ഓണ വിപണി; കച്ചവട സ്ഥാപനങ്ങളിൽ കലക്ടറുടെ പരിശോധന
text_fieldsകലക്ടർ എൻ. ദേവീദാസിന്റെ നേതൃത്വത്തിൽ കൊല്ലം നഗരത്തിലെ കടയിൽ നടത്തിയ പരിശോധന
കൊല്ലം: ഓണക്കാലത്തോടനുബന്ധിച്ച് വിവിധ കച്ചവട സ്ഥാപനങ്ങളിൽ കലക്ടർ എൻ. ദേവീദാസിന്റെ നേതൃത്വത്തിൽ പരിശോധന നടത്തി. വിലക്കയറ്റം തടയുന്നതിനും പൂഴ്ത്തിവെപ്പ്, അളവ് തൂക്ക ക്രമക്കേട്, ഭക്ഷ്യ സുരക്ഷ ഉറപ്പാക്കൽ എന്നിവക്കുമായി തുടർപരിശോധനകൾ നടത്തുമെന്ന് കലക്ടർ പറഞ്ഞു.
ഭക്ഷ്യസുരക്ഷാ വകുപ്പ്, പൊതുവിതരണ വകുപ്പ്, ലീഗൽ മെട്രോളജി, റവന്യൂ, പൊലീസ് ഉദ്യോഗസ്ഥർ സംയുക്തമായി നടത്തിയ പരിശോധനയിൽ അംഗീകാരമില്ലാത്ത അളവ് തൂക്ക ഉപകരണങ്ങൾ പിടിച്ചെടുത്തു. ജില്ല സപ്ലൈ ഓഫിസർ എസ്.ഒ. ബിന്ദു, ഭക്ഷ്യ സുരക്ഷ ഓഫിസർ എസ്.ആർ. റസീമ, ലീഗൽ മെട്രോളജി ഇൻസ്പെക്ടർ കെ.ജി. സുരേഷ് കുമാർ എന്നിവർ പരിശോധനകൾക്ക് നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.