ചവറയിൽ ഒമ്പതുപേർക്ക് തെരുവുനായുടെ കടിയേറ്റു

ച​വ​റ: കു​ള​ങ്ങ​ര ഭാ​ഗം, പു​ത്ത​ൻ​കോ​വി​ൽ പ്ര​ദേ​ശ​ത്ത് ഒ​മ്പു​പേ​ർ​ക്ക് തെ​രു​വു​നാ​യു​ടെ ക​ടി​യേ​റ്റു. ക​ഴി​ഞ്ഞ​ദി​വ​സം രാ​വി​ലെ 10 മു​ത​ൽ നി​ര​വ​ധി ആ​ളു​ക​ളെ ക​ടി​ച്ച നാ​യെ പി​ടി​കൂ​ടാ​ൻ ക​ഴി​യാ​തി​രു​ന്ന​തി​നാ​ൽ വൈ​കീ​ട്ടും ആ​ളു​ക​ൾ​ക്ക് ക​ടി​യേ​റ്റു. പൊ​ലീ​സും അ​ധി​കൃ​ത​രും കൈ​യൊ​ഴി​ഞ്ഞ​തോ​ടെ നാ​യെ വൈ​കീ​ട്ട്​ 6.30ഓ​ടെ നാ​ട്ടു​കാ​ർ പി​ടി​കൂ​ടി. കൈ​യി​ലും ശ​രീ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ലും ക​ടി​യേ​റ്റ​വ​ർ നീ​ണ്ട​ക​ര താ​ലൂ​ക്ക് ആ​ശു​പ​ത്രി, ജി​ല്ല ആ​ശു​പ​ത്രി, പാ​രി​പ്പ​ള്ളി മെ​ഡി​ക്ക​ൽ കോ​ള​ജ് എ​ന്നി​വി​ട​ങ്ങ​ളി​ൽ ചി​കി​ത്സ തേ​ടി.

ച​വ​റ പു​ത്ത​ൻ​കോ​വി​ൽ തു​ഷാ​ര ഭ​വ​ന​ത്തി​ൽ ര​ഞ്ജി​നി (40), പു​ത്ത​ൻ​കോ​വി​ൽ ചാ​ല​യി​ൽ ഗീ​ത (52), കു​ള​ങ്ങ​ര ഭാ​ഗം സു​നീ​ഷ് ഭ​വ​നം സ​ര​സ്വ​തി (62), ക​രി​പ്പോ​ലി വ​ട​ക്ക​തി​ൽ ര​മ​ണ​ൻ (65), വാ​ണി​ശ്ശേ​രി​യി​ൽ ഗീ​ത( 60), സി​ന്ധു ഭ​വ​നം സു​രാ​ജ് (35), കൊ​ച്ചു​വീ​ട്ടി​ൽ ബി​നു (35), പ​ട​ന്ന​യി​ൽ അ​മ്മി​ണി (40) എ​ന്നി​വ​രാ​ണ് ചി​കി​ത്സ​യി​ൽ ക​ഴി​യു​ന്ന​ത്.

ച​വ​റ​യി​ലെ ടി.​എ​സ് ക​നാ​ലി​നോ​ട് ചേ​ർ​ന്നു​ള്ള പ്ര​ദേ​ശ​ത്ത് മാ​ലി​ന്യം ത​ള്ളു​ന്ന​തി​നാ​ലാ​ണ് തെ​രു​വു​നാ​യ് ശ​ല്യം കൂ​ടു​ന്ന​തെ​ന്ന് ച​വ​റ പ​ഞ്ചാ​യ​ത്തം​ഗം ടി.​എ​സ്. അ​ശ്വി​നി പ​റ​ഞ്ഞു. നാ​യ് ശ​ല്യം പൊ​ലീ​സി​ൽ അ​റി​യി​ച്ചി​ട്ടും ന​ട​പ​ടി സ്വീ​ക​രി​ക്കാ​ത്ത​തി​നാ​ലാ​ണ് കൂ​ടു​ത​ൽ ആ​ളു​ക​ൾ​ക്ക് ക​ടി​യേ​ൽ​ക്കാ​ൻ കാ​ര​ണ​മാ​യ​തെ​ന്ന് വാ​ർ​ഡ് മെം​ബ​ർ കെ. ​ബാ​ബു പ​റ​ഞ്ഞു. തെ​രു​വ് നാ​യെ പി​ടി​കൂ​ടാ​ൻ പ​ഞ്ചാ​യ​ത്തി​ൽ സം​വി​ധാ​നം ഇ​ല്ലെ​ന്നും അ​ദ്ദേ​ഹം പ​റ​ഞ്ഞു.