പാതയോരത്തെ ഉണങ്ങിയ മരം അപകടഭീഷണി

ചവറ: പാതയോരത്തെ പകുതി മുറിച്ച നിലയിലുള്ള ഉണങ്ങിയ മരം യാത്രക്കാർക്ക് അപകട ഭീഷണി ഉയർത്തുന്നു. ചവറ ശാസ്താംകോട്ട റോഡിൽ അരിനല്ലൂർ കല്ലുംപുറത്ത് ജങ്ഷനിലെ മരമാണ് അപകട ഭീഷണിയുയർത്തുന്നത്. ശക്തമായ കാറ്റടിച്ചാൽ മരം കടപുഴകുന്ന രീതിയിൽ തീർത്തും അപകടാവസ്ഥയിലാണ്. ഈ മരത്തോട് ചേർന്നാണ് 11 കെ.വി വൈദ്യുതി ലൈനും കടന്നുപോകുന്നത്.

വിദ്യാർഥികളടക്കം നൂറുകണക്കിന് ആളുകളും നിരവധി വാഹനങ്ങളും കടന്നുപോകുന്ന വഴിയിലെ മരം എത്രയുംവേഗം മുറിച്ച് നീക്കാൻ ബന്ധപ്പെട്ട അധികൃതർ തയാറാവണമെന്ന് യൂത്ത് കോൺഗ്രസ് നേതാക്കളായ ശിവപ്രസാദ് കോയിവിളയും ജോയ് മോൻ അരിനല്ലൂരും ആവശ്യപ്പെട്ടു.