കുപ്രസിദ്ധ മോഷ്​ടാവിനെ കസ്​റ്റഡിയിൽ വാങ്ങി

അഞ്ചൽ: മലപ്പുറം തിരൂർ പൊലീസ് അറസ്​റ്റ്​ ചെയ്ത കുപ്രസിദ്ധ മോഷ്​ടാവിനെ അഞ്ചൽ പൊലീസ് കസ്​റ്റഡിയിൽ വാങ്ങി. തിരുവനന്തപുരം കാരക്കോണം സ്വദേശി തങ്കപ്പൻ (52) ആണ് അറസ്​റ്റിലായത്.

മോഷണസ്ഥലത്തുനിന്ന്​ ലഭിച്ച വിരലടയാളത്തി​െൻറ അടിസ്ഥാനത്തിൽ ഏതാനുംദിവസം മുമ്പ് തിരൂർ പൊലീസ് അറസ്​റ്റ്​ ചെയ്ത പ്രതിയെ ചോദ്യംചെയ്തപ്പോഴാണ് അഞ്ചലിലെ മെഡിക്കൽ സ്​റ്റോറിൽ നടത്തിയ മോഷണവിവരം അറിഞ്ഞത്​. വിവരം അറിഞ്ഞ അഞ്ചൽ പൊലീസ് തിരൂരിലെത്തി കോടതിയിൽ നിന്നും നാല് ദിവസത്തേക്ക് കസ്​റ്റഡിയിൽ വാങ്ങി അഞ്ചലിലെത്തിച്ചു.

പിന്നീട്​ പ്രതിയെ അഞ്ചലിലെ മെഡിക്കൽ സ്​റ്റോറിലെത്തിച്ച് തെളിവെടുപ്പ് നടത്തി.

തെളിവെടുപ്പ് പൂർത്തിയായെങ്കിൽ മാത്രമേ കൂടുതൽ വിവരങ്ങൾ ലഭിക്കുകയുള്ളൂവെന്ന് അഞ്ചൽ ഇൻസ്പെക്ടർ അനിൽകുമാർ അറിയിച്ചു.