മദ്യലഹരിയിൽ പിതാവിനെ മർദിച്ച് കൊലപ്പെടുത്താൻ ശ്രമിച്ച യുവാവ് അറസ്റ്റിൽ
text_fieldsശ്രീനി
ചവറ: മദ്യലഹരിയിൽ പിതാവിനെ മർദിച്ച് കൊലപ്പെടുത്താൻ ശ്രമിച്ച കേസിൽ മകൻ ചവറ പൊലീസ് പിടിയിൽ. ചവറ ശ്രീനി നിവാസിൽ ശ്രീനിയാണ് (41) പിടിയിലായത്. മദ്യപിച്ചെത്തി വീട്ടിൽ വഴക്കുണ്ടാക്കുന്നത് പതിവാണ്.
ഇയാൾക്ക് വാഹനാപകടത്തിൽ പരിക്ക് പറ്റിയതിനെ തുടർന്ന് കിട്ടിയ നഷ്ടപരിഹാരത്തുക പിതാവ് വാസുദേവൻ തിരികെ നൽകിയില്ലെന്ന വിരോധത്താലാണ് 70 വയസ്സുകാരനെ പുലർച്ച രണ്ടോടെ കൊലപ്പെടുത്താൻ ശ്രമിച്ചത്. ഉറങ്ങിക്കിടന്ന പിതാവിനെ ഇയാൾ കട്ടിൽനിന്ന് പൊക്കിയെടുത്ത് എറിയുകയായിരുന്നു.
വീഴ്ചയിൽ നട്ടെല്ലിന് പൊട്ടൽ സംഭവിച്ച് എഴുന്നേൽക്കാൻ കഴിയാതെ കിടന്ന പിതാവിനെ തടിക്കഷണം കൊണ്ട് തലക്കടിച്ച് പരിക്കേൽപിച്ചു. മർദനത്തിൽ തലയിൽ മുറിവും തോളെല്ലിന് പൊട്ടലും സംഭവിച്ചു. പ്ലാസ്റ്റിക്ക് കസേര ഉപയോഗിച്ച് മുഖത്ത് പലതവണ അടിച്ചു.
മാരകമായി പരിക്കേറ്റ പിതാവിനെ പിന്നീട് ബന്ധുക്കൾ ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് പ്രതിയുടെ മാതാവ് സമർപ്പിച്ച പരാതിയുടെ അടിസ്ഥാനത്തിൽ രജിസ്റ്റർ ചെയ്ത കേസിലാണ് അറസ്റ്റ്. ചവറ ഇൻസ്പെക്ടർ വിപിൻ കുമാറിന്റെ നേതൃത്വത്തിൽ എസ്.ഐമാരായ നൗഫൽ, മദനൻ, എസ്.സി.പി.ഒ ഹരിലാൽ, സി.പി.ഒ വൈശാഖ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.