എസ്.എൻ കോളജിൽ സംഘർഷം; രണ്ടുപേർക്ക് പരിക്ക്
text_fields1.തലക്ക് പരിക്കേറ്റ കോളജ് യൂണിയൻ ചെയർമാൻ വൈഭവ് ജില്ല അശുപത്രിയിൽ 2. എസ്.എഫ്.ഐ
പ്രവർത്തകൻ അച്ചു
കൊല്ലം: എസ്.എൻ കോളജിൽ ഇരുവിഭാഗം വിദ്യാർഥികൾ ഏറ്റുമുട്ടി, രണ്ടു പേർക്ക് പരിക്കേറ്റു. കോളജ് യൂനിയൻ ചെയർമാനും രണ്ടാം വർഷ ഫിലോസഫി വിദ്യാർഥിയുമായ വൈഭവ്, രണ്ടാം വർഷ ഇക്കണോമിക്സ് വിദ്യാർഥി അച്ചു എന്നിവർക്കാണ് പരിക്കേറ്റത്. കമ്പിവടി കൊണ്ടുള്ള അടിയേറ്റ് വൈഭവിന്റെ തലയ്ക്ക് നാല് തുന്നലുണ്ട്. സംഭവത്തെക്കുറിച്ച് എസ്.എഫ്.ഐ പ്രവർത്തകർ പറയുന്നതിങ്ങനെ: ഒരു വിഭാഗം വിദ്യാർഥികൾ കഴിഞ്ഞ വെള്ളിയാഴ്ച കോളജിലെ ശുചിമുറിയിലിരുന്ന ലഹരി വസ്തുക്കൾ ഉപയോഗിച്ചു. ഇക്കാര്യം അപ്പോൾ തന്നെ അധ്യാപകരുടെ ശ്രദ്ധയിൽപ്പെടുത്തി.
ഇന്നലെ ലഹരി ഉപയോഗിച്ചവരുടെ പേരുസഹിതം പ്രിൻസിപ്പലിന് പരാതി നൽകി. അതിന് പിന്നാലെ ലഹരി ഉപയോഗിച്ചവർ അടക്കമുള്ള പതിനഞ്ചോളം പേരടങ്ങുന്ന സംഘം കോളജ് യൂണിയൻ ചെയർമാൻ അടക്കമുള്ളവരെ ആക്രമിക്കുകയായിരുന്നു.
സംഘർഷമറിഞ്ഞ് പൊലീസെത്തിയതോടെയാണ് ഇരു വിഭാഗം വിദ്യാർഥികളും പിന്തിരിഞ്ഞത്. തലയ്ക്ക് സാരമായി പരിക്കേറ്റ വൈഭവ് ജില്ല ആശുപത്രിയിൽ ചികിത്സയിലാണ്. സംഭവത്തിൽ കണ്ടാലറിയാവുന്ന അഞ്ച് പേർക്കെതിരെ കേസെടുത്തതായി കൊല്ലം ഈസ്റ്റ് പൊലീസ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.