കൊല്ലം-പരവൂർ തീരദേശ റോഡ് തകർന്ന് യാത്ര ദുഷ്കരം

ഇ​ര​വി​പു​രം: കൊ​ല്ല​ത്തു​നി​ന്ന് പ​ര​വൂ​ർ-​വ​ർ​ക്ക​ല എ​ന്നി​വി​ട​ങ്ങ​ളി​ലേ​ക്ക് ഗ​താ​ഗ​ത​ക്കു​രു​ക്കി​ല്ലാ​തെ​യെ​ത്താ​ൻ ക​ഴി​യു​ന്ന കൊ​ല്ലം-​പ​ര​വൂ​ർ തീ​ര​ദേ​ശ റോ​ഡ് ത​ക​ർ​ന്ന് യാ​ത്ര ദു​ഷ്ക​രം. റോ​ഡ്​ ത​ക​ർ​ന്നി​ട്ട് നാ​ളു​ക​ളേ​റെ​യാ​യെ​ങ്കി​ലും പു​ന​ർ​നി​ർ​മാ​ണ​ത്തി​ന് ന​ട​പ​ടി​യി​ല്ല.

മു​ണ്ട​യ്ക്ക​ൽ പാ​പ​നാ​ശം മു​ത​ൽ ഇ​ര​വി​പു​രം വ​രെ​യാ​ണ് യാ​ത്ര ദു​ഷ്ക​രം. റോ​ഡ് ക​ട​ലെ​ടു​ത്ത സ്ഥ​ല​ങ്ങ​ളി​ലൊ​ന്നും ക​ട​ൽ​ഭി​ത്തി​യു​മി​ല്ല. അ​ഞ്ച് സ്വ​കാ​ര്യ ബ​സു​ക​ൾ സ​ർ​വി​സ് ന​ട​ത്തു​ന്ന റോ​ഡി​ൽ മ​റ്റൊ​രു വാ​ഹ​ന​ത്തി​ന് സൈ​ഡ് കൊ​ടു​ക്കാ​ൻ​പോ​ലും ക​ഴി​യാ​ത്ത സ്ഥി​തി​യാ​ണ്.

അ​ടു​ത്തി​ടെ തി​രു​വ​ന​ന്ത​പു​ര​ത്തു​നി​ന്ന് തീ​ര​ദേ​ശം വ​ഴി ക​രു​നാ​ഗ​പ്പ​ള്ളി​യി​ലേ​ക്ക് ആ​രം​ഭി​ച്ച കെ.​എ​സ്.​ആ​ർ.​ടി.​സി ഫാ​സ്റ്റ് പാ​സ​ഞ്ച​ർ ബ​സ് റോ​ഡ് ത​ക​ർ​ച്ച​കാ​ര​ണം നി​ർ​ത്ത​ലാ​ക്കി. ഏ​താ​നും വ​ർ​ഷം മു​മ്പു​ണ്ടാ​യ ക​ട​ലാ​ക്ര​മ​ണ​ത്തി​ലാ​ണ് വേ​ളാ​ങ്ക​ണ്ണി കു​രി​ശ​ടി, ഗാ​ർ​ഫി​ൽ ന​ഗ​ർ എ​ന്നി​വി​ട​ങ്ങ​ളി​ൽ റോ​ഡ് ത​ക​ർ​ന്ന​ത്. റോ​ഡ് ത​ക​ർ​ന്ന​തോ​ടെ വ​ർ​ക്ക​ല​യി​ലേ​ക്കു​ള്ള ടൂ​റി​സ്റ്റു​ക​ളും ഇ​തു​വ​ഴി വ​രാ​തെ​യാ​യി.

നി​ല​വി​ൽ കൊ​ല്ല​ത്തു​നി​ന്ന് പ​ര​വൂ​രി​ലേ​ക്ക് പോ​കാ​ൻ ചാ​ത്ത​ന്നൂ​ർ തി​രു​മു​ക്കി​ലെ​ത്തി തി​രി​ഞ്ഞു​പോ​കേ​ണ്ട സ്ഥി​തി​യാ​ണ്. തീ​ര​ദേ​ശ റോ​ഡ് വ​ഴി 20 മി​നി​റ്റു​കൊ​ണ്ട് പ​ര​വൂ​രി​ലെ​ത്താ​ൻ ക​ഴി​യു​മാ​യി​രു​ന്നു.

റോ​ഡി​ന്‍റെ വ​ശ​ങ്ങ​ൾ ത​ക​ർ​ന്ന​തി​നാ​ലും ക​ട​ൽ​ഭി​ത്തി പ​ല സ്ഥ​ല​ത്തും ഇ​ല്ലാ​ത്ത​തി​നാ​ലും ജീ​വ​ൻ പ​ണ​യം​വെ​ച്ച് വേ​ണം ഇ​തു​വ​ഴി യാ​ത്ര​ചെ​യ്യാ​ൻ.

ഇ​ര​വി​പു​രം, ചാ​ത്ത​ന്നൂ​ർ മ​ണ്ഡ​ല​ങ്ങ​ളി​ലൂ​ടെ ക​ട​ന്നു​പോ​കു​ന്ന റോ​ഡ് പു​ന​ർ​നി​ർ​മി​ക്കാ​ൻ എം.​എ​ൽ.​എ​മാ​ർ മു​ൻ​കൈ​യെ​ടു​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.