അഞ്ച്​ പതിറ്റാണ്ട്​ പിന്നിട്ട്​ അടുതലയുടെ കാവ്യസപര്യ

ചാ​ത്ത​ന്നൂ​ർ: ക​വി​താ​ര​ച​ന​യു​ടെ അ​ഞ്ചു​പ​തി​റ്റാ​ണ്ട് പൂ​ർ​ത്തി​യാ​ക്കി​യ സ​ന്തോ​ഷം 12 പു​തി​യ ക​വി​ത സ​മാ​ഹാ​ര​ങ്ങ​ളി​ലൂ​ടെ പ​ങ്കു​വ​ച്ച്​ ക​വി അ​ടു​ത​ല ജ​യ​പ്ര​കാ​ശ്. 12 പു​സ്ത​ക​ങ്ങ​ളും ഒ​രു​മി​ച്ച് പ്ര​കാ​ശ​നം ചെ​യ്ത വേ​ദി​യി​ൽ അ​ദ്ദേ​ഹ​ത്തി​ന്‍റെ കാ​വ്യ​യാ​ത്ര​ക്ക്​ ആ​ദ​ര​വു​മാ​യി നാ​ടും ഒ​ത്തു​ചേ​ർ​ന്നു. ആ​നു​കാ​ലി​ക പ്ര​സി​ദ്ധീ​ക​ര​ണ​ങ്ങ​ളി‌​ലൂ​ടെ കാ​ലാ കാ​ല​ങ്ങ​ളി​ലാ​യി പു​റ​ത്തു​വ​ന്ന അ​ടു​ത​ല ജ​യ​പ്ര​കാ​ശി​ന്‍റെ ര​ച​ന​ക​ളാ​ണ്​ പു​സ്‌​ത​ക രൂ​പം പ്രാ​പി​ച്ച​ത്.

മ​ല​യാ​ള​ക​വി​താ രം​ഗ​ത്ത് ഈ ​ക​വി​യു​ടെ ഹൃ​ദ​യ​ഘ​ടി​കാ​ര​വും, പ്ര​തി​പ​ക്ഷ​വും, ക​യ്പും, സ്ഥാ​പ‌​ന​പ്ര​തി​ഷ്ഠ​യും, ചു​വ​രെ​ഴു​ത്തും, പ്ര​തി​ഗാ​ന്ധി​ജി​യും മ​റ്റും ഇ​തി​ന​കം ച​ർ​ച്ച ചെ​യ്യ​പ്പെ​ട്ട കൃ​തി​ക​ളാ​ണ്. ജീ​വി​ത​ത്തി​ൽ നി​ന്ന്​ അ​ട​ർ​ത്തി​യെ​ടു​ക്കു​ന്ന ചി​ന്ത​ക​ളെ സാ​മൂ​ഹി​ക വി​മ​ർ​ശ​ന​ത്തി​ന്‍റെ മൂ​ശ​യി​ലി​ട്ടു പാ​ക​പ്പെ​ടു​ത്താ​ൻ അ​ടു​ത​ല എ​പ്പോ​ഴും ശ്ര​ദ്ധി​ച്ചി​ട്ടു​ണ്ട്. സ​മൂ​ഹ​ത്തി​ലെ വേ​ദ​ന അ​നു​ഭ​വി​ക്കു​ന്ന​വ​രു​ടെ പ​ക്ഷ​ത്തോ​ടാ​ണ് അ​ടു​ത​ല​ക​വി​ത​ക​ൾ ചേ​ർ​ന്നു ന​ട​ക്കു​ന്ന​ത്. നി​ല​പാ​ടു​ക​ളി​ൽ വി​ട്ടു​വീ​ഴ്‌​ച​യി​ല്ലാ​തെ എ​ഴു​ത്തു ജീ​വി​തം മു​ന്നോ​ട്ടു ന​യി​ക്കു​ന്ന ക​വി​യാ​ണ് അ​ദ്ദേ​ഹ​മെ​ന്ന്​ സാ​ക്ഷ്യ​പ്പെ​ടു​ത്തു​ന്ന​വ​യാ​ണ് ഇ​തി​ന​കം പു​റ​ത്തു വ​ന്ന കൃ​തി​ക​ൾ.

അ, ​അ​പ​രി​ചി​ത​ൻ, അ​വ​ർ​ണ്ണം, ക​വി​ത​പ്ര​തി​ഷ്ഠ, ഹൃ​ദ​യ ഗ്രാ​മ​ത്തി​ലെ വീ​ട്, സ്വ​ച്ഛം, പ​രാ​ജി​ത​ൻ പാ​ട്ട്, സെ​ല്ലു​ലാ​ർ ജ​യി​ൽ, തോ​റ്റ​വ​ന്‍റെ സു​വി​ശേ​ഷം, സാ​ഗ​ര​വൈ​ഖ​രി, ഹൃ​ദ​യോ​പ​നി​ഷ​ത്ത്, വാ​ക്കി​ല്ലാ​കു​ന്നി​ല​പ്പ​ൻ എ​ന്നി​വ​യാ​ണ് അ​മ്പ​താം വാ​ർ​ഷി​ക ആ​ഘോ​ഷ​ത്തി​ന്‍റെ ഭാ​ഗ​മാ​യി നാ​ടൊ​ന്നി​ച്ച്​ ന​ൽ​കി​യ ആ​ദ​ര​വേ​ദി​യി​ൽ പ്ര​കാ​ശ​നം ചെ​യ്ത കൃ​തി​ക​ൾ.

1957ൽ ​അ​ടു​ത​ല​യി​ൽ അ​ധ്യാ​പ​ക​നാ​യ ആ​ർ. സ​ത്യ​വാ​ന്റെ​യും സു​ഭ​ദ്ര​യു​ടെ​യും മ​ക​നാ​യി ജ​നി​ച്ച അ​ടു​ത​ല ജ​യ​പ്ര​കാ​ശ് മ​ല​യാ​ള​സാ​ഹി​ത്യ​ത്തി​ൽ മാ​സ്റ്റ​ർ ബി​രു​ദ​ധാ​രി​യാ​ണ്. പ​തി​നെ​ട്ടാം വ​യ​സ്സി​ലാ​ണ് ക​വി​ത​ക​ൾ ര​ചി​ച്ചു തു​ട​ങ്ങി​യ​ത്. ഇ​ട​വ അ​മാ​ന്റെ ജ​ന​നാ​ട് എ​ന്ന മാ​സി​ക​യി​ൽ ക​വി​ത എ​ഴു​തി കൊ​ണ്ടാ​യി​രു​ന്നു തു​ട​ക്കം. പി​ന്നീ​ട് ജ​ന​പ്രി​യ​മാ​യ നി​ര​വ​ധി ക​വി​ത​ക​ൾ അ​ദ്ദേ​ഹ​ത്തി​ന്‍റെ തൂ​ലി​ക​യി​ൽ നി​ന്നു​ണ്ടാ​യി. ഡോ. ​ദാ​മോ​ദ​ര​ൻ പു​ര​സ്കാ​രം, മു​ത്താ​ന സാം​ബ​ശി​വ​ൻ പു​ര​സ്കാ​രം, കൗ​മു​ദി ടീ​ച്ച​ർ പു​ര​സ്കാ​രം, സെ​ക്ര​ട്ട​റി​യേ​റ്റ് അ​സോ​സി​യേ​ഷ​ന്‍റെ സ​ർ​ഗ്ഗ സാ​ഹി​ത്യ പു​ര​സ്കാ​രം തു​ട​ങ്ങി നി​ര​വ​ധി പു​ര​സ്കാ​ര​ങ്ങ​ൾ ഇ​ദ്ദേ​ഹ​ത്തി​ന് ല​ഭി​ച്ചി​ട്ടു​ണ്ട്.

ഭാ​ര്യ അ​ഡ്വ. ലി​ജി പു​ഷ്പാം​ഗ​ദ​ന്‍റെ​യും മ​ക്ക​ളാ​യ അ​ഡ്വ. അ​ശ്വി​നി ജ​യ​പ്ര​കാ​ശി​ന്റെ​യും, യ​ദു ജ​യ​പ്ര​കാ​ശി​ന്റെ​യും പൂ​ർ​ണ​പി​ന്തു​ണ​യോ​ടെ കാ​വ്യ​യാ​ത്ര തു​ട​രു​ക​യാ​ണ്​ അ​ടു​ത​ല ജ​യ​പ്ര​കാ​ശ്. 50 വ​ർ​ഷ​ങ്ങ​ൾ പൂ​ർ​ത്തി​യാ​ക്കി​യ കാ​വ്യ​സ​പ​ര്യ​യി​ൽ ഇ​നി​യും ഏ​റെ എ​ഴു​താ​ൻ ബാ​ക്കി​യെ​ന്ന്​ ഉ​റ​പ്പി​ച്ചു​പ​റ​യു​ക​യാ​ണ്​ നാ​ടി​ന്‍റെ പ്രി​യ​ക​വി.