ചൂടിൽ വലഞ്ഞ്​ ക്ഷീരമേഖല; പാൽ ഉൽപാദനത്തിൽ വൻ കുറവ്

പ​ച്ച​പ്പു​ൽ ക്ഷാ​മ​വും

രൂ​ക്ഷം

കൊ​ട്ടി​യം: ദി​നം​തോ​റും വ​ർ​ധി​ക്കു​ന്ന കൊ​ടും​ചൂ​ടി​ൽ ക്ഷീ​ര​മേ​ഖ​ല​യി​ലും പ്ര​തി​സ​ന്ധി രൂ​ക്ഷം. ചൂ​ട് കൂ​ടി​യ​തോ​ടെ പാ​ൽ ഉ​ൽ​പാ​ദ​ന​ത്തി​ലും വ​ൻ കു​റ​വു​ണ്ടാ​യെ​ന്ന് ക്ഷീ​ര​വ​കു​പ്പ് ഉ​ദ്യോ​ഗ​സ്ഥ​ർ സാ​ക്ഷ്യ​പ്പെ​ടു​ത്തു​ന്നു. മു​ൻ മാ​സ​ങ്ങ​ളി​ൽ ജി​ല്ല​യി​ലു​ണ്ടാ​യി​രു​ന്ന പ്ര​തി​ദി​ന പാ​ൽ ഉ​ൽ​പാ​ദ​ന​ത്തി​ൽ​നി​ന്ന് പ​ത്ത് ശ​ത​മാ​ന​ത്തോ​ളം കു​റ​വ് വ​ന്നി​ട്ടു​ണ്ട്. ഈ ​സ്ഥി​തി തു​ട​ർ​ന്നാ​ൽ ജി​ല്ല​യി​ലെ പാ​ൽ ഉ​ൽ​പാ​ദ​ന​ത്തി​ൽ ചു​രു​ങ്ങി​യ​ത്​ 30 ശ​ത​മാ​ന​ത്തി​ന്റെ​യെ​ങ്കി​ലും കു​റ​വു​ണ്ടാ​കു​മെ​ന്നാ​ണ് ക്ഷീ​ര​വി​ക​സ​ന വ​കു​പ്പി​ന്റെ ക​ണ​ക്കു​കൂ​ട്ട​ൽ.

പ​ശു​ക്ക​ളി​ലെ രോ​ഗ​ബാ​ധ​യും കാ​ലാ​വ​സ്ഥ വ്യ​തി​യാ​ന​വും ക​റ​വ വ​റ്റി​യ പ​ശു​ക്ക​ളു​ടെ എ​ണ്ണം കൂ​ടി​യ​തു​മെ​ല്ലാം കാ​ര​ണ​മാ​കു​ന്നു​ണ്ടെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു. മാ​ർ​ച്ചി​ലെ ക​ണ​ക്കെ​ടു​പ്പി​ൽ പാ​ൽ ഉ​ൽ​പാ​ദ​നം ഇ​നി​യും കു​റ​യു​മെ​ന്നാ​ണ് വി​ല​യി​രു​ത്ത​ൽ.

കാ​ലി​വ​ള​ർ​ത്ത​ലി​ന് ചെ​ല​വേ​റി​യ​തും അ​ധ്വാ​ന​ത്തി​ന് ആ​നു​പാ​തി​ക​മാ​യി പാ​ൽ​വി​ല കൂ​ടാ​ത്ത​തുംമൂ​ലം ഒ​ട്ടേ​റെ​പ്പേ​രാ​ണ് ക്ഷീ​ര​മേ​ഖ​ല ഉ​പേ​ക്ഷി​ക്കു​ന്ന​ത്. വെ​യി​ൽ ശ​ക്ത​മാ​യ​തോ​ടെ ജി​ല്ല​യി​ൽ പ​ച്ച​പ്പു​ൽ ക്ഷാ​മ​വും രൂ​ക്ഷ​മാ​യി. വൈ​ക്കോ​ൽ കൊ​ടു​ത്താണ് പ​ല ക്ഷീ​ര​ക​ർ​ഷ​ക​രും പ​ശു​ക്ക​ളു​ടെ ജീ​വ​ൻ നി​ല​നി​ർ​ത്തു​ന്ന​ത്. പ​ശു​ക്ക​ൾ​ക്ക് വി​ശ​പ്പ​ക​റ്റാ​മെ​ന്ന​ല്ലാ​തെ വൈ​ക്കോ​ൽ ന​ൽ​കി​യാ​ൽ പാ​ൽ ഉ​ൽ​പാ​ദ​ന​ത്തി​ൽ വ​ർ​ധ​ന​യു​ണ്ടാ​കി​ല്ല.

പ​ച്ച​പ്പു​ല്ലി​ന് പ​ക​രം എ​ന്നും വൈ​ക്കോ​ലാ​ണെ​ങ്കി​ൽ ക​ന്നു​കാ​ലി​ക​ൾ ആ​വ​ശ്യ​ത്തി​ന് തി​ന്നാ​നും മ​ടി​ക്കും. ചൂ​ട് കൂ​ടി​നി​ൽ​ക്കു​ന്ന​തി​നാ​ൽ ക​ന്നു​കാ​ലി​ക​ളെ തൊ​ഴു​ത്തി​നു പു​റ​ത്തെ​ത്തി​ച്ച് വ​ള​രെനേ​രം​മേ​ക്കാ​നും ക​ഴി​യി​ല്ല. കൂ​ടു​ത​ൽ നേ​രം വെ​യി​ല​ത്തു​നി​ൽ​ക്കു​ന്ന ക​ന്നു​കാ​ലി​ക​ൾ​ക്ക് പ​ല​വി​ധ രോ​ഗ​ങ്ങ​ൾ പി​ടി​പെ​ടു​ന്നു.

ത​മി​ഴ്നാ​ട്ടി​ൽ നി​ന്നെത്തു​ന്ന വൈ​ക്കോ​ലി​ന് വി​ല കൂ​ടു​ക​യാ​ണ്. 18 കി​ലോ​യു​ടെ റോ​ളി​ന് 200 രൂ​പ​യാ​ണ് വി​ല. പു​റ​മെ വ​ണ്ടി​ക്കൂ​ലി​യും ന​ൽ​ക​ണം. പ​രു​ത്തി​പ്പി​ണ്ണാ​ക്ക്, ത​വി​ട്, തേ​ങ്ങാ​പ്പി​ണ്ണാ​ക്ക്, പ​രു​ത്തി​ക്കു​രു എ​ന്നി​വ​യു​ടെ യെ​ല്ലാം വി​ല വ​ർ​ധി​ച്ചു. 50 കി​ലോ കാ​ലി​ത്തീ​റ്റ​ക്ക്​ 1550 രൂ​പ വ​രെ​യാ​യി വി​ല.

ക്ഷീ​രസം​ഘ​ങ്ങ​ൾ വ​ഴി വൈ​ക്കോ​ലും പ​ച്ച​പ്പു​ല്ലും സം​ഭ​രി​ച്ച് വി​ത​ര​ണം ചെ​യ്യു​ക, കാ​ലി​ത്തീ​റ്റ​യു​ടെ വി​ല കു​റ​യ്ക്കാ​ൻ സ​ർ​ക്കാ​ർ വി​പ​ണി​യി​ൽ ഇ​ട​പെ​ട​ൽ ന​ട​ത്തു​ക, സ​ബ്സി​ഡി നി​ര​ക്കി​ൽ ക്ഷീ​ര​ക​ർ​ഷ​ക​ർ​ക്ക് വാ​യ്പ അ​നു​വ​ദി​ക്കു​ക, ഇ​ത​ര​സം​സ്ഥാ​ന​ങ്ങ​ളി​ൽ​നി​ന്ന് ഗു​ണ​നി​ല​വാ​രം കു​റ​ഞ്ഞ പാ​ൽ ഇ​റ​ക്കു​മ​തി ചെ​യ്യു​ന്ന​ത് നി​ർ​ത്തു​ക തു​ട​ങ്ങി ഒ​ട്ടേ​റെ ആ​വ​ശ്യ​ങ്ങ​ളാ​ണ് ക്ഷീ​ര​ക​ർ​ഷ​ക​ർ ഉ​ന്ന​യി​ക്കു​ന്ന​ത്.