ജില്ല പഞ്ചായത്ത് വാർഷിക പദ്ധതിക്ക്​ അംഗീകാരം

കൊ​ല്ലം: ജി​ല്ല പ​ഞ്ചാ​യ​ത്തി​ന്‍റെ 2022-23 വാ​ർ​ഷി​ക പ​ദ്ധ​തി​ക്ക് ജി​ല്ല പ​ഞ്ചാ​യ​ത്ത് യോ​ഗം അം​ഗീ​കാ​രം ന​ൽ​കി. വാ​ർ​ഷി​ക പ​ദ്ധ​തി​യി​ൽ ഏ​റ്റെ​ടു​ക്കു​ന്ന പ്രോ​ജ​ക്ടു​ക​ളു​ടെ പ​ട്ടി​ക പ്ര​സി​ഡ​ന്‍റ് സാം ​കെ. ഡാ​നി​യേ​ൽ അ​വ​ത​രി​പ്പി​ച്ചു.

മു​ൻ​വ​ർ​ഷ​ങ്ങ​ളി​ൽ ജി​ല്ല പ​ഞ്ചാ​യ​ത്ത് ന​ട​പ്പാ​ക്കി​യ മാ​ലാ​ഖ​ക്കൂ​ട്ടം, സ്​​കി​ൽ​ടെ​ക്, എ​ൻ​ട്രി പോ​ലെ​യു​ള്ള നൂ​ത​ന പ​ദ്ധ​തി​ക​ൾ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കു​ള്ള പ​ദ്ധ​തി നി​ർ​വ​ഹ​ണം സം​ബ​ന്ധി​ച്ച സ​ർ​ക്കാ​ർ മാ​ർ​ഗ​രേ​ഖ​യി​ൽ ഉ​ൾ​ക്കൊ​ള്ളി​ച്ചി​ട്ടു​ള്ള​ത് അ​ഭി​മാ​ന​നേ​ട്ട​മാ​യി കാ​ണു​ന്നെ​ന്ന് അ​ദ്ദേ​ഹം പ​റ​ഞ്ഞു.

ഭി​ന്ന​ശേ​ഷി​ക്കാ​ർ​ക്ക് സൗ​ജ​ന്യ ഭ​ക്ഷ​ണ​ക്കി​റ്റ് വി​ത​ര​ണം ചെ​യ്യു​ന്ന നി​റ​വ്, വ​യോ​ധി​ക​രാ​യ അ​ർ​ബു​ദ രോ​ഗി​ക​ൾ​ക്ക് മ​രു​ന്നും ഭ​ക്ഷ​ണ​ക്കി​റ്റും, അ​ഗ​തി​മ​ന്ദി​ര​ങ്ങ​ളി​ലെ വ​യോ​ജ​ന​ങ്ങ​ൾ​ക്ക് വ​സ്​​ത്ര​വും മ​രു​ന്നും, ട്രൈ​ബ​ൽ ഫെ​സ്റ്റ്, ഓ​പ​ൺ ജിം​നേ​ഷ്യം, വ​യോ​പാ​ർ​ക്ക്, സ്വ​പ്ന​ക്കൂ​ട് (അ​തി​ദ​രി​ദ്ര​ർ​ക്കു​ള്ള ഭ​വ​ന​നി​ർ​മാ​ണം), സ്​​കൂ​ളു​ക​ളി​ൽ ഇ​ൻ​ഡോ​ർ ഫി​റ്റ്നെ​സ് പാ​ർ​ക്ക്, എ.​ബി.​സി പ​ദ്ധ​തി, വെ​റ്റ​റി​ന​റി ന്യാ​യ​വി​ല മെ​ഡി​ക്ക​ൽ സ്റ്റോ​റു​ക​ൾ, ഫാം ​ടൂ​റി​സം, സ്​​നേ​ഹ​യാ​ത്ര (അ​ഗ​തി മ​ന്ദി​ര​ങ്ങ​ളി​ലെ വ​യോ​ജ​ന​ങ്ങ​ൾ​ക്ക് ഉ​ല്ലാ​സ​യാ​ത്ര), ശ്രു​തി​ല​യം (വ​യോ​ജ​ന​ങ്ങ​ൾ​ക്ക് റേ​ഡി​യോ, ചാ​രു​ക​സേ​ര, ഊ​ന്നു​വ​ടി), അ​ഗ്രി​ടെ​ക് (ബി.​എ​സ്​​സി, ഡി​പ്ലോ​മ, വി.​എ​ച്ച്.​എ​സ്.​സി അ​ഗ്രി പാ​സാ​യ​വ​ർ​ക്ക് അ​പ്ര​ന്‍റി​സ്​​ഷി​പ് നി​യ​മ​നം), പാ​രാ​മെ​ഡി​ക്ക​ൽ കോ​ഴ്സു​ക​ൾ പാ​സാ​യ പ​ട്ടി​ക​ജാ​തി വി​ഭാ​ഗ​ത്തി​ൽ പെ​ട്ട​വ​ർ​ക്ക് അ​പ്ര​ന്‍റി​സ്​​ഷി​പ് നി​യ​മ​നം, വ്യ​വ​സാ​യ​മേ​ള, സ്​​കൂ​ളു​ക​ളി​ൽ ഗ്ര​ന്ഥ​പ്പു​ര എ​ന്നി​വ 2022-23ൽ ​ഏ​റ്റെ​ടു​ക്കു​ന്ന ശ്ര​ദ്ധേ​യ പ​ദ്ധ​തി​ക​ളാ​ണ്. പ്ലാ​ൻ, റോ​ഡ്, റോ​ഡി​ത​ര വി​ഭാ​ഗ​ങ്ങ​ളി​ലാ​യി 110 കോ​ടി രൂ​പ​യു​ടെ പ​ദ്ധ​തി​ക​ളാ​ണ് 2022-23 വാ​ർ​ഷി​ക പ​ദ്ധ​തി​യി​ൽ ഏ​റ്റെ​ടു​ക്കു​ന്ന​ത്.