ലഹരി പരിശോധനക്കെത്തിയ പൊലീസ് ഉദ്യോഗസ്ഥയെ ആക്രമിച്ച സ്ത്രീകൾ പിടിയിൽ
text_fieldsസുലജ പാപ്പച്ചൻ, ലയ ദാസ്, രശ്മി
ചവറ: ലഹരി പരിശോധനക്കെത്തിയ പൊലീസ് ഉദ്യോഗസ്ഥയെ ആക്രമിച്ച മൂന്ന് സ്ത്രീകളെ പൊലീസ് അറസ്റ്റ് ചെയ്തു. ചവറ പഴഞ്ഞിക്കാവ് വൈങ്ങോലിൽ വീട്ടിൽ സുലജ പാപ്പച്ചൻ (51), ഇവരുടെ മരുമക്കളായ ലയ ദാസ് (24), രശ്മി (28) എന്നിവരാണ് ചവറ പൊലീസിന്റെ പിടിയിലായത്. ചവറ പൊലീസ് സ്റ്റേഷനിലെ ഗ്രേഡ് എസ്.സി.പി.ഒ ആയ ബി. ഉഷയെയാണ് ഇവർ സംഘംചേർന്ന് ഉപദ്രവിച്ചത്.
ശനിയാഴ്ച പൊലീസ് നടത്തിയ സ്പെഷൽ ഓപറേഷന്റെ ഭാഗമായി ചവറ സ്റ്റേഷനിൽനിന്നുള്ള പൊലീസ് സംഘം ഇവരുടെ വീട്ടിൽ പരിശോധനക്കെത്തിയിരുന്നു. വീടിന്റെ വടക്ക് വശത്ത് റോഡിൽ പാർക്ക് ചെയ്തിരുന്ന കാർ പരിശോധിക്കാൻ ശ്രമിച്ചപ്പോൾ ഇവർ പൊലീസ് സംഘത്തിന് നേരെ അസഭ്യവർഷം നടത്തുകയും എസ്.സി.പി.ഒ ഉഷയുടെ കൈയിൽ കടിച്ച് മുറിപ്പെടുത്തുകയും ചെയ്തു.
തുടർന്ന് ഇവർക്കെതിരെ കേസ് രജിസ്റ്റർ ചെയ്ത് അറസ്റ്റ് ചെയ്യുകയായിരുന്നു. ചവറ ഇൻസ്പെക്ടർ കെ.ആർ. ബിജുവിന്റെ നേതൃത്വത്തിലാണ് ഇവരെ അറസ്റ്റ് ചെയ്തത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.