അക്ഷരപൂജക്ക്​ തുടക്കം; വിദ്യാരംഭത്തിന്​ ഒരുക്കം അവസാന ഘട്ടത്തിൽ

കൊ​ല്ലം: ന​വ​രാ​ത്രി ആ​ഘോ​ഷ​ങ്ങ​ളു​ടെ ഭാ​ഗ​മാ​യി പു​സ്ത​ക​ങ്ങ​ൾ പൂ​ജ​ക്ക്​ സ​മ​ർ​പ്പി​ച്ച്​ അ​ക്ഷ​ര​പൂ​ജ​ക്ക്​ തു​ട​ക്ക​മാ​യി. ദു​ർ​ഗാ​ഷ്ട​മി ദി​ന​മാ​യി​രു​ന്ന ഞാ​യ​റാ​ഴ്ച വൈ​കീ​ട്ട്​ ക്ഷേ​ത്ര​ങ്ങ​ളി​ലും വീ​ടു​ക​ളി​ലും വി​ദ്യാ​ർ​ഥി​ക​ൾ പു​സ്ത​ക​ങ്ങ​ൾ പൂ​ജ​ക്ക്​ സ​മ​ർ​പ്പി​ച്ചു. മ​ഹാ​ന​വ​മി ദി​ന​മാ​യ തി​ങ്ക​ളാ​ഴ്ച​യും പൂ​ജ​ക്ക്​ വെ​ച്ചി​രി​ക്കു​ന്ന പു​സ്ത​ക​ങ്ങ​ൾ ചൊ​വ്വാ​ഴ്ച വി​ജ​യ​ദ​ശ​മി ദി​ന​ത്തി​ലാ​ണ്​ എ​ടു​ക്കു​ന്ന​ത്.

പ​ണി​യാ​യു​ധ​ങ്ങ​ൾ പൂ​ജ​ക്ക്​ വെ​ക്കു​ന്ന ച​ട​ങ്ങ്​ തി​ങ്ക​ളാ​ഴ്ച ന​ട​ക്കും. വി​വി​ധ ക്ഷേ​ത്ര​ങ്ങ​ളി​ൽ ന​വ​രാ​ത്രി ഉ​ത്സ​വ​ത്തി​ന്​ ചൊ​വ്വാ​ഴ്ച സ​മാ​പ​ന​മാ​കും. വി​ജ​യ​ദ​ശ​മി​യു​ടെ ശു​ഭ​ദി​ന​ത്തി​ൽ വി​ദ്യാ​രം​ഭം കു​റി​ക്കാ​നു​ള്ള ഒ​രു​ക്ക​വും അ​വ​സാ​ന​ഘ​ട്ട​ത്തി​ലാ​ണ്. ആ​യി​ര​ക്ക​ണ​ക്കി​ന്​ കു​രു​ന്നു​ക​ൾ ആ​ദ്യ​ക്ഷ​രം കു​റി​ക്കു​ന്ന​തി​നൊ​പ്പം സം​ഗീ​ത-​നൃ​ത്ത-​സം​ഗീ​തോ​പ​ക​ര​ണ​ങ്ങ​ളി​ൽ ആ​ദ്യ​അ​റി​വ്​ നേ​ടു​ന്ന​തി​നും നി​ര​വ​ധി​പേ​ർ ഗു​രു​ക്ക​ന്മാ​രു​ടെ അ​രി​കി​ലെ​ത്തും.

വി​വി​ധ സാം​സ്കാ​രി​ക സം​ഘ​ട​ന​ക​ൾ, ലൈ​ബ്ര​റി​ക​ൾ, ക്ഷേ​ത്ര​ങ്ങ​ൾ എ​ന്നി​വി​ട​ങ്ങ​ളി​ൽ വി​ദ്യാ​രം​ഭം ന​ട​ത്തു​ന്ന​തി​നു​ള്ള സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്.ജി​ല്ല ശി​ശു​ക്ഷേ​മ സ​മി​തി​യു​ടെ ​നേ​തൃ​ത്വ​ത്തി​ൽ ചൊ​വ്വാ​ഴ്ച കൊ​ല്ലം ശ്രീ​നാ​രാ​യ​ണ​ഗു​രു സാം​സ്കാ​രി​ക സ​മു​ച്ച​യ​ത്തി​ൽ വി​ദ്യാ​രം​ഭം കു​റി​ക്കു​ന്ന​തി​നു​ള്ള സൗ​ക​ര്യം ഒ​രു​ക്കി​യി​ട്ടു​ണ്ട്.

രാ​വി​ലെ എ​ട്ടി​ന്​ ക​വി​യും മ​ല​യാ​ളം മി​ഷ​ൻ ഡ​യ​റ​ക്ട​റു​മാ​യ മു​രു​ക​ൻ കാ​ട്ടാ​ക്ക​ട, നോ​ള​ജ്​ ഇ​ക്ക​ണോ​മി മി​ഷ​ൻ ഡ​യ​റ​ക്ട​ർ പി.​എ​സ്. ശ്രീ​ക​ല, സാ​​ങ്കേ​തി​ക സ​ർ​വ​ക​ലാ​ശാ​ല മു​ൻ പ്രോ-​വൈ​സ്​ ചാ​ൻ​സ​ല​ർ എ​സ്. അ​യൂ​ബ്​ എ​ന്നി​വ​രാ​ണ്​ കു​ട്ടി​ക​ളെ എ​ഴു​ത്തി​നി​രു​ത്തു​ന്ന​ത്. പ​​ങ്കെ​ടു​ക്കു​ന്ന​തി​ന്​ 9747 402111, 9895345389, 9447719520 എ​ന്നീ ന​മ്പ​റു​ക​ളി​ൽ ര​ജി​സ്റ്റ​ർ ചെ​യ്യാം.