പരാതിപ്രവാഹമായി ഡീലിമിറ്റേഷന്‍ കമീഷന്‍ ഹിയറിങ്

കൊ​ല്ലം: ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പ്​ ല​ക്ഷ്യ​മി​ട്ട്​ വാ​ർ​ഡു​ക​ൾ വി​ഭ​ജി​ച്ചും പു​ന​ർ​നി​ർ​ണ​യി​ച്ചും ഇ​റ​ക്കി​യ ക​ര​ട്​ വി​ജ്ഞാ​പ​ന​ത്തി​നെ​തി​രെ​യു​ള്ള പ​രാ​തി​ക​ൾ നി​റ​ഞ്ഞ്​ ഡി​ലി​മി​റ്റേ​ഷ​ൻ ക​മീ​ഷ​ന്‍റെ ജി​ല്ല​യി​ലെ പൊ​തു​ഹി​യ​റി​ങ്. പ​ഞ്ചാ​യ​ത്ത്, ന​ഗ​ര​സ​ഭ, കോ​ർ​പ​റേ​ഷ​ൻ വാ​ർ​ഡു​ക​ളും ഡി​വി​ഷ​നു​ക​ളും സം​ബ​ന്ധി​ച്ച പ​രാ​തി​ക​ളു​മാ​യാ​ണ്​ ജ​ന​പ്ര​തി​നി​ധി​ക​ളും രാ​ഷ്ട്രീ​യ​പ്ര​വ​ർ​ത്ത​ക​രും സാ​ധാ​ര​ണ​ക്കാ​രു​മു​ൾ​പ്പെ​ടെ ആ​യി​ര​ത്തി​ല​ധി​കം പേ​ർ എ​ത്തി​യ​ത്. ജി​ല്ല​യി​ലെ 73 ത​ദ്ദേ​ശ സ്ഥാ​പ​ന​ങ്ങ​ളു​ടെ പ​രി​ധി​ക​ളി​ല്‍നി​ന്ന് 869 പ​രാ​തി​ക​ളാ​ണ് ഡീ​ലി​മി​റ്റേ​ഷ​ന്‍ ക​മീ​ഷ​ന്‍ ചെ​യ​ര്‍മാ​നും സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ണ​റു​മാ​യ എ. ​ഷാ​ജ​ഹാ​ന്റെ നേ​തൃ​ത്വ​ത്തി​ൽ ന​ട​ന്ന ഹി​യ​റി​ങ്ങി​ൽ പ​രി​ഗ​ണി​ച്ച​ത്.

പ​രാ​തി​യു​ള്ള ത​ദ്ദേ​ശ സ്ഥാ​പ​ന​ത്തി​ന്‍റെ സെ​ക്ര​ട്ട​റി​യും പ​രാ​തി സം​ബ​ന്ധി​ച്ച്​ അ​ന്വേ​ഷ​ണം ന​ട​ത്തി​യ എ​ൻ​ക്വ​യ​റി ഓ​ഫി​സ​റും ഉ​ൾ​പ്പെ​ടെ ക​മീ​ഷ​ന്​ മു​ന്നി​ൽ ഹാ​ജ​രാ​യി വി​വ​ര​ങ്ങ​ൾ ധ​രി​പ്പി​ച്ചു. ക​മീ​ഷ​ന്‍ സെ​ക്ര​ട്ട​റി​യും എ​ല്‍.​എ​സ്.​ജി.​ഡി ജോ​യ​ന്റ് ഡ​യ​റ​ക്ട​റു​മാ​യ എ​സ്. ജോ​സ്‌​ന മോ​ള്‍, ഡെ​പ്യൂ​ട്ടി ഡ​യ​റ​ക്ട​ര്‍ പ്ര​ശാ​ന്ത് കു​മാ​ര്‍, ക​ല​ക്ട​ര്‍ എ​ന്‍. ദേ​വി​ദാ​സ്, സ​ബ് ക​ല​ക്ട​ര്‍ നി​ഷാ​ന്ത് സി​ന്‍ഹാ​ര, തെ​ര​ഞ്ഞെ​ടു​പ്പ് ഡെ​പ്യൂ​ട്ടി ക​ല​ക്ട​ര്‍ ജ​യ​ശ്രീ, എ​ല്‍.​എ​സ്.​ജി.​ഡി ജോ​യി​ന്റ് ഡ​യ​റ​ക്ട​ര്‍ ബി​നു​ന്‍ വാ​ഹി​ദ് എ​ന്നി​വ​ര്‍ പ​ങ്കെ​ടു​ത്തു.

ത​ർ​ക്കം കൂ​ടു​ത​ൽ അ​തി​ർ​ത്തി​യി​ൽ

ജി​ല്ല​യി​ൽ ല​ഭി​ച്ച പ​രാ​തി​ക​ളി​ൽ ഭൂ​രി​ഭാ​ഗ​വും വാ​ർ​ഡു​ക​ളു​ടെ അ​തി​ർ​ത്തി മാ​റ്റ​ത്തി​നെ കു​റി​ച്ചു​ള്ള​വ​യാ​യി​രു​ന്നു. സ്വാ​ഭാ​വി​ക അ​തി​ർ​ത്തി പാ​ലി​ക്ക​ണം എ​ന്ന നി​ബ​ന്ധ​ന പാ​ലി​ക്ക​പ്പെ​ട്ടി​ല്ല എ​ന്ന പ​രാ​തി മു​ന്നി​ട്ടു​നി​ന്നു. വാ​ർ​ഡു​ക​ളു​ടെ പേ​ര്​ മാ​റി​യ​തും വാ​ർ​ഡു​ക​ൾ ത​ന്നെ ഇ​ല്ലാ​താ​യ​തും ഉ​ൾ​പ്പെ​ടെ പ്ര​ശ്ന​ങ്ങ​ൾ പ​രാ​തി​ക്കാ​ർ ചൂ​ണ്ടി​ക്കാ​ണി​ച്ചു. യു​ക്തി​സ​ഹ​മ​ല്ലാ​ത്ത വാ​ർ​ഡ്​ രൂ​പീ​ക​ര​ണ​മാ​ണ്​ ന​ട​ന്ന​തെ​ന്ന പ​രാ​തി​യാ​ണ് പ​ല​രും ഉ​യ​ർ​ത്തി​യ​ത്. വോ​ട്ടു ചെ​യ്യാ​ൻ പോ​ലും കി​ലോ​മീ​റ്റ​ർ താ​ണ്ടേ​ണ്ടി​വ​രു​ന്ന സ്ഥി​തി​യും പ​രാ​തി​യാ​യി എ​ത്തി. വീ​ടു​ക​ള്‍ പു​തി​യ വാ​ര്‍ഡ് പ​രി​ധി​യി​ല്‍നി​ന്ന് മാ​റ്റ​ണ​മെ​ന്നും പ​ഴ​യ​തി​ല്‍ നി​ല​നി​ര്‍ത്ത​ണ​മെ​ന്നു​മെ​ല്ലാം ആ​വ​ശ്യ​മു​യ​ർ​ന്നു.

നേ​ര​ത്തെ പ​രാ​തി​ക​ൾ സ​മ​ര്‍പ്പി​ച്ച​വ​ർ​ക്കാ​ണ്​ പ​ങ്കെ​ടു​ക്കാ​ന്‍ അ​വ​സ​രം ഉ​ണ്ടാ​യി​രു​ന്ന​ത്. ഓ​ച്ചി​റ, ശാ​സ്താം​കോ​ട്ട, വെ​ട്ടി​ക്ക​വ​ല, കൊ​ട്ടാ​ര​ക്ക​ര ബ്ലോ​ക്കു​ക​ളി​ലെ വി​വി​ധ ഗ്രാ​മ​പ​ഞ്ചാ​യ​ത്തു​ക​ളി​ലെ​യും ക​രു​നാ​ഗ​പ്പ​ള്ളി, കൊ​ട്ടാ​ര​ക്ക​ര ന​ഗ​ര​സ​ഭ​ക​ളി​ലെ​യും 290 പ​രാ​തി​ക​ളാ​ണ് ആ​ദ്യം പ​രി​ഗ​ണി​ച്ച​ത്. തു​ട​ര്‍ന്ന് പ​ത്ത​നാ​പു​രം, അ​ഞ്ച​ല്‍, ചി​റ്റു​മ​ല, ഇ​ത്തി​ക്ക​ര ബ്ലോ​ക്കു​ക​ളി​ലെ പ​ഞ്ചാ​യ​ത്തു​ക​ളി​ലെ​യും പ​ര​വൂ​ര്‍ ന​ഗ​ര​സ​ഭ​യി​ലെ​യും 286 പ​രാ​തി​ക​ള്‍ പ​രി​ഗ​ണി​ച്ചു.

ഉ​ച്ച​ക്ക് ശേ​ഷം ച​വ​റ, മു​ഖ​ത്ത​ല, ച​ട​യ​മം​ഗ​ലം ബ്ലോ​ക്കു​ക​ളി​ലെ പ​ഞ്ചാ​യ​ത്തു​ക​ളി​ലെ​യും പു​ന​ലൂ​ര്‍ ന​ഗ​ര​സ​ഭ​യി​ലെ​യും കൊ​ല്ലം കോ​ര്‍പ​റേ​ഷ​നി​ലെ​യും 293 പ​രാ​തി​ക​ളാ​ണ് പ​രി​ഗ​ണി​ച്ച​ത്.

ലൈ​റ്റ്​​ഹൗ​സ്​ ഇ​ല്ലാ​തെ ത​ങ്ക​ശ്ശേ​രി, പോ​ർ​ട്ട്​ ഇ​ല്ലാ​ത്ത പോ​ർ​ട്ട്​

ത​ങ്ക​ശ്ശേ​രി എ​ന്നാ​ൽ മ​ന​സി​ലെ​ത്തു​ന്ന ലൈ​റ്റ്​ ഹൗ​സ്​ ഇ​ല്ലാ​ത്ത ത​ങ്ക​ശ്ശേ​രി ഡി​വി​ഷ​ൻ, പോ​ർ​ട്ടി​നെ അ​തി​ർ​ത്തി​ക്ക്​ പു​റ​ത്താ​ക്കി​യ പോ​ർ​ട്ട്​ ഡി​വി​ഷ​ൻ, മൂ​ന്നാ​യി മു​റി​ച്ച മ​ങ്ങാ​ട്​ ഡി​വി​ഷ​ൻ, എ​ങ്ങോ​ട്ടോ മാ​റി​പ്പോ​യ പ​ട്ട​ത്താ​നം ഡി​വി​ഷ​ൻ... പ​രാ​തി​ക​ൾ അ​ങ്ങ​നെ പ​ല​വി​ധ​മാ​ണ്​ കൊ​ല്ലം കോ​ർ​പ​റേ​ഷ​നി​ൽ നി​ന്ന്​ വ​ന്ന​ത്. ഒ​രൊ​റ്റ ഡി​വി​ഷ​ൻ കൂ​ട്ടു​ന്ന​തി​ന്​ 55 ഡി​വി​ഷ​നും വെ​ട്ടി​നു​റു​ക്കി​കൂ​ട്ടി​യെ​ന്ന്​ പ​രാ​തി​യു​യ​രു​ന്ന കോ​ർ​പ​റേ​ഷ​നി​ലെ പ്ര​ശ്ന​ങ്ങ​ൾ ഉ​ന്ന​യി​ക്കാ​ൻ ക​ക്ഷി​രാ​ഷ്​​ട്രീ​യ ഭേ​ദ​മ​ന്യേ ജ​ന​പ്ര​തി​നി​ധി​ക​ൾ ഒ​ത്തൊ​രു​മി​ച്ചാ​ണ്​ ഹി​യ​റി​ങ്ങി​നെ​ത്തി​യ​ത്. ക​ര​ട്​ വി​ജ്ഞാ​പ​ന​ത്തി​ൽ നേ​ര​ത്തെ ത​ങ്ക​ശ്ശേ​രി ഡി​വി​ഷ​നി​ലാ​യി​രു​ന്ന ത​ങ്ക​ശ്ശേ​രി ലൈ​റ്റ്​ ഹൗ​സ്​ ഉ​ൾ​പ്പെ​ടെ പ്ര​ദേ​ശ​ത്തെ കൈ​ക്കു​ള​ങ്ങ​ര​യി​ലേ​ക്കാ​ണ്​ മാ​റ്റി ‘പ്ര​തി​ഷ്​​ഠി​ച്ച​ത്​’.

പോ​ർ​ട്ട്​ ഡി​വി​ഷ​നി​ൽ നി​ന്ന്​ പോ​ർ​ട്ടി​നെ വെ​ട്ടി​മാ​റ്റി പ​ള്ളി​ത്തോ​ട്ട​ത്തി​നും ന​ൽ​കി. ഇ​ത്ത​ര​ത്തി​ലു​ള്ള വി​ഷ​യ​ങ്ങ​ൾ നി​റ​ഞ്ഞ നൂ​റോ​ളം പ​രാ​തി​ക​ളാ​ണ്​ കൊ​ല്ലം കോ​ർ​പ​റേ​ഷ​നി​ൽ നി​ന്ന്​ മാ​ത്രം എ​ത്തി​യ​ത്.

മേ​യ​ർ പ്ര​സ​ന്ന ഏ​ണ​സ്റ്റ്, എം. ​നൗ​ഷാ​ദ്​ എം.​എ​ൽ.​എ എ​ന്നി​വ​ർ പ​രാ​തി​ക​ൾ സം​ബ​ന്ധി​ച്ച്​ ക​മീ​ഷ​നു​മാ​യി സം​സാ​രി​ച്ചു.

തു​ട​ർ​ന്നാ​ണ്​ ഡെ​പ്യൂ​ട്ടി മേ​യ​ർ കൊ​ല്ലം മ​ധു, വി​വി​ധ സ്ഥി​രം സ​മി​തി അ​ധ്യ​ക്ഷ​ർ, കൗ​ൺ​സി​ല​ർ​മാ​ർ, രാ​ഷ്ട്രീ​യ ക​ക്ഷി പ്ര​തി​നി​ധി​ക​ൾ ഉ​ൾ​പ്പെ​ടെ സം​ഘം ക​മീ​ഷ​ന്​ മു​ന്നി​ലെ​ത്തി​യ​ത്. അ​ധി​ക ഡി​വി​ഷ​ൻ വ​രു​ന്ന തൃ​ക്ക​ട​വൂ​ർ മേ​ഖ​ല​യി​ൽ മാ​ത്രം അ​തി​ർ​ത്തി നി​ർ​ണ​യി​ച്ച്​ വാ​ർ​ഡ്​ നി​ർ​ണ​യി​ക്ക​ണ​മെ​ന്ന്​ പ​രാ​തി​ക്കാ​ർ ആ​വ​ശ്യ​പ്പെ​ട്ടു. കോ​ർ​പ​റേ​ഷ​നി​ലെ പ​രാ​തി​ക​ൾ സം​സ്ഥാ​ന ഹി​യ​റി​ങ്ങി​ൽ പ്ര​ത്യേ​കം പ​രി​ഗ​ണി​ക്കു​മെ​ന്ന്​ ചെ​യ​ർ​മാ​ൻ പ്ര​ഖ്യാ​പി​ച്ചു.

ഖ​ന​നപ്ര​ദേ​ശ​ത്തെ ഒ​ന്നാ​ക്ക​രു​തെ, വീ​ട്​ തേ​ടി അ​വ​ർ വ​രും

ച​വ​റ​യി​ൽ ക​രി​മ​ണ​ൽ ഖ​ന​ന​ത്തി​ന്​ വീ​ടൊ​ഴി​ഞ്ഞു പോ​യ​വ​ർ തി​രി​ച്ചു​വ​രു​മ്പോ​ൾ അ​വ​ർ​ക്ക്​ അ​ഭ​യ​മൊ​രു​ക്കേ​ണ്ട വാ​ർ​ഡു​ക​ൾ അ​തേ​പ​ടി നി​ല​നി​ർ​ത്ത​ണ​മെ​ന്ന ആ​വ​ശ്യ​മു​യ​ർ​ത്തി​യാ​ണ്​ ച​വ​റ പ​ഞ്ചാ​യ​ത്ത്​ അം​ഗം മ​ഡോ​ണ ഹി​യ​റി​ങ്ങി​നെ​ത്തി​യ​ത്. ച​വ​റ​യി​ലെ ക​രി​ത്തു​റ, കോ​വി​ൽ​ത്തോ​ട്ടം വാ​ർ​ഡു​ക​ൾ യോ​ജി​പ്പി​ക്കാ​നു​ള്ള വി​ജ്ഞാ​പ​ന തീ​രു​മാ​ന​ത്തി​നെ​തി​രെ​യാ​ണ്​ പ​രാ​തി. ഈ ​ര​ണ്ട്​ വാ​ർ​ഡു​ക​ളും കെ.​എം.​എം.​എ​ൽ, ഐ.​ആ​ർ.​ഇ ഖ​ന​ന പ്ര​ദേ​ശ​മാ​ണ്. ഇ​വി​ടെ ഖ​ന​നം ന​ട​ത്തു​ന്ന​തി​നാ​യി താ​ൽ​ക്കാ​ലി​ക​മാ​യി താ​മ​സം മാ​റി​പ്പോ​യ നി​ര​വ​ധി കു​ടും​ബ​ങ്ങ​ളാ​ണു​ള്ള​ത്.

വി​ലാ​സം ഉ​ൾ​പ്പെ​ടെ ഒ​ന്നും മാ​റ്റാ​ത്ത ഈ ​കു​ടും​ബ​ങ്ങ​ൾ ഖ​ന​നം പൂ​ർ​ത്തി​യാ​യ സാ​ഹ​ച​ര്യ​ത്തി​ൽ ത​ങ്ങ​ളു​ടെ വാ​സ​സ്ഥ​ല​ങ്ങ​ളി​ലേ​ക്ക്​ മ​ട​ങ്ങി​വ​രാ​ൻ കാ​ത്തി​രി​ക്കു​ക​യാ​ണ്. ജ​ന​സം​ഖ്യ കു​റ​വാ​ണെ​ന്ന കാ​ര​ണ​ത്തി​ൽ ര​ണ്ട്​ വാ​ർ​ഡു​ക​ൾ കൂ​ട്ടി​ച്ചേ​ർ​ക്കു​മ്പോ​ൾ, ത​ങ്ങ​ളു​ടെ സ്ഥ​ല​ത്തേ​ക്ക്​ തി​രി​ച്ചെ​ത്തു​ന്ന​വ​ർ വ​ലി​യ ബു​ദ്ധി​മു​ട്ടാ​ണ്​ നേ​രി​​ടേ​ണ്ടി​വ​രി​ക​യെ​ന്നാ​ണ്​ മ​ഡോ​ണ ഡി​ലി​മി​റ്റേ​ഷ​ൻ ക​മ്മി​ഷ​ന്​ മു​ന്നി​ൽ ചൂ​ണ്ടി​ക്കാ​ട്ടി​യ​ത്. ഈ ​വി​ഷ​യം ഗൗ​ര​വ​മു​ള്ള​താ​ണെ​ന്നും പ​രാ​തി പ​രി​ഗ​ണി​ക്കാ​മെ​ന്നും ചെ​യ​ർ​മാ​ൻ അ​റി​യി​ച്ചു.

ഇ​രു​ക​ര​ക​ളി​ലാ​യി നീ​ണ്ട​ക​ര

ദേ​ശീ​യ​പാ​ത 45 മീ​റ്റ​റാ​യി ‘വ​ള​ർ​ന്ന​പ്പോ​ൾ’ ര​ണ്ട്​ ക​ര​ക​ളി​ലാ​യി മു​റി​ഞ്ഞു​പോ​യ വി​ഷ​മ​വു​മാ​യാ​ണ്​ നീ​ണ്ട​ക​ര​യി​ൽ നി​ന്ന്​ കോ​ൺ​ഗ്ര​സ്​ പ്ര​വ​ർ​ത്ത​ക​ർ എ​ത്തി​യ​ത്. മു​മ്പും ദേ​ശീ​യ​പാ​ത​ക്ക്​ ഇ​രു​വ​ശ​ത്താ​യി വാ​ർ​ഡു​ക​ൾ മു​റി​ഞ്ഞാ​ണ്​ കി​ട​ന്ന​തെ​ങ്കി​ലും ഇ​പ്പോ​ഴ​ത്തെ സ്ഥി​തി​യി​ൽ ഈ ​അ​വ​സ്ഥ അ​സ​ഹ​നീ​യ​മെ​ന്നാ​ണ്​ പ​രാ​തി​ക്കാ​ർ​ക്ക്​ പ​റ​യാ​നു​ള്ള​ത്. പ​ഞ്ചാ​യ​ത്തി​ന്‍റെ നാ​ലി​ൽ ഒ​രു ഭാ​ഗം ദേ​ശീ​യ​പാ​ത​ക്ക്​ കി​ഴ​ക്കാ​യും ബാ​ക്കി മു​ഴു​വ​ൻ പ​ടി​ഞ്ഞാ​റു​മാ​ണ്​ സ്ഥി​തി​ചെ​യ്യു​ന്ന​ത്​.

ഇ​വി​​ടെ ഏ​ഴ്​ വാ​ർ​ഡു​ക​ളാ​ണ്​ ദേ​ശീ​യ​പാ​ത​ക്ക്​ ഇ​രു​വ​ശ​വു​മാ​യി മു​റി​ഞ്ഞ്​ കി​ട​ക്കു​ന്ന​ത്. നേ​ര​ത്തെ ഉ​ണ്ടാ​യി​രു​ന്ന ഈ ​അ​വ​സ്ഥ​ക്ക്​ ദേ​ശീ​യ​പാ​ത​യു​​ടെ പു​തി​യ വി​ക​സ​നം പ​രി​ഗ​ണി​ച്ച്​ മാ​റ്റം ഉ​ണ്ടാ​ക​ണ​മെ​ന്നാ​ണ്​ പ​രാ​തി​ക്കാ​രു​ടെ ആ​വ​ശ്യം.

റോ​ഡ്​ മു​റി​ച്ചു​ക​ട​ക്കാ​ൻ പോ​ലും പാ​ടു​പെ​ടു​ന്ന സ്ഥി​തി​യി​ൽ കി​ലോ​മീ​റ്റ​റു​ക​ൾ ചു​റ്റി മാ​ത്രം വാ​ർ​ഡി​ന്​ ഒ​ര​റ്റ​ത്ത്​ നി​ന്ന്​ മ​റു​ഭാ​ഗ​ത്തേ​ക്ക്​ എ​ത്തേ​ണ്ട സ്ഥി​തി​യാ​ണ്​ നി​ല​വി​ലു​ള്ള​ത്. ദേ​ശീ​യ​പാ​ത സ്വാ​ഭാ​വി​ക അ​തി​ർ​ത്തി​യാ​യി ക​ണ​ക്കാ​ക്കി തീ​രു​മാ​നം ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ്​ സം​ഘം മ​ട​ങ്ങി​യ​ത്.

പരാതികൾ ഫുൾ സിറ്റിങ്ങിൽ പരിഗണിക്കും

കൊ​ല്ല​ത്ത്​ വാ​ർ​ഡു​ക​ളു​ടെ അ​തി​ർ​ത്തി​ക​ൾ, പേ​ര്​ മാ​റ്റം, വീ​ടു​ക​ളും ജ​ന​സം​ഖ്യ​യും സം​ബ​ന്ധി​ച്ച ഏ​റ്റ​ക്കു​റ​ച്ചി​ൽ, ആ​കൃ​തി ഉ​ൾ​പ്പെ​ടെ പ​രാ​തി​ക​ളാ​ണ്​ കൂ​ടു​ത​ൽ എ​ത്തി​യ​ത്. കൊ​ല്ലം കൂ​ടാ​തെ കോ​ട്ട​യം, പ​ത്ത​നം​തി​ട്ട, ഇ​ടു​ക്കി ജി​ല്ല​ക​ളി​ലാ​ണ്​ ഹി​യ​റി​ങ്​ ക​ഴി​ഞ്ഞ​ത്. ​ഫെ​ബ്രു​വ​രി 22ഓ​ടെ ഹി​യ​റി​ങ്​ പൂ​ർ​ത്തി​യാ​കും. പ​രാ​തി​ക​ൾ ഡി​ലി​മി​​റ്റേ​ഷ​ൻ ക​മീ​ഷ​ൻ ഫു​ൾ സി​റ്റി​ങ്ങി​ൽ പ​രി​ഗ​ണി​ക്കും. മാ​റ്റ​ങ്ങ​ൾ ആ​വ​ശ്യ​മെ​ങ്കി​ൽ അ​ക്കാ​ര്യ​ത്തി​ൽ തീ​രു​മാ​ന​മെ​ടു​ത്ത്​ വി​ജ്ഞാ​പ​ന​ത്തി​ൽ മാ​റ്റം വ​രു​ത്താ​ൻ ത​ദ്ദേ​ശ​സ്ഥാ​പ​ന​ങ്ങ​ൾ​ക്ക്​ നി​ർ​ദേ​ശം ന​ൽ​കും. അ​ത്​ കൂ​ടി ഉ​ൾ​പ്പെ​ടു​ത്തി​യാ​കും മാ​ർ​ച്ച്​ തു​ട​ക്ക​ത്തി​ൽ അ​ന്തി​മ വി​ജ്ഞാ​പ​നം പു​റ​പ്പെ​ടു​വി​ക്കു​ക. തു​ട​ർ​ന്നാ​ണ്​ ര​ണ്ടാം ഘ​ട്ട​ത്തി​ൽ ബ്ലോ​ക്ക്​ പ​ഞ്ചാ​യ​ത്തും മൂ​ന്നാം​ഘ​ട്ട​ത്തി​ൽ ജി​ല്ല പ​ഞ്ചാ​യ​ത്തും വി​ജ്ഞാ​പ​നം വ​രു​ന്ന​ത്. മേ​യി​ൽ ന​ട​പ​ടി​ക​ൾ പൂ​ർ​ത്തി​യാ​കു​ന്ന​ത​നു​സ​രി​ച്ചാ​ണ്​ വോ​ട്ട​ർ പ​ട്ടി​ക ക്ര​മീ​ക​രി​ക്കു​ന്ന​ത്.

എ. ​ഷാ​ജ​ഹാ​ൻ (ഡീ​ലി​മി​റ്റേ​ഷ​ൻ ക​മീ​ഷ​ൻ ചെ​യ​ർ​മാ​ൻ, സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ണ​ർ)