മൃ​തദേഹം വീട്ടുവളപ്പിൽ സംസ്കരിക്കൽ: നിയമം കർശനമായി നടപ്പാക്കും

കൊ​ല്ലം: കോ​ർ​പ​റേ​ഷ​ൻ പ​രി​ധി​യി​ൽ മൃ​ത​ദേ​ഹ​ങ്ങ​ൾ സം​സ്ക​രി​ക്കു​ന്ന​തി​ന്​ മു​നി​സി​പ്പ​ൽ ആ​ക്ട്​ പ്ര​കാ​ര​മു​ള്ള ന​ട​പ​ടി​ക്ര​മ​ങ്ങ​ൾ ക​ർ​ശ​ന​മാ​യി പാ​ലി​ക്കാ​ൻ കൗ​ൺ​സി​ൽ തീ​രു​മാ​നം. 25 സെ​ന്‍റി​ൽ കു​റ​വ്​ ഭൂ​മി​യു​ള്ള വീ​ട്ടു​വ​ള​പ്പു​ക​ളി​ൽ മൃ​ത​ദേ​ഹ​ങ്ങ​ൾ സം​സ്ക​രി​ക്കാ​നോ മ​റ​വു​ചെ​യ്യാ​നോ പാ​ടി​ല്ലെ​ന്ന മു​നി​സി​പ്പ​ൽ നി​യ​മം പാ​ലി​ക്ക​ണ​മെ​ന്ന്​ മേ​യ​ർ പ്ര​സ​ന്നാ ഏ​ണ​സ്റ്റ്​ കൗ​ൺ​സി​ൽ യോ​ഗ​ത്തി​ൽ പ​റ​ഞ്ഞു.

1മു​ള​ങ്കാ​ട​കം ശ്മാ​ശാ​ന​ത്തി​ന്‍റെ പ​രി​ധി​യി​ൽ വ​രു​ന്ന ന​ഗ​ര​മേ​ഖ​ല​യി​ൽ മൂ​ന്നി​ൽ ര​ണ്ട്​ സം​സ്​​കാ​ര​വും വീ​ട്ടു​വ​ള​പ്പി​ൽ ത​ന്നെ ന​ട​ക്കു​ന്ന​താ​യി ചൂ​ണ്ടി​ക്കാ​ട്ടി ശ്മ​ശാ​ന​ത്തി​ന്‍റെ ഫീ​സ്​ പി​രി​വി​ന്​ ക​രാ​റെ​ടു​ത്ത വ്യ​ക്​​തി ​കോ​ർ​പ​റേ​ഷ​നെ സ​മീ​പി​ച്ചി​രു​ന്നു. ഇ​തു​സം​ബ​ന്ധി​ച്ച അ​ജ​ണ്ട​യി​ലെ ച​ർ​ച്ച​യി​ലാ​ണ്​ അ​ന​ധി​കൃ​ത​മാ​യി മൃ​ത​ദേ​ഹ​ങ്ങ​ൾ സം​സ്ക​രി​ക്കു​ന്ന​ത്​ അ​നു​വ​ദി​ക്ക​രു​തെ​ന്ന്​ കൗ​ൺ​സി​ലി​ൽ അ​ഭി​പ്രാ​യ​മു​യ​ർ​ന്ന​ത്.

കേ​ര​ള മു​നി​സി​പ്പ​ൽ ആ​ക്ട്​ 486(3) പ്ര​കാ​രം ന​ഗ​ര​സ​ഭ​യി​ൽ ര​ജി​സ്റ്റ​ർ ചെ​യ്​​ത​തോ അം​ഗീ​കൃ​ത​മോ അ​ല്ലാ​ത്ത സ്​​ഥ​ല​ത്ത്​ മൃ​ത​ദേ​ഹം മ​റ​വ്​ ചെ​യ്യാ​നോ ദ​ഹി​പ്പി​ക്കാ​നോ പാ​ടി​ല്ല. അ​ങ്ങ​നെ ചെ​യ്യു​ന്നു​വെ​ങ്കി​ൽ ന​ഗ​ര​സ​ഭ​യു​ടെ മു​ൻ​കൂ​ട്ടി​യു​ള്ള അ​നു​മ​തി വാ​ങ്ങ​ണം. ആ​രോ​ഗ്യ​സ്റ്റാ​ൻ​ഡി​ങ്​ ക​മ്മി​റ്റി ചെ​യ​ർ​പേ​ഴ്​​സ​ൺ യു. ​പ​വി​ത്ര​യും നി​യ​മം പാ​ലി​ക്കാ​തെ​യു​ള്ള ശ​വ​സം​സ്കാ​രം ത​ട​യ​ണ​മെ​ന്ന്​ ആ​വ​ശ്യ​മു​ന്ന​യി​ച്ചു.

അ​ന​ധി​കൃ​ത​മാ​യി മൃ​ത​ദേ​ഹം മ​റ​വു​ചെ​യ്യു​ക​യോ ദ​ഹി​പ്പി​ക്കു​ക​യോ ചെ​യ്യു​ന്ന​ത്​ നി​രോ​ധി​ക്ക​ണ​മെ​ന്ന​ത​ട​ക്കം നി​ർ​ദേ​ശ​ങ്ങ​ളു​ള്ള അ​ജ​ണ്ട കൗ​ൺ​സി​ൽ തു​ട​ർ​ന്ന്​ പാ​സാ​ക്കി. ഇ​ൻ​ഡ്യ​ൻ കോ​ഫി ഹൗ​സ്​ ന​ഗ​ര​ഹൃ​ദ​യ​ത്തി​ൽ ത​ന്നെ നി​ല​നി​ർ​ത്തു​ന്ന​തി​ന്​ കോ​ർ​പ​റേ​ഷ​ൻ ഇ​ട​പെ​ടു​മെ​ന്ന്​ പൊ​തു​ച​ർ​ച്ച​ക്കു​ള്ള മ​റു​പ​ടി​യി​ൽ മേ​യ​ർ പ​റ​ഞ്ഞു. എ​സ്.​എ​ൻ കോം​പ്ല​ക്​​സി​ലോ കോ​ർ​പ​റേ​ഷ​ൻ കെ​ട്ടി​ട​ങ്ങ​ളു​ടെ ഏ​തെ​ങ്കി​ലും ഭാ​ഗ​ത്തോ കോ​ഫി ഹൗ​സി​ന്​ അ​നു​യോ​ജ്യ​മാ​യ സ്ഥ​ലം ക​ണ്ടെ​ത്താ​ൻ ക​ഴി​​യു​മോ​യെ​ന്ന്​ പ​രി​ശോ​ധി​ക്കും.

കോ​ഫി ഹൗ​സ്​ കൊ​ല്ലം ന​ഗ​ര​മ​ധ്യ​ത്തി​ൽ ത​​ന്നെ നി​ല​നി​ർ​ത്താ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി തൃ​ശൂ​രി​ലെ കോ​ഫി ഹൗ​സ്​ ആ​സ്ഥാ​ന​​വു​മാ​യി ബ​ന്ധ​പ്പെ​ട്ടി​രു​ന്നെ​ന്ന്​ ​ ഡ​പ്യൂ​ട്ടി മേ​യ​ർ കൊ​ല്ലം മ​ധു അ​റി​യി​ച്ചു.

മ​ഴ ക​ന​ത്ത പ​ശ്ചാ​ത്ത​ല​ത്തി​ൽ ഡ​ങ്കി​പ്പ​നി അ​ട​ക്കം രോ​ഗ​ങ്ങ​ളു​ടെ വ്യാ​പ​നം ത​ട​യാ​നു​ള്ള ഇ​ട​പെ​ട​ൽ കോ​ർ​പ​റേ​ഷ​ൻ ന​ട​ത്തു​മെ​ന്ന്​ മേ​യ​ർ ഇ​തു​സം​ബ​ന്ധി​ച്ച ചോ​ദ്യ​ങ്ങ​ൾ​ക്ക്​ മ​റു​പ​ടി ന​ൽ​കി. എ​ല്ല ഡി​വി​ഷ​നു​ക​ളി​ലും കൊ​തു​കു ന​ശീ​ക​ര​ണ​ത്തി​നു​ള്ള സ്​​പ്രേ​യി​ങ്, ഫോ​ഗി​ങ്​ ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ വ്യാ​പ​ക​മാ​ക്കും. വെ​ള്ള​ക്കെ​ട്ടു​ള്ള സ്​​ഥ​ല​ങ്ങ​ളി​ൽ നി​ന്ന്​ വെ​ള്ളം പ​മ്പ്​ ചെ​യ്തു​മാ​റ്റാ​ൻ മോ​ട്ടോ​ർ അ​ട​ക്ക​മു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്.

സ്റ്റാ​ൻ​ഡി​ങ്​ ക​മ്മി​റ്റി ചെ​യ​ർ​മാ​ൻ​രാ​യ എ​സ്. ജ​യ​ൻ, ജി. ​ഉ​ദ​യ​കു​മാ​ർ, ഗീ​താ​കു​മാ​രി, പ്ര​തി​പ​ക്ഷ നേ​താ​വ്​ ജോ​ർ​ജ്​ ഡി. ​കാ​ട്ടി​ൽ, കൗ​ൺ​സി​ല​ർ​മാ​രാ​യ കു​രു​വു​ള ജോ​സ​ഫ്, ജി. ​സോ​മ​രാ​ജ​ൻ, നി​സാ​മു​ദ്ദീ​ൻ, ടി.​ജി. ഗി​രീ​ഷ്, ബി. ​ഷൈ​ല​ജ, സു​മി തു​ട​ങ്ങി​യ​വ​ർ ച​ർ​ച്ച​യി​ൽ പ​​ങ്കെ​ടു​ത്തു.