ഇരുചക്രവാഹനങ്ങളിലെ ഇന്ധനം ഉൗറ്റുന്ന രണ്ടുപേർ പിടിയിൽ
text_fieldsപിടിയിലായ പ്രതികൾ
ഇരവിപുരം: അർധരാത്രിയിൽ ബൈക്കുകളിൽ സഞ്ചരിച്ച് പാർക്ക് ചെയ്തിരിക്കുന്ന ഇരുചക്രവാഹനങ്ങളിൽനിന്ന് പെട്രോൾ ഊറ്റി കടക്കുന്ന സംഘത്തിലെ രണ്ടുപേരെ ഇരവിപുരം പൊലീസ് അറസ്റ്റ് ചെയ്തു.
വടക്കേ വിള മുള്ളുവിള മൈത്രി നഗർ 20 കടകംപള്ളി വീട്ടിൽ സെയ്ദലി (20), പട്ടത്താനം ചേരിയിൽ മക്കാനി പീപ്പിൾസ് നഗർ 102 മേഴ്സി വില്ലയിൽ അലൻ (19) എന്നിവരാണ് പിടിയിലായത്.
സെയ്ദലി അടിപിടിക്കേസുകളിലും പ്രതിയാണ്. ഞായറാഴ്ച അർധരാത്രി എൻ.എസ് സഹകരണ ആശുപത്രിയിലെ ജീവനക്കാരെൻറ ബൈക്കിൽനിന്ന് പെട്രോൾ ഊറ്റവെയാണ് ഇവർ പിടിയിലായത്.
ഇവർ സഞ്ചരിച്ച ബൈക്കും പെട്രോൾ ഊറ്റിക്കൊണ്ടുപോകുന്നതിനായുള്ള കുപ്പികളും മറ്റും പൊലീസ് പിടിച്ചെടുത്തു.
പാലത്തറ, തട്ടാമല, മുള്ളുവിള, ശ്രീരാമപുരം ഭാഗങ്ങളിൽ വീടുകളിലിരിക്കുന്ന ബൈക്കുകളിൽ നിന്ന് രാത്രികാലങ്ങളിൽ പെട്രോൾ ഊറ്റിക്കൊണ്ടുപോകുന്നത് പതിവായി.
ഇരവിപുരം പൊലീസ് ഇൻസ്പെക്ടർ വിനോദ് കെ, എസ്.ഐ അനീഷ് എന്നിവർക്ക് ലഭിച്ച നിരവധി പരാതികളുടെ അടിസ്ഥാനത്തിൽ രാത്രി കാല നിരീക്ഷണം ശക്തമാക്കിയിരുന്നു.
എസ്.ഐ ദീപു, സി.പി.ഒ സാബിത്ത് എന്നിവരുടെ നേതൃത്വത്തിൽ പട്രോളിങ് നടത്തവെയാണ് പ്രതികൾ പിടിയിലായത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.