കരുത്ത് തെളിയിച്ച് പരസ്യപ്രചാരണത്തി​ന് സമാപനം; ഇന്ന് നിശബ്ദ പ്രചാരണം

കൊ​ല്ലം: ആ​രു​ടെ കൊ​ടി ഉ​യ​ര​ത്തി​ൽ പാ​റും, ആ​രു​ടെ പാ​ട്ട്​ ഉ​ച്ച​ത്തി​ലു​യ​രും, ആ​രു​ടെ ആ​വേ​ശം ആ​കാ​ശം മു​ട്ടും.... അ​ക്ഷ​രാ​ർ​ഥ​ത്തി​ൽ മ​ത്സ​ര​ക്കാ​ഴ്ച​യു​ടെ ആ​വേ​ശ​മാ​യി​രു​ന്നു കൊ​ല്ലം ചി​ന്ന​ക്ക​ട റൗ​ണ്ടി​ൽ കൊ​ട്ടി​യി​റ​ങ്ങി​യ​ത്. ചെ​ണ്ട​യും പ​ഞ്ച​വാ​ദ്യ​വും വ​ഴി​മാ​റി​യ പു​തി​യ​കാ​ല​ത്ത്​ ലൈ​റ്റു​ക​ൾ അ​ല​ങ്ക​രി​ച്ച ഡി.​ജെ വാ​ഹ​ന​ങ്ങ​ൾ, വ​ർ​ണ​ക​ട​ലാ​സു​ക​ൾ, ക്രെ​യി​ൻ, ആ​ന​യു​ടെ മാ​തൃ​ക, ക​ട്ടൗ​ട്ടു​ക​ൾ, ബോ​ക്സു​ക​ൾ... എ​ന്തെ​ല്ലാം എ​ത്തി​ച്ച്​ ക​രു​ത്ത്​ തെ​ളി​യി​ക്കാം അ​തെ​ല്ലാം മ​ത്സ​ര​ബു​ദ്ധി​യോ​ടെ എ​ത്തി​ച്ചാ​യി​രു​ന്നു മു​ന്ന​ണി​ക​ൾ കൊ​ട്ടി​ക്ക​ലാ​ശ​ത്തി​ന്‍റെ ആ​വേ​ശം തീ​ർ​ത്ത​ത്.

എ​ൽ.​ഡി.​എ​ഫ്, യു.​ഡി.​എ​ഫ്, എ​ൻ.​ഡി.​എ മു​ന്ന​ണി​ക​ളും സ്ഥാ​നാ​ർ​ഥി​ക​ളും അ​ണി​ക​ളും കൂ​ടാ​തെ സ്വ​ത​ന്ത്ര സ്ഥാ​നാ​ർ​ഥി​ക​ൾ വ​രെ പ​​ങ്കെ​ടു​ത്ത ​കൊ​ല്ലം ലോ​ക്സ​ഭ മ​ണ്ഡ​ല​ത്തി​​ന്‍റെ കൊ​ട്ടി​ക്ക​ലാ​ശ​മാ​ണ് ചി​ന്ന​ക്ക​ട റൗ​ണ്ടി​ൽ ന​ട​ന്ന​ത്.

കു​ത്ത​ക നി​ല​നി​ർ​ത്താ​ൻ കോ​ൺ​ഗ്ര​സും ത​ക​ർ​ക്കാ​ൻ ഇ​ട​തു​മു​ന്ന​ണി​യും ശ​ക്തി​തെ​ളി​യി​ക്കാ​ൻ എ​ൻ.​ഡി.​എ​യും പോ​രാ​ട്ടം ക​ടു​പ്പി​ക്കു​ന്ന മ​ണ്ഡ​ല​ത്തി​ൽ തെ​ര​ഞ്ഞെ​ടു​പ്പി​ന്‍റെ എ​ല്ലാ വാ​ശി​യും കൊ​ട്ടി​ക്ക​ലാ​ശ​ത്തി​ലും പ്ര​ക​ട​മാ​യി. കേ​ര​ള​ത്തി​ൽ ത​ന്നെ ഇ​ത്ര​യും ന​ല്ല കൊ​ട്ടി​ക്ക​ലാ​ശം വേ​റെ കാ​ണി​ല്ലെ​ന്ന്​ എം. ​മു​കേ​ഷ്​ മാ​ർ​ക്കി​ടു​ക​യും ചെ​യ്തു.

സം​ഘ ശ​ക്തി​കൊ​ണ്ട്​ മു​ന്നി​ൽ ഇ​ട​തു​പ​ക്ഷ​മാ​യി​രു​ന്നെ​ങ്കി​ലും ആ​വേ​ശം മൂ​ന്ന്​ വി​ഭാ​ഗ​ത്തി​ലും ഒ​ന്നി​നൊ​ന്ന്​ മി​ക​ച്ച​താ​യി. എ​ൽ.​ഡി.​എ​ഫി​ന്​ ക​രു​ത്താ​യി സി.​പി.​എം, സി.​പി.​ഐ, ജ​ന​താ​ദ​ൾ എ​സ്, ഐ.​എ​ൻ.​എ​ൽ ഉ​ൾ​പ്പെ​ടെ മു​ന്ന​ണി പ്ര​വ​ർ​ത്ത​ക​ർ കൂ​ടാ​തെ പി.​ഡി.​പി​ക്കാ​രും എ​ത്തി​.

യു.​ഡി.​എ​ഫി​നാ​യി​ കോ​ൺ​ഗ്ര​സ്, ആ​ർ.​എ​സ്.​പി, മു​സ്​​ലിം​ലീ​ഗ്, ഫോർവേഡ് ബ്ലോക്ക് പ്ര​വ​ർ​ത്ത​ക​ർ നി​റ​ഞ്ഞു​നി​ന്നു. എ​ൻ.​ഡി.​എ​ക്ക്​ ബി.​​ജെ.​പി കൂ​ടാ​തെ ബി.​ഡി.​ജെ.​എ​സ് പ്ര​വ​ർ​ത്ത​ക​രു​ടെ​ പി​ന്തു​ണ​യു​മു​ണ്ടാ​യി​രു​ന്നു.

മൂ​ന്ന്​ വി​ഭാ​ഗ​ക്കാ​ർ​ക്കു​മി​ട​യി​ൽ ബാ​രി​ക്കേ​ഡ്​ ആ​യി പൊ​ലീ​സ്​ ആ​ദ്യാ​വ​സാ​നം നി​ര​തീ​ർ​ത്തു​നി​ന്നു. ആ​യി​ര​ത്തോ​ളം പ്ര​വ​ർ​ത്ത​ക​ർ മു​ഖാ​മു​ഖം വ​ന്നി​ട്ടും അ​നി​ഷ്ട സം​ഭ​വ​ങ്ങ​ളൊ​ന്നും ഇ​ല്ലാ​തെ സ​മാ​ധാ​ന​പ​ര​മാ​യി ‘ഉ​പ​ചാ​രം’ ചൊ​ല്ലി​പി​രി​ഞ്ഞും ​കൊ​ല്ല​ത്ത്​ മു​ന്ന​ണി​ക​ൾ മാ​തൃ​ക​തീ​ർ​ത്തു.

ആ​ഘോ​ഷ​ത്തി​ന്‍റെ ര​ണ്ട്​ മ​ണി​ക്കൂ​ർ

ചി​ന്ന​ക്ക​ട റൗ​ണ്ടി​നെ മൂ​ന്ന്​ ഭാ​ഗ​മാ​യി തി​രി​ച്ച്​ മൂ​ന്ന്​ പ്ര​ധാ​ന​മു​ന്ന​ണി​ക​ൾ​ക്കും പൊ​ലീ​സ്​ സ്ഥ​ലം നി​ശ്ച​യി​ച്ച്​ ​ന​ൽ​കി​യി​രു​ന്നു. ഹെ​ഡ്​ പോ​സ്റ്റ്​ ഓ​ഫി​സി​ന്​ മു​ൻ​വ​ശം യു.​ഡി.​എ​ഫും ബീ​ച്ച്​ റോ​ഡി​ലേ​ക്കു​ള്ള ഭാ​ഗം എ​ൽ.​ഡി.​എ​ഫും ചെ​​ങ്കോ​ട്ട റോ​ഡ്​ ഭാ​ഗം എ​ൻ.​ഡി.​എ​യും വൈ​കീ​ട്ട്​ നാ​ല്​ മു​ത​ൽ നി​ല​യു​റ​പ്പി​ച്ചു.

അ​ഞ്ചു​​വ​ർ​ഷ​ത്തി​​​ന്​ ശേ​ഷം ന​ട​ന്ന കൊ​ട്ടി​ക്ക​ലാ​ശം എ​ന്ന പ്ര​ത്യേ​ക​ത​യു​ടെ ആ​വേ​ശം ഒ​ട്ടും ചോ​രാ​തെ പ്ര​വ​ർ​ത്ത​ക​ർ കൈ​മെ​യ് മ​റ​ന്നാ​ണ് ആ​ടി​ത്തി​മി​ര്‍ത്ത​ത്. ത്രി​ത​ല, നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ കോ​വി​ഡി​ന്‍റെ പ​ശ്ചാ​ത്ത​ല​ത്തി​ൽ കൊ​ട്ടി​ക്ക​ലാ​ശ​ങ്ങ​ൾ ഒ​ഴി​വാ​ക്കി​യി​രു​ന്നു. ഇ​ത്ത​വ​ണ ആ ​ക്ഷീ​ണ​വും തീ​ർ​ക്കു​ന്ന​താ​യി ആ​ഘോ​ഷം.

വൈ​കീ​ട്ട്​ നാ​ലോ​ടെ ത​ന്നെ നാ​ടി​ന്‍റെ വി​വി​ധ​ഭാ​ഗ​ങ്ങ​ളി​ൽ​നി​ന്ന്​ പ്ര​വ​ർ​ത്ത​ക​ർ ചി​ന്ന​ക്ക​ട​യി​ലേ​ക്ക്​ ഒ​ഴു​കി​ത്തു​ട​ങ്ങി. യു.​ഡി.​എ​ഫ്​ സ്ഥാ​നാ​ർ​ഥി എ​ൻ.​കെ.​ പ്രേ​മ​ച​​ന്ദ്ര​നാ​ണ്​ സ്ഥാ​നാ​ർ​ഥി​ക​ളി​ൽ നാ​ല​ര​യോ​ടെ ആ​ദ്യ​മെ​ത്തി​യ​ത്.

അ​ഞ്ച്​ ആ​യ​തോ​ടെ എ​ൻ.​ഡി.​എ സ്ഥാ​നാ​ർ​ഥി ജി. ​കൃ​ഷ്ണ​കു​മാ​റും എ​ത്തി. എ​ൽ.​ഡി.​എ​ഫ്​ സ്ഥാ​നാ​ർ​ഥി എ​ത്തി​ച്ചേ​ർ​ന്നി​ല്ലെ​ങ്കി​ലും പ്ര​വ​ർ​ത്ത​ക​ർ ആ​വേ​ശം ഒ​ട്ടും കെ​ടാ​തെ മ​റ്റ്​ ര​ണ്ട്​ മു​ന്ന​ണി​ക​ൾ​ക്കൊ​പ്പം പി​ടി​ച്ചു​നി​ന്നു. അ​ഞ്ച​ര​യോ​ടെ ത​ങ്ക​ശ്ശേ​രി​യി​ൽ​ൽ​നി​ന്ന് റോ​ഡ‍് ഷോ​യാ​യി എം. ​മു​കേ​ഷും നേ​താ​ക്ക​ളും കൂ​ടു​ത​ൽ പ്ര​വ​ർ​ത്ത​ക​രും എ​ത്തി​യ​തോ​ടെ ചി​ന്ന​ക്ക​ട റൗ​ണ്ട്​ കാ​ലു​കു​ത്താ​ൻ ഇ​ട​മി​ല്ലാ​ത്ത സ്ഥി​തി​യാ​യി.

ഉ​യ​രെ പാ​റി കൊ​ടി​ക​ൾ

വാ​ഹ​ന​ങ്ങ​ൾ​ക്ക്​ മു​ക​ളി​ലൾപ്പെടെ ക​യ​റി കൊ​ടി​വീ​ശാ​ൻ ഓ​രോ വി​ഭാ​ഗ​ത്തി​ലും പ്ര​വ​ർ​ത്ത​ക​രും നേ​താ​ക്ക​ളും വ​രെ മ​ത്സ​രി​ച്ചു. പ​തി​വ്​ തെ​റ്റി​ക്കാ​തെ ബി.​ജെ.​പി​ക്കാ​ർ ​ഇ​ത്ത​വ​ണ​യും ക്രെ​യി​ൻ എ​ത്തി​ച്ചു.

ആ​ദ്യം പ്ര​വ​ർ​ത്ത​ക​ൻ ക​യ​റി ഉ​യ​ര​ത്തി​ൽ കൊ​ടി വീ​ശി​യ​തി​ന്​ പി​ന്നാ​ലെ സ്ഥാ​നാ​ർ​ഥി​യും ക്രെ​യി​നി​ൽ മു​ക​ളി​ലെ​ത്തി. ഇ​ത്​ ക​ണ്ട്​ ആ​വേ​ശം മൂ​ത്ത യു.​ഡി.​എ​ഫ്, എ​ൽ.​ഡി.​എ​ഫ്​ പ്ര​വ​ർ​ത്ത​ക​ർ ‘അ​തു​ക്കും​മേ​ലെ’ ആ​യി ക​ണ്ടു​പി​ടി​ച്ച​ത്​ സ​മീ​പ​ത്തെ പ​ര​സ്യ​ബോ​ർ​ഡു​ക​ളാ​ണ്.

ചി​ന്ന​ക്ക​ട​യി​ലെ ഏ​റ്റ​വും ഉ​യ​ര​ത്തി​ലെ ര​ണ്ട്​ പ​ര​സ്യ​ബോ​ർ​ഡു​ക​ളി​ൽ അ​പ​ക​ട​ക​ര​മാ​യ രീ​തി​യി​ലെ കൊ​ടി​വീ​ശ​ൽ ക​ണ്ടു​നി​ൽ​ക്കാ​നെ ​പൊ​ലീ​സി​നും ക​ഴി​ഞ്ഞു​ള്ളു.

ആ​വേ​ശംതു​ള്ളി മു​കേ​ഷ്, ക്ഷീ​ണി​ത​നാ​യി പ്രേ​മ​ച​ന്ദ്ര​ൻ

ത​ങ്ക​ശ്ശേ​രി​യി​ൽ​നി​ന്ന്​ റോ​ഡ്​ ഷോ ​ആ​യി ചി​ന്ന​ക്ക​ട​യി​ൽ എ​ത്തി​യ​പ്പോ​ൾ ത​ന്നെ സ​മ​യം അ​ഞ്ച​ര ആ​യെ​ങ്കി​ലും പ്ര​വ​ർ​ത്ത​ക​ർ​ക്കു​മൊ​പ്പം നൃ​ത്ത​മാ​ടി​യാ​ണ്​ എം. ​മു​കേ​ഷ്​ കൊ​ട്ടി​ക്ക​ലാ​ശ​ത്തി​ൽ ആ​വേ​ശം നി​റ​ച്ച​ത്.

ഏ​റെ സ​ന്തോ​ഷം നി​റ​ഞ്ഞ ശ​രീ​ര​ഭാ​ഷ​യി​ൽ വാ​ഹ​ന​ത്തി​നു​ള്ളി​ൽ നി​ന്നാ​യി​രു​ന്നു സ്ഥാ​നാ​ർ​ഥി​യു​ടെ നൃ​ത്തം. ഒ​പ്പം നി​ന്ന എ​ൽ.​ഡി.​എ​ഫ്​ നേ​താ​ക്ക​ളും നൃ​ത്ത​ത്തി​ൽ കൂ​ടെ​കൂ​ടി.

യു.​ഡി.​എ​ഫ്​ പ​ക്ഷ​ത്ത്​ ക്ഷീ​ണി​ത​മു​ഖ​ഭാ​വ​മാ​യി​രു​ന്നു എ​ൻ.​കെ. പ്രേ​മ​ച​ന്ദ്ര​ന്. ഇ​ട​ക്ക്​ ‘കു​ട്ടി​പ്ര​വ​ർ​ത്ത​ക​നെ’ എ​ടു​ത്തു​യ​ർ​ത്തി ചേ​ർ​ത്തി​രു​ത്തി ആ​വേ​ശ​മു​യ​ർ​ത്തി. ജി. ​കൃ​ഷ്ണ​കു​മാ​റും പ്ര​വ​ർ​ത്ത​ക​ർ​ക്കൊ​പ്പം നൃ​ത്ത​ത്തി​ൽ പ​ങ്കാ​ളി​യാ​യി.

കൈ​വീ​ശി​യും കൈ​കൊ​ടു​ത്തും സെ​ൽ​ഫി​യെ​ടു​ത്തും അ​വ​സാ​ന​വ​ട്ടം വോ​ട്ട​ഭ്യ​ർ​ഥ​ന ന​ട​ത്തി​യും പ്ര​വ​ർ​ത്ത​ക​രെ​യൊ​ന്നും നി​രാ​ശ​രാ​ക്കാ​തെ സ്ഥാ​നാ​ർ​ഥി​ക​ൾ ശ​ബ്​​ദ​പ്ര​ചാ​ര​ണ​ത്തി​ന്‍റെ അ​വ​സാ​ന നി​മി​ഷ​ങ്ങ​ൾ കൂ​ടു​ത​ൽ അ​വി​സ്മ​ര​ണീ​യ​മാ​ക്കി.

കൃ​ത്യം ആ​റി​ന്​ ശ​ബ്​​ദ​ത്തി​ന്​ പൂ​ട്ടു​വീ​ണ​തോ​ടെ കൈ​യ​ടി​ച്ച്​ പി​രി​ഞ്ഞ്​ നാ​നാ​ദി​ക്കു​ക​ളി​ലേ​ക്ക്​ ജ​നം​തി​രി​ഞ്ഞൊ​ഴു​കി. ഇ​നി നി​ശ​ബ്​​ദ​ത നി​ർ​ണാ​യ​ക​മാ​കു​ന്ന മ​ണി​ക്കൂ​റു​ക​ൾ.

കരുനാഗപ്പള്ളിയിലും പത്തനാപുരത്തും സംഘര്‍ഷം

കരുനാഗപ്പള്ളി/പത്തനാപുരം: കരുനാഗപ്പള്ളിയിലും പത്തനാപുരത്തും കൊട്ടിക്കലാശം അക്രമത്തിൽ കലാശിച്ചു. കരുനാഗപ്പള്ളിയിൽ എം.എൽ.എ ഉൾപ്പെടെ നിരവധി പേർക്ക് പരിക്കേറ്റു. പത്തനാപുരത്ത് ജി​ല്ല പ​ഞ്ചാ​യ​ത്തം​ഗം ഉ​ള്‍പ്പെ​ടെ നാല് പേ​ര്‍ക്ക് പ​രി​ക്കേ​റ്റു.

ബുധനാഴ്ച വൈകീട്ട് നാലോടെയാണ് കരുനാഗപ്പള്ളിയിൽ സംഘർഷത്തിന് തുടക്കം കുറിച്ചത്. യു.ഡി.എഫിന് പ്രകടനം നടത്തേണ്ട സ്ഥലത്തേക്ക് വാഹനങ്ങൾ കടന്നുപോകാൻ കഴിയാത്ത രീതിയിൽ മറ്റ് വാഹനങ്ങൾ പാർക്ക് ചെയ്തത് സംബന്ധിച്ചാണ് ഇരു വിഭാഗങ്ങൾ തമ്മിൽ വാക്കേറ്റവും കൈയാങ്കളിയുമുണ്ടായത്.

ഇതിനിടെ സി.ആർ. മഹേഷ് എം.എൽ.എ, സി.പി.ഐ.എം സംസ്ഥാന കമ്മിറ്റിയംഗം സൂസൻ കോടി, കരുനാഗപ്പള്ളി എസ്.എച്ച്.ഒ പി.കെ. മോഹിത്, കൊല്ലം എ.ആർ ക്യാമ്പിലെ എ.എസ്.ഐ അജി, സീനിയർ സിവിൽ പൊലീസ് ഓഫിർ ഹാഷിം ഉൾപ്പെടെ നിരവധി പേർക്ക് പരിക്കേറ്റു.

ഇരുവിഭാഗവും 15 മിനിറ്റിലധികം നടത്തിയ കല്ലേറിൽ കെ.എസ്.ആർ.ടി.സി ബസുകൾ ഉൾപ്പെടെ നിരവധി വാഹനങ്ങൾക്ക് കേടുപാടുണ്ടായി. ഇരുവിഭാഗങ്ങളിൽ നിന്നായി അമ്പതോളം പ്രവർത്തകർ ചികിത്സ തേടി. നൂറോളം പ്രവർത്തകരുടെ പേരിൽ പൊലീസ് കേസെടുത്തു.

പത്തനാപുരത്ത് ജി​ല്ല പ​ഞ്ചാ​യ​ത്ത് ക​ല​വൂ​ർ ഡി​വി​ഷ​ന്‍ അം​ഗം അ​ന​ന്ദു​പി​ള്ള, കോ​ണ്‍ഗ്ര​സ് മ​ണ്ഡ​ലം പ്ര​സി​ഡ​ന്റ് ന​വാ​സ്ഖാ​ന്‍, യൂ​ത്ത് കോ​ണ്‍ഗ്ര​സ് മ​ണ്ഡ​ലം പ്ര​സി​ഡ​ന്റ് ബോ​ബ​ന്‍, ഡി.വൈ.എഫ്.ഐ പിടവൂർ വില്ലേജ് സെക്രട്ടറി സന്ദീപ് എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്. ന​ഗ​ര​ത്തി​ല്‍ ന​ട​ന്ന കൊ​ട്ടി​ക്ക​ലാ​ശം അ​വ​സാ​നി​പ്പി​ക്കാ​ന്‍ പൊ​ലീ​സ് നി​ർ​ദേ​ശം ന​ല്‍കി​യ​തി​ന് പി​ന്നാ​ലെ​യാ​യി​രു​ന്നു സം​ഭ​വം.

പ്ര​ചാ​ര​ണ​വാ​ഹ​ന​ങ്ങ​ളി​ലു​ണ്ടാ​യി​രു​ന്ന മൈ​ക്ക് ഓ​ഫ് ചെ​യ്യു​ന്ന​തു​മാ​യി ബ​ന്ധ​പ്പെ​ട്ട ത​ര്‍ക്ക​മാ​ണ് സം​ഘ​ര്‍ഷ​ത്തി​ലാ​യ​ത്. ഇ​രു​വി​ഭാ​ഗ​ത്തി​ലെ​യും യു​വ​ജ​ന സം​ഘ​ട​ന പ്ര​വ​ര്‍ത്ത​ക​ര്‍ ത​മ്മി​ല്‍ ഏ​റ്റു​മു​ട്ടു​ക​യാ​യി​രു​ന്നു. പ​രി​ക്കേ​റ്റ​വ​രെ പ​ത്ത​നാ​പു​ര​ത്തെ വി​വി​ധ ആ​ശു​പ​ത്രി​ക​ളി​ല്‍ പ്ര​വേ​ശി​പ്പി​ച്ചു.

കി​​ഴ​​ക്ക​​ൻ മേ​​ഖ​​ല​​യെ ജ​​ന​​സാ​​ഗ​​ര​​മാ​​ക്കി​ കൊ​ട്ടി​ക്ക​ലാ​ശം

പ​ത്ത​നാ​പു​രം

പ​ത്ത​നാ​പു​രം: കി​ഴ​ക്ക​ൻ മേ​ഖ​ല​യെ ജ​ന​സാ​ഗ​ര​മാ​ക്കി​യാ​ണ് ര​ണ്ട് മ​ണി​ക്കൂ​ർ പ​ര​സ്യ​പ്ര​ചാ​ര​ണം കൊ​ട്ടി​യി​റ​ങ്ങി​യ​ത്. പ​ത്ത​നാ​പു​ര​ത്തി​ന് പു​റ​മേ പി​റ​വ​ന്തൂ​ര്‍, വി​ള​ക്കു​ടി, ത​ല​വൂ​ർ, പ​ട്ടാ​ഴി, പ​ട്ടാ​ഴി വ​ട​ക്കേ​ക്ക​ര എ​ന്നി​വി​ട​ങ്ങ​ളി​ലെ പ്ര​വ​ര്‍ത്ത​ക​ര്‍ പ​ത്ത​നാ​പു​രം ന​ഗ​ര​ത്തി​ലെ​ത്തി​യി​രു​ന്നു. നാ​ലോ​ടെ പ്ര​ചാ​ര​ണ​വാ​ഹ​ന​ങ്ങ​ൾ പ്ര​ധാ​ന​കേ​ന്ദ്ര​ങ്ങ​ളി​ൽ സം​ഘ​ടി​ച്ച​തോ​ടെ ശ​ബ്ദ​കോ​ലാ​ഹ​ല​ത്തി​ന് തി​രി​കൊ​ളു​ത്തി.

മി​ക്ക സ്ഥ​ല​ങ്ങ​ളി​ലും വാ​ദ്യ​മേ​ള​ങ്ങ​ളു​ടെ അ​ക​മ്പ​ടി​യോ​ടെ​യാ​ണ് പ്ര​ചാ​ര​ണം അ​വ​സാ​നി​ച്ച​ത്. വി​വി​ധ മേ​ഖ​ല​ക​ളി​ലാ​യി ഇ​രു​നൂ​റി​ല​ധി​കം നി​യ​മ​പാ​ല​ക​രെ​യാ​ണ് വി​ന്യ​സി​ച്ചി​രു​ന്ന​ത്. പു​ന​ലൂ​ര്‍ ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ല്‍ ത​മി​ഴ്നാ​ട് പൊ​ലീ​സി​നെ​യും വി​ന്യ​സി​ച്ചി​രു​ന്നു.

അ​ഞ്ച​ൽ

അ​ഞ്ച​ൽ: ക​ലാ​ശ​ക്കൊ​ട്ട് അ​ഞ്ച​ലി​ൽ സൗ​ഹാ​ർ​ദ്ദ​പ​രം. പ്ര​ധാ​ന​പ്പെ​ട്ട മൂ​ന്ന് മു​ന്ന​ണി​ക​ളു​ടേ​യും പ്ര​വ​ർ​ത്ത​ക​രും നേ​താ​ക്ക​ളും അ​ഞ്ച​ൽ ആ​ർ.​ഒ ജ​ങ്ഷ​നി​ലാ​ണ് ഒ​ത്തു​കൂ​ടി​യ​ത്. യു.​ഡി.​എ​ഫ് പ്ര​വ​ർ​ത്ത​ക​ർ ച​ന്ത​മു​ക്കി​ൽ നി​ന്ന് സ്ഥാ​നാ​ർ​ഥി​യു​ടെ കൂ​റ്റ​ൻ ക​ട്ടൗ​ട്ടു​ക​ളു​ടെ​യും വാ​ദ്യ​മേ​ള​ങ്ങ​ളു​ടെ​യും അ​ക​മ്പ​ടി​യോ​ടെ​യാ​ണ് എ​ത്തി​ച്ചേ​ർ​ന്ന​ത്.

എ​ൽ.​ഡി.​എ​ഫ് പ്ര​വ​ർ​ത്ത​ക​രും നേ​താ​ക്ക​ളും കോ​ള​ജ് ജ​ങ്ഷ​നി​ൽ​നി​ന്നും എ​ൻ.​ഡി.​എ പ്ര​വ​ർ​ത്ത​ക​രും നേ​താ​ക്ക​ളും ഈ​സ്റ്റ് സ്കൂ​ൾ ജ​ങ്ഷ​നി​ൽ​നി​ന്നും പ്ര​ക​ട​ന​മാ​യെ​ത്തി. മു​ൻ​ധാ​ര​ണ പ്ര​കാ​രം യു.​ഡി.​എ​ഫ് പ്ര​വ​ർ​ത്ത​ക​ർ ആ​യൂ​ർ റോ​ഡി​ലും എ​ൽ.​ഡി.​എ​ഫ് പ്ര​വ​ർ​ത്ത​ക​ർ കു​ള​ത്തൂ​പ്പു​ഴ റോ​ഡി​ലും എ​ൻ.​ഡി.​എ പ്ര​വ​ർ​ത്ത​ക​ർ പു​ന​ലൂ​ർ റോ​ഡി​ലു​മാ​ണ് ഒ​ത്തു​കൂ​ടി​യ​ത്.

പു​ന​ലൂ​ർ

പു​ന​ലൂ​ർ: രാ​വി​ലെ മു​ത​ൽ ഗ്രാ​മ​ങ്ങ​ൾ കേ​ന്ദ്രീ​ക​രി​ച്ചി​രു​ന്ന അ​നൗ​ൺ​സ്മെ​ ന്റ് വാ​ഹ​ന​ങ്ങ​ളും പ്ര​വ​ർ​ത്ത​ക​രും വൈ​കീ​ട്ടോ​ടെ ചെ​റു​സം​ഘ​ങ്ങ​ളാ​യി പ​ല​വ​ഴി​യി​ലൂ​ടെ സ്ഥാ​നാ​ർ​ഥി​ക​ളു​ടെ ചി​ത്രം പ​തി​ച്ച പ്ല​ക്കാ​ർ​ഡു​ക​ളു​മാ​യി പു​ന​ലൂ​ർ പ​ട്ട​ണ​ത്തി​ൽ കേ​ന്ദ്രീ​ക​രി​ച്ചു. പ്ര​വ​ർ​ത്ത​ക​ർ ചെ​ണ്ട​മേ​ള​വും ബാ​ൻ​ഡ് സം​ഘ​ങ്ങ​ളു​ടെ​യും അ​ക​മ്പ​ടി​യോ​ടെ​യാ​ണ് ശ​ക്തി​പ്ര​ക​ട​ന​ത്തി​ന് എ​ത്തി​യ​ത്. പ​ല മു​തി​ർ​ന്ന നേ​താ​ക്ക​ളും എ​ത്തി​ച്ചേ​ർ​ന്ന​ത് അ​ണി​ക​ളെ ആ​വേ​ശ​ത്തി​ലാ​ക്കി.

ടി.​ബി ജ​ങ്ഷ​ൻ, കെ.​എ​സ്.​ആ​ർ.​ടി.​സി ജ​ങ്ഷ​ൻ, പോ​സ്റ്റ് ഓ​ഫി​സ് ജ​ങ്ഷ​ൻ എ​ന്നി​വി​ട​ങ്ങ​ളെ ബ​ന്ധി​പ്പി​ച്ചാ​ണ് ആ​വേ​ശ​പ്ര​ക​ട​നം ന​ട​ന്ന​ത്. യു.​ഡി.​എ​ഫ് പ്ര​വ​ർ​ത്ത​ക​ർ ര​ണ്ടു കു​തി​ക​ളെ​യും രം​ഗ​ത്ത് ഇ​റ​ക്കി. മൂ​ന്നു​കൂ​ട്ട​രു​ടെ​യും ത​ല​ങ്ങും വി​ല​ങ്ങു​മു​ള്ള അ​നൗ​ൺ​സ്മെ​ന്റ് വാ​ഹ​ന​ങ്ങ​ളും പ്ര​ക​ട​ന​വും പ​ല​പ്പോ​ഴും ഗ​താ​ഗ​ത സ്തം​ഭ​നം ഉ​ണ്ടാ​ക്കി. ശ​ക്ത​മാ​യ പൊ​ലീ​സ് സ​ന്നാ​ഹം ഉ​ണ്ടാ​യി​രു​ന്ന​തും പ്ര​വ​ർ​ത്ത​ക​ർ സ്വ​യം ആ​ത്മ​നി​യ​ന്ത്ര​ണം പാ​ലി​ച്ച​തും അ​വ​സാ​ന​ത്തെ ക​രു​ത്തു​കാ​ട്ട​ൽ സ​മാ​ധാ​ന​ത്തോ​ടെ സ​മാ​പി​ച്ചു.

കൊ​ട്ടാ​ര​ക്ക​ര

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര​യി​ലെ കൊ​ട്ടി​ക്ക​ലാ​ശം ആ​വേ​ശ​മാ​യി. വൈ​കീ​ട്ട് നാ​ലോ​ടെ മ​ണി​ക​ണ്ഠ​ൻ ആ​ൽ​ത്ത​റ​യു​ടെ ര​ണ്ട് ഭാ​ഗ​ത്താ​യി​ട്ട് തു​ട​ങ്ങി​യ കൊ​ട്ടി​ക്ക​ലാ​ശം വൈ​കീ​ട്ട് ആ​റോ​ടെ സ​മാ​പി​ച്ചു. പൊ​ലീ​സ് ഓ​രോ പാ​ർ​ട്ടി​ക്കാ​രെ​യും പ​ല ഭാ​ഗ​ങ്ങ​ളി​ലേ​ക്ക് ഒ​ഴി​ച്ചു​വി​ട്ട​തി​നാ​ൽ എ​ല്ലാ പാ​ർ​ട്ടി​ക്കാ​ർ​ക്കും ഒ​ത്തു​രു​മി​ച്ച് കൊ​ട്ടി​ക്ക​ലാ​ശം ന​ട​ത്താ​ൻ സാ​ധി​ച്ചി​ല്ല.

യു.​ഡി.​എ​ഫ് ക​ലാ​രൂ​പ​ങ്ങ​ളെ അ​ണി​നി​ര​ത്തി​യാ​ണ് കൊ​ട്ടി​ക്ക​ലാ​ശം ന​ട​ത്തി​യ​ത്. എ​ൽ.​ഡി.​എ​ഫി​ന്‍റെ പ്ര​ചാ​ര​ണം ച​ന്ത​മു​ക്കി​ൽ ആ​വേ​ശ​മാ​യി. എ​ൻ.​ഡി.​എ കൊ​ട്ടി​ക്കാ​ലാ​ശം ന​ട​ത്തി​യെ​ങ്കി​ലും പേ​രി​ന് മാ​ത്രം ഒ​തു​ങ്ങി. എ​ല്ല പാ​ർ​ട്ടി​യി​ലെ​യും കൊ​ട്ടാ​ര​ക്ക​ര മ​ണ്ഡ​ല​ത്തി​ലെ പ്ര​മു​ഖ നേ​താ​ക്ക​ൾ ഒ​പ്പം ഉ​ണ്ടാ​യി​രു​ന്നു.

കു​ള​ത്തൂ​പ്പു​ഴ

കു​ള​ത്തൂ​പ്പു​ഴ: പ​ഞ്ചാ​യ​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ല്‍ പ്ര​ചാ​ര​ണ പ​രി​പാ​ടി​ക​ളി​ലേ​ര്‍പ്പെ​ട്ടി​രു​ന്ന പാ​ര്‍ട്ടി പ്ര​വ​ര്‍ത്ത​ക​രും അ​നു​ഭാ​വി​ക​ളും നാ​ലു മു​ത​ല്‍ ത​ന്നെ കു​ള​ത്തൂ​പ്പു​ഴ​യി​ലേ​ക്കെ​ത്തി. ഒ​പ്പം വി​വി​ധ പാ​ര്‍ട്ടി​ക​ളു​ടെ പ്ര​ചാ​ര​ണ വാ​ഹ​ന​ങ്ങ​ളും എ​ത്തി​യ​തോ​ടെ കു​ള​ത്തൂ​പ്പു​ഴ ജ​ന​നി​ബി​ഢ​മാ​യി.

എ​ല്‍.​ഡി.​എ​ഫ്, യു.​ഡി.​എ​ഫ്, എ​ന്‍.​ഡി.​എ എ​ന്നി​വ​രു​ടെ നേ​തൃ​ത്വ​ത്തി​ല്‍ പ്ര​വ​ര്‍ത്ത​ക​ര്‍ ടൗ​ണി​ൽ പ്ര​ക​ട​നം ന​ട​ത്തി. ബൈ​ക്ക് റാ​ലി​യോ​ടെ പ്ര​വ​ര്‍ത്ത​ക​ർ ആ​ഞ്ച​ര​യാ​യ​തോ​ടെ കു​ള​ത്തൂ​പ്പു​ഴ ടൗ​ണി​ല്‍ കേ​ന്ദ്രീ​ക​രി​ച്ചു. കു​ള​ത്തൂ​പ്പു​ഴ പൊ​ലീ​സ് സ​ര്‍ക്കി​ള്‍ ഇ​ന്‍സ്പെ​ക്ട​ര്‍ ബി. ​അ​നീ​ഷി​ന്‍റെ നേ​തൃ​ത്വ​ത്തി​ല്‍ വ​ന്‍പൊ​ലീ​സ് സം​ഘം ടൗ​ണി​ല്‍ നി​ല​യു​റ​പ്പി​ച്ചി​രു​ന്നു.