ആരോഗ്യ പ്രവർത്തകരെ ആക്രമിച്ച സംഭവം: മുഖ്യപ്രതി അറസ്​റ്റിൽ

ഇരവിപുരം: ക്വാറൻറീൻ ലംഘനം ചോദ്യംചെയ്തതിന് ആരോഗ്യ പ്രവർത്തകരെ ആക്രമിക്കുകയും ജോലി തടസ്സപ്പെടുത്തുകയും ചെയ്ത കേസിൽ പ്രധാനപ്രതിയെ ഇരവിപുരം പൊലീസ് അറസ്​റ്റ് ചെയ്തു. തെക്കേവിള ലക്ഷ്മി നഗർ 171 പുത്തൻനട വീട്ടിൽ റീനാ ഭവനിൽ സുജുവാണ് (24) അറസ്​റ്റിലായത്.

കേസുമായി ബന്ധപ്പെട്ട് ഇയാളുടെ പിതാവ് സഫറിനെ (63) നേരത്തേ അറസ്​റ്റ് ചെയ്തിരുന്നു. ഈ കേസിൽ ഒരാളെക്കൂടി പിടികൂടാനുണ്ട്. ഇയാൾക്കായി പൊലീസ് ​െതരച്ചിൽ ആരംഭിച്ചിട്ടുണ്ട്. ജൂൺ പതിനൊന്നിന് രാത്രി പ​േത്താടെ പിടിയിലായ പ്രതിയുടെ വീടിന് സമീപത്തായിരുന്നു സംഭവം.

കന്യാകുമാരിയിൽ നിന്നെത്തിയ ഒരാൾ ക്വാറൻറീൻ ലംഘിച്ച് കറങ്ങി നടക്കുന്നതായി ശ്രദ്ധയിൽപെട്ടതിനെ തുടർന്ന് സ്ഥലത്തെത്തിയ ഇരവിപുരം ജെ.എച്ച്.ഐ സുനിൽകുമാറിനെയും സംഘത്തെയും മൂന്നംഗസംഘം ആക്രമി​െച്ചന്നാണ് കേസ്.

സംഭവമറിഞ്ഞ് സ്ഥലത്തെത്തിയ ഇരവിപുരം പൊലീസ് പ്രതികൾക്കെതിരെ കേ​െസടുക്കുകയായിരുന്നു.