ബ്രെയിൻ കൺട്രോൾ വീൽ ചെയർ; സവിശേഷ കണ്ടുപിടിത്തവുമായി എൻജിനീയറിങ് വിദ്യാർഥികൾ

കൊ​ല്ലം: ത​ല​യു​ടെ ച​ല​ന​ങ്ങ​ൾ ഉ​പ​യോ​ഗി​ച്ച് നി​യ​ന്ത്രി​ക്കാ​ൻ ക​ഴി​യു​ന്ന വീ​ൽ​ചെ​യ​ർ എ​ന്ന ആ​ശ​യം പ്രാ​യോ​ഗി​ക​മാ​ക്കി വി​ദ്യാ​ർ​ഥി​ക​ൾ. യൂ​നു​സ് കോ​ള​ജ് ഓ​ഫ് എ​ൻ​ജി​നീ​യ​റി​ങ്ങി​ലെ അ​വ​സാ​ന വ​ർ​ഷ ഇ​ല​ക്ട്രി​ക്ക​ൽ ഡി​പ്പാ​ർ​ട്മെൻറ്​ വി​ദ്യാ​ർ​ഥി​ക​ളാ​ണ​്​ അ​ക്കാ​ദ​മി​ക് പ്രോ​ജ​ക്ടി​ന്‍റെ ഭാ​ഗ​മാ​യി ബ്രെ​യി​ൻ ക​ൺ​ട്രോ​ൾ​ഡ് വീ​ൽ​ചെ​യ​ർ വി​ക​സി​പ്പി​ച്ച​ത്. ക​ഴു​ത്തി​ന് താ​ഴെ ത​ള​ർ​ന്ന അ​വ​ശ​രാ​യ രോ​ഗി​ക​ൾ​ക്ക് ഈ ​വീ​ൽ​ചെ​യ​റി​ലൂ​ടെ പ​ര​സ​ഹാ​യം ഇ​ല്ലാ​തെ ആ​വ​ശ്യ​ങ്ങ​ൾ നി​റ​വേ​റ്റാ​നാ​വു​മെ​ന്ന് യൂ​നു​സ് കോ​ള​ജ് സെ​ക്ര​ട്ട​റി നൗ​ഷാ​ദ് യൂ​നു​സ് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

ഇ​ല​ക്ട്രി​ക്ക​ൽ ഡി​പ്പാ​ർ​ട്മെൻറി​ലെ അ​ന​ന്ത​കൃ​ഷ്ണ​ൻ, പി.​എ​സ്. ആ​ദി​ത്യ, ആം​സ്ട്രോ​ങ് എ​ന്നീ വി​ദ്യാ​ർ​ഥി​ക​ളാ​ണ് ക​ണ്ടു​പി​ടി​ത്ത​ത്തി​ന്​ പി​ന്നി​ൽ. കോ​ഴി​ക്കോ​ട് ആ​സ്ഥാ​ന​മാ​യ ഡി​ജി​റ്റ​ൽ ബ്രി​ഡ് ഇ​ൻ​റ​ർ​നാ​ഷ​ന​ലി​ന്‍റേ​താ​ണ് ആ​ശ​യം. ഡി.​ബി.​ഐ സീ​നി​യ​ർ ഡ​യ​റ​ക്ട​ർ ഓ​ഫ് സ്കി​ൽ ഡെ​വ​ല​പ്​​മെൻറ് ഡോ. ​മു​ഹ​മ്മ​ദ് ഇ​ക്ബാ​ൽ, ​പ്രോ​ജ​ക്റ്റ് ഡ​യ​റ​ക്ട​ർ ഷി​ബു മൊ​റി​സ്, മാ​നേ​ജി​ങ് ഡ​യ​റ​ക്ട​ർ അ​ബ്ദു​റ​ഹ്മാ​ൻ എ​ന്നി​വ​ർ പ്രോ​ജ​ക്ടി​ന്റെ പ്ര​വ​ർ​ത്ത​നം വി​ല​യി​രു​ത്തി. പ്രോ​ജ​ക്ടി​ന് നേ​തൃ​ത്വം ന​ൽ​കി​യ​ത് ഇ​ല​ക്ട്രി​ക്ക​ൽ ഡി​പ്പാ​ർ​ട്മെൻറി​ലെ അ​സി​സ്റ്റ​ൻ​റ് പ്ര​ഫ​സ​ർ സു​മി​ത സു​ന്ദ​ര​നാ​ണ്. ഡി​പ്പാ​ർ​ട്മെൻറ് ഹെ​ഡ് പ്ര​ഫ. പി.​പി. മാ​യ, സു​മി​ത സു​ന്ദ​ര​ൻ, അ​ന​ന്ത​കൃ​ഷ്ണ​ൻ, ആം​സ്ട്രോ​ങ് എ​ന്നി​വ​ർ പ​ങ്കെ​ടു​ത്തു.