾ​ക്ക് കൈ​മാ​റു​ക​യും ചെ​യ്തു. എ​ന്നാ​ൽ, ഈ ​ന​ട​പ​ടി​ക്ക് ശേ​ഷം മ​റ്റ് നീ​ക്ക​ങ്ങ​ളൊ​ന്നും ന​ട​ന്നി​ട്ടി​ല്ല.

എ​ന്നാ​ൽ, റ​സൂ​ൽ പൂ​ക്കു​ട്ടി ഫൗ​ണ്ടേ​ഷ​ന്‍റേ​താ​യ ഒ​രു പ്രൊ​പ്പോ​സ​ൽ 2021ൽ ​അ​ഞ്ച​ൽ സി.​എ​ച്ച്.​സി​യി​ൽ ല​ഭി​ച്ച​താ​യും ഇ​വ ജി​ല്ല മെ​ഡി​ക്ക​ൽ ഓ​ഫി​സ​ർ​ക്ക് തു​ട​ർ ന​ട​പ​ടി​ക​ൾ​ക്കാ​യി സ​മ​ർ​പ്പി​ച്ചി​രി​ക്കു​ക​യാ​ണെ​ന്നും മ​റ്റ് ന​ട​പ​ടി​ക​ളൊ​ന്നു​മി​ല്ലെ​ന്നാ​ണ് അ​ഞ്ച​ൽ സി.​എ​ച്ച്.​സി​യി​ൽ​നി​ന്ന് വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച മ​റു​പ​ടി. വ​സ്തു വാ​ങ്ങു​ന്ന​തി​നും മ​റ്റും മു​ന്നി​ൽ നി​ന്ന ജ​ന​പ്ര​തി​നി​ധി​ക​ളെ​യും മ​റ്റ് പൊ​തു പ്ര​വ​ർ​ത്ത​ക​രെ​യും പി​രി​വ് ന​ൽ​കി​യ നാ​ട്ടു​കാ​ർ ആ​ക്ഷേ​പി​ക്കു​ന്ന സ്ഥി​തി​യാ​ണി​പ്പോ​ൾ.